1 Sámìɔ̀ 20
20
Zɔ̀nátã̀ è gbũ̀ Dèɓé ɓà
1Lɛ̀kɔ̀ɔɛ Dèɓé è dùà é go Néɔ̀ gùnlɵ, Wrámà pɵɵ é lo Zɔ̀nátã̀ píé ê pɵ, “Mǝ̀ mâ kǝɛ̀? Mǝ̀ tɔn â sìèè? Mǝ̀ yaa mâ kǝ̀ ɥ dǝ ká ê mɛɛ̀là nyɛ̀ɛ̀ n zǝ nɛ̀?”
2É Zɔ̀nátã̀ yà pɵàlǝ̀, “A bɔ̃̂ zie! Ч káló ga. Lɛ̀gà, wɔ̃́ sáálɵ n dǝ lɵ́ kǝlàɛ̀ è kǝ̀ vàò ĩ́ĩ́ tééo yáá à gbɛ kǝ n tií, ĩ́ĩ́ mǝ̀kǝ̀ n dǝ è lo wɔ̃́ nɛ̀ɛ̀ bĩ̀ n ɓàɛ̀? Yaâ pɵ́.”
3Kǝǝ Dèɓé yà dàà ê pɵ, “Ч dǝ yà gɥ́dɔ̀ sǝ̀ nɛ̀ɛ̀ ɥ lɔ̀kǝ̀ n ká dùò, éye zòtà wòa nɛ̀ɛ̀, ‘Kɵ́kǝ̀ Zɔ̀nátã̀ è wɔ̃́ nɛ̀ gɥ́dɔ, kɵ́kǝ̀ é nu gĩ̀ e gɥ́ yénzǝ̀ ká.’ Kǝǝ wɔ̃́dèká, a bìɛ̀ Yàwɛ pɛá, â bìɛ̀ ɥ pɛá pɵ́, gɛ̃̀wò do wɛ́á yà tó nyià ga yi son.”
4Lɛ̀kɔ̀ɔɛ Zɔ̀nátã̀ yà pɵ Dèɓé lǝ̀, “Pǝ sáálɵ ɥ́ mɛ̀ɛ̀ à káɛ a lòà kǝ ɥ lǝ̀.”
5Dèɓéà pɵ Zɔ̀nátã̀ lǝ̀, “Lɛ̀àzɵ, lɛ̀apíé é tɔɔ Sú Dɔ̀ù Ŋwáà yi, è n ɓà ã́ã̀ yà kíŋa pǝɓɵ̀lɛ̀ ɓà kǝ gó á ló, á n bĩ̀ píílàà è toápɵ́ à lɛ̀kpààyì yààkazǝ̀ yínɛ̀alɛ̀ è dɔá. 6Àyé ɥ dǝ yàà gɥ́dɔ nɛ̀ɛ̀ n ká máɛ, à biɛ̀ à lǝ̀ nɛ̀ɛ̀, ‘Dèɓé è ɓɛ̀à n lǝ̀ kàfrɛ̃́ã́ dàɥ̀ ká nyɛ̀ɛ̀ ló blàa e plɵ̀ɵ̀ Bɛ́fléhɛ́ǹ pɵɵ, ɓií kwɛ̀gɥ́ srà è má kǝ kpɔ̀grúzǝ̀ wã̀ã̀ ɓo.’ 7Àyé yàà pɵ, ‘È sǝ̀ɛ̀,’ kǝ wɔ̃̂ lò kǝ n ɓà sǝ̀, kǝǝ é wɔ̃́ yà naàzòàɛ̀, kǝ à gɥ́dɔ nɛ̀ɛ̀ wɔ̃́ yaa kɛ̃̀ãkã́sɥ̀ mɥ̀ à zòɔgɥ́. 8Àmɔ́ɔ̀wɔ̃̀ɓàɛ̀ ɓò zrèesǝ̀ kǝ n ká, ɓií ɓá ɥ wòdɔ n lǝ̀ Yàwɛ pɛá. Kǝǝ àyé wɔ̃́ yaa lɵ́ n gɥ́ɛ, ɥ dè ɓò n zǝ, ɓií mǝ̀kǝ̀ ɥ́ lo n dɔ ɥ dǝ kwɛɛ̀?”
9É Zɔ̀nátã̀ yà pɵ, “À bɔ̃̂ zie! É kɛ̃̀ɛ̃̀ a gɥ́dɔ wɔ̃́dèká nɛ̀ɛ̀ n dǝ yà wɔ̃́ yaa yà e zòà nyàà kǝ ɥ káɛ n kálóà biɛ̀ ɥ lǝ̀à?”
10Lɛ̀kɔ̀ɔɛ Dèɓéà pɵ Zɔ̀nátã́ lǝ̀, “Dɵ é lo n zòbɥ̀ɵ̀ àyé ɥ dǝ yà ɥ zǝnu gbéèɛ̀ káɛ?”
11Zɔ̀nátã̀ yà pɵ Dèɓé lǝ̀, “Ƃònu kó ló píílàà.” É wo pèètɛ wó lo píílàà. 12Lɛ̀kɔ̀ɔɛ Zɔ̀nátã̀ yà pɵ Dèɓé lǝ̀, “Yàwɛ, Ézrɛ̀a Aaɓi ɓɛɛ, è kǝ gòò ká! Àyé má n dǝ lɛ̀ɛ̀kpɔ́ kǝ ɥ mɔ́ɔ̀wɔ̃̀ká lɛ̀apíé ĩ́ĩ́ lɛ̀atààɛ̀ wɔ̃́dèká é kɛ̃̀ɛ̃̀ à zòɔ è sǝ̀ ɥ píéɛ, a lò mɛ bɔ kǝ nyàà biɛ̀ ɥ lǝ̀. 13Kǝǝ yàkǝ n dǝ grúli wɔ̃̀ ká nyɛ̀ɛ̀ pǝlíè kǝ ɥ káɛ, gó Yàwɛ ɓɛɛ è pǝ do ɓɛ kǝ n gɔ̀ wãã̀ wɔ̃́líè plǝǝ̀zǝ̀ ká, àyé n ká ɥ zòbɥ̀ɵ̀ ã́ã̀ ɥ bɔ kǝ ɥ́n ló ɥ gɔ̀lalɛ̀ ɓàɛ̀ ká. Gó Yàwɛ ɓɛɛ è kǝ ɥ píé nɛ̀ɛ̀ zɛ̃ã é kǝ̀a n dǝ píéɛ lɵ́. 14Àyé má tó ɓéìɛ̀, ɓò tó ɥ wòdɔwò é Yàwɛ pɛáɛ píé, ɥ lɔ̀kǝ̀a yáá gblòòɛ̀ zɔ̃̀ n lǝ̀, kɵ́kǝ̀ á nu ga. 15Kɵ́kǝ̀ ɥ́ɥ tàye n píékee lɛ̀ ɓà tòapóká. Yi é Yàwɛ lo ɥ dǝgbɵnù ɓoá kpɔ́ànluo zɵɛ, 16kɵ́kǝ̀ n tɔ́ è go Dèɓé píékee. Ĩ́ĩ́ gó Yàwɛ è ɥ gbɔ̀ɓo ɥ dǝgbɵnù ɓà.”
17É Zɔ̀nátã̀ yà kǝ̀ Dèɓé èye wòdɔ à lǝ̀ zɥ́ nyàà lɔ̀kǝá teelɵ, ɓií Zɔ̀nátã̀ dèe yà lɔ̀kǝ̀ Dèɓé ká nɛ̀ɛ̀ e dè lɵ́. 18Lɛ̀kɔ̀ɔɛ Zɔ̀nátã̀ yà pɵ Dèɓé lǝ̀, “Lɛ̀apíé é tɔɔ Sú Dɔ̀ù Ŋwáà yi. Ч ye lɔ̀ lò yi kǝ, ɓií ɥ yàlɛ̀ lò to wɛ́á. 19Ĩ́ĩ́ à yi yààkazǝ̀ káɛ ɥ ye lɔ̀ lò yi kǝ dèèdè. Yàkǝpɵ́ɛ ɓò ló lɛ̀ ɥ́ɥ bĩ̀àɓà tǝɥ́ɛ ɓà ɥ́ yà gùǝ̀ kpodɔùzǝ̀ ɓɛ sɔ́. 20A lò srṹṹ yààka zùò àɓà nɛ̀ɛ̀ pǝ á nu nɔ́ à zùolɛ̀àɛ̀ lɵ́. 21Yàkɔɔ́ɛ a lò ma yuɔkǝmɛ̀ do bɔ nyɛ̀ɛ̀ ló srṹṹ ganù ɓɛ mɛɛ̀lɛ̀à. Àyé mâ pɵ à lǝ̀, ‘Lɛ̀gà zɵ, wò nɵ́zɛ̃̀ã, wo sɥ́ɛ,’ à zɥ́ tɔɔ lɛ̀ è nɵ́ sǝ̀ ɓònu. A n wòɓɵ̀ Yàwɛ ɓéì pɛá nɛ̀ɛ̀ wɔ̃́ gbéè gbɛɛ yaáló kǝ ɥ ká. 22Kǝǝ mâ pɵ ma yuɔkǝmɛ̀ lǝ̀, ‘Lɛ̀gà dè, srṹṹ ganù ɓɛɛ wò ɥ líé má gbɛ̃̀ɛ̃̀,’ ɓò lóɛ, kǝ Yàwɛ é ɥ bɔlà ɥ́n ló gbɛ̃̀ɛ̃̀ ɓǝ. 23Àyé é gbã̀ wòdɔwò kô kǝ̀ɛ̀ ɓàɛ̀, Yàwɛ ɓɛɛ è ko son tòapɵ́ká.”
24Zɛ̃ã dè ɓɛɛ Dèɓé yà kǝ̀a, éye bĩ̀ píílàà. Lɛ̀ Sú Dɔ̀ù Ŋwáà yi è wòɛ̀, kiŋ ɓɛɛ è yàsɛa nyɛ̀ɛ̀ ɓɵ̀pǝ ɓɵ̀. 25Kiŋ ɓɛɛ é yà yaa táná gɥ́ nɛ̀ɛ̀ zɛ̃ã é yàlàà ká teelɵ yaa táná gɥ́ kɔ́bũã̀ɛ̃̀ lɵ́. Zɔ̀nátã̀ è yà e dǝ pɛá éye wɥǝ bɔ à píé, é Ábínǝ̀ è yà Sɔ́ɔ̀ sɛ̃́ĩ̀ zɛ̃̀ã, kǝǝ Dèɓé yàlɛ̀ è tò wɛ́á. 26Kǝǝ Sɔ́ɔ̀ yaá wɔ̃́gbɛ biɛ̀ yi ɓɛ ká, ɓií èye zòtà nɛ̀ɛ̀ pǝ do yà kǝ Dèɓé ká, yàà kǝ tìì tɔn pɛá, é yaá mɔ̀àɓà nyɛ̀ɛ̀ yà ɓɵ̀pǝ̀ nɛ̀ ɓɵ̀lɛ̀ ɓà. 27Kǝǝ à yi pèètɛzǝ̀ ká, yi é ye ŋwáà yi píéɛ káɛ, Dèɓé yàlɛ̀ è tò wɛ́á zɥ́. Lɛ̀kɔ̀ɔɛ Sɔ́ɔ̀à pɵ e gbɵ Zɔ̀nátã̀ lǝ̀, “Mǝ̀kǝ̀ Zɛ́sè gbɵ ɓɛ yaá nu pǝɓɵ̀lɛ̀ ɓà nyɛá wãã̀ gbɛ̃́ã̀ɛ̃̀?”
28Zɔ̀nátã̀ yà pɵ Sɔ́ɔ̀ lǝ̀, “Dèɓé è ɓɛ̀à n lǝ̀ kàfrɛ̃́ã́ lɛ̀sɥ̀ ká nyɛ̀ɛ̀ ló e plɵ̀ɵ̀ Bɛ́fléhɛ́ǹ. 29Ê pɵ, ‘Gó á ló, ɓií yia kpɔ̀grúzǝ̀ wò lò sraɓo yeé pɵɵ, é n lòò yà n pã́ã́ɓo kǝ ã́ã̀ kǝ má. Àmɔ́ɔ̀wɔ̃̀gɥ́ɛ ɓò gbũ n ɓà ã́ã̀ ló ã́ã̀ n lòòbɔ̀ ye.’ Pǝ é kǝ̀ yaá nu kiŋa pǝɓɵ̀lɛ̀ ɓàɛ̀ é ɓǝ.”
30Lɛ̀kɔ̀ɔɛ Sɔ́ɔ̀ è nààsɥ̀ gbéèká Zɔ̀nátã̀ ɓà, ê pɵ à lǝ̀, “Ƃi ɥ́ le zɛ̃ãtóùzǝ̀, é dɔ mɛ gɔ̀ nyǝ́nɛ gbɵ ká nɛ̀, a gɥ́dɔ nɛ̀ɛ̀ ɓá Zɛ́sè gbɵ sɥ́ ɥ zòà ká sáálɵ, kǝ xlǝ nyɛ̀ɛ̀ kpɔ́ ɥ là nyɛ̀ɛ̀ kpɔ́ ɥ le é ɥ kpɔɛ là. 31Ƃií lɛ̀ Zɛ́sè gbɵ ɓɛ lɵ́ tũ̀à gɥ́ ɓéì kpɔ́ànlú zɵɛ, ɓio, ɓa kínsɛ̀ò à gbɛɛ káló kǝlɵ̀. Lɛ̀ é pɵ́ɛ ɓò mɛ bɔ wà mɛɛ̀ n lǝ̀, ɓií è lò ga gbɔ̀gbɔ̀lɵ!”
32Lɛ̀kɔ̀ɔɛ Zɔ̀nátã̀ yà pɵ e dǝ Sɔ́ɔ̀ lǝ̀, “Mǝ̀kǝ̀ é lo gaɛ̀? Mǝ̀ yàà kǝɛ̀?”
33Kǝǝ Sɔ́ɔ̀ è yaa dɥ́ zùò à píé nyàà zǝá. Lɛ̀ ɓɛ ɓàɛ̀ é Zɔ̀nátã̀ yà gɥ́dɔá gbɔɔ nɛ̀ɛ̀ à dǝ yàà kɛ̃̀ãkã́ e zòɔgɥ́ kǝ nyɛ̀ɛ̀ Dèɓé zǝ. 34Zɔ̀nátã̀ è wrùù pǝɓɵ̀lɛ̀ ɓà nàzòà gbéè ká, é yaá pǝɓɵ̀ sú ɓɛɛ à lɛ̀kpààyì pèètɛzǝ̀ ká, à zòɔ é dà wɛ̀ɛ̀gɥ́ Dèɓé mɔ́ɔ̀wɔ̃̀ɓàɛ̀ ká, ɓií à dǝ yà xlǝ kpɔ́ Dèɓé là. 35Zɔ̀nátã̀ è wrùù lɛ̀àlíé e lo píílàà nyɛ̀ɛ̀ Dèɓé ye nɛ̀ɛ̀ zɛ̃ã wô bìɛ̀aɛ lɵ́. Wãã̀ nǝ́gɔ̃ɔ̃̀zǝ̀ ɓlɵ́téé wó lo. 36Lɛ̀kɔ̀ɔɛ ê pɵ nǝ́gɔ̃ɔ̃̀zǝ̀ ɓɛ lǝ̀, “Ƃò blàsɥ́ ɥ́ srṹṹganù á wo zùòlàɛ̀ mɛɛ̀.” Lɛ̀ nǝ́ ɓɛ é kǝ̀ lólɛ̀à blàaɛ, Zɔ̀nátã̀ è srṹṹ do zùò à líé gbɛ̃̀ɛ̃̀. 37Lɛ̀ nǝ́ɓɛ yà wò srṹṹga ɓɛ ɓàɛ̀, Zɔ̀nátã̀ yà lɔ̀ɔ̀kǝ̀ ê pɵàlǝ̀, “Srṹṹga ɓɛ yaá lò má gbɛ̃̀ɛ̃̀ã̀?” 38Zɔ̀nátã̀ yà pɵ nǝ́ ɓɛ lǝ̀, “À kǝ síèsíè, ɥ́ gó ɥ pĩã̀, kɵ́kǝ̀ ɥ́ to mɥ́.” É nǝ́gɔ̃ɔ̃̀zǝ̀ ɓɛ é srṹṹga nù ɓɛ wàà é nu woá e dɛn lɛ̀. 39Kǝǝ nǝ́gɔ̃ɔ̃̀zǝ̀ ɓɛ yaá wɔ̃́ gbɛɛ gɥ́dɔ, Zɔ̀nátã̀ wãã̀ Dèɓé nɔ́ wó wɔ̃́ ɓɛɛ gɥ́dɔ. 40Lɛ̀kɔ̀ɔɛ Zɔ̀nátã̀ è yaa kózǝ pǝ̀nù dɔ nǝ́ɓɛ gɔ̀, ê pɵ à lǝ̀, “Ƃò ló pǝnù ɓɛɛ ká pɵɵ.”
41Lɛ̀ nǝ́ ɓɛ yà lóɛ, é Dèɓé è go gùǝ̀ kpodɔùzǝ̀ ɓɛ tàà é pɥ̀ɵ̀ e wɥǝ là sɛa, é gblɥ̃̀ kpolà yààka, é wo pèètɛ wóo bɛ̃̀pà wo kóá, wó gbɵbɔ wo kóà é toápɵ́ Dèɓéa wɛ̀ɛ̀ ɓlɵ̂ lo sɛa. 42Lɛ̀kɔ̀ɔɛ Zɔ̀nátã̀ yà pɵ Dèɓé lǝ̀, “Ƃò ló zòɔyàgrú ká, ɓií ko wò kô dɔɛ Yàwɛ yà mà. Gó è kǝ pɵ́ kɔ̃ɔ̃̀ ko son, ĩ́ĩ́ n dùnnù wãã̀ ɥ dùnnù wo son tòapɵ́ká.” Lɛ̀ yà kɔɔ́ɛ Dèɓé è yaa lóɓo, é Zɔ̀nátã̀ è lo pɵɵ.
Currently Selected:
1 Sámìɔ̀ 20: DHB
Highlight
Share
Copy
Want to have your highlights saved across all your devices? Sign up or sign in
