1 Sámìɔ̀ 19
19
Sɔ́ɔ̀ è Dèɓé króɓò
1Sɔ́ɔ̀ è wɔ̃́bìɛ̀ e gbɵ Zɔ̀nátã̀ wãã̀ yaa kózǝmɛ̀ sáálɵɛ lǝ̀ kǝ wɔ̃̀ɔ̃̀ Dèɓé zǝ. Kǝǝ Zɔ̀nátã̀ yà lɔ̀kǝ̀ Dèɓé ká dùò. 2Lɛ̀kɔ̀ɔɛ Zɔ̀nátã̀ yà pɵ Dèɓé lǝ̀, “N dǝ Sɔ́ɔ̀ yà mɛɛ̀là kǝ nyɛ̀ɛ̀ ɥ zǝ. Àmɔ́ɔ̀wɔ̃̀gɥ́ɛ ɥ zòkǝ ɥ dèpíé lɛ̀àlíé, ɥ́ɥ bĩ̀lɛ̀ɓo ɥ́ tó ɥ bĩ̀lɛ̀ɓà. 3Nyià n dǝ yi lò nu tàtásɥ̀a ɥ bĩ̀lɛ̀ sɔ́, yàkɔɔ́ɛ a lò wɔ̃́biɛ̀ n dǝ píé é gbã̀ ɥ ɓà. Àyé má wɔ̃́ sáálɵɛ maɛ a lòà biɛ̀ ɥ lǝ̀.”
4É Zɔ̀nátã̀ è wɔ̃́bìɛ̀ sǝ̀ Dèɓé mɔ́ɔ̀wɔ̃̀gɥ́ e dǝ Sɔ́ɔ̀ lǝ̀, ê pɵ à lǝ̀, “Kɵ́kǝ̀ ɥ́ sɔ̀nyaa kǝ̀ yuɔkǝmɛ̀ Dèɓé ká, ɓií yaá sɔ̀nyaa kǝ ɥ ká do, zɥ́ɛ yà yuɔ kpã̀ã̀zǝ̀ plǝǝ̀zǝ̀ kǝ ɥ lǝ̀. 5Ƃií èye nii sɥ̀ e dè kwɛ é Gòláyà zǝ, ĩ́ĩ́ Yàwɛ yà kɔ̀ziesɥ̀ plǝǝ̀zǝ̀ bɔà kɔ̀u Ézrɛ̀mɛ̀ sáálɵɛ mɔ́ɔ̀wɔ̃̀ɓà. Ч à yè, é ɥ zòɔ grûlì. Lɛ̀ é pɵ́ɛ mǝ̀kǝ̀ ɥ́ lo sɔ̀nyaa kǝ mɛ yaá wɔ̃́yaa kǝɛ káɛ, ɥ́ mɛ̀ɛ̀ ɥ́n Dèɓé zǝ wɛ́áɛ?”
6Lɛ̀kɔ̀ɔɛ Sɔ́ɔ̀ èye tó tò Zɔ̀nátã̀ wò píé, éye wòɓɵ̀ Yàwɛ tɔ́gɥ́ nɛ̀ɛ̀, yaá ló Dèɓé zǝ. 7Lɛ̀ yàkɔɔ́ɛ Zɔ̀nátã̀ è Dèɓé lɔ̀ɔ̀kǝ̀ é wɔ̃́nù nɛ̀ sáálɵɛ bìɛ̀ à lǝ̀. É Zɔ̀nátã̀ è lo Dèɓé ká Sɔ́ɔ̀ píé, é yuɔkǝ̀ à lǝ̀ nɛ̀zɛ̃ã é kǝ̀a líéɛ lɵ́.
8Lɛ̀kɔ̀ɔɛ kó è wrùùlú zɥ́, é Dèɓé è lo é kózǝ Félésã́ã̀mɛ̀nù ká, é zɔɔkǝ̀ wo píé dèèdè é toápɵ́ wó dùà wó go à pɛá.
9Zɥ́ɛ zùùyaa é Yàwɛà bɔɛ è nù Sɔ́ɔ̀ là, lɛ̀ é kǝ̀ yààká e píékee àɓà dɥ́ kǝ̀ à kwɛɛ ká, kǝ Dèɓé è yaa zìnò ɓɛ zǝlà. 10É Sɔ́ɔ̀ èye zòtà nyɛ̀ɛ̀ Dèɓé ta kɔ́bũã̀ dɥ́ ɓɛɛ ká, kǝǝ èye lɛkã̀ à gɔ̀ é dɥ́ ɓɛɛ é mǝ kɔ́bũɓɛ gɥ́. Lɛ̀kɔ̀ɔɛ Dèɓé è duà.
11À gbengɥ́ ɓɛ káɛ Sɔ́ɔ̀ è bɔmɛ̀nù bɔ Dèɓé píékee wɔ̃̀ɔ̃̀ wo nyákǝ àɓà, kǝ wɔ̃̀ɔ̃̀ à zǝ lɛ̀àlíé. Kǝǝ Mákà, Dèɓé bɔú, yà pɵ̀à lǝ̀, “Àyé ɓaá ɥ nii la gbengɥ́àɛ̀, wò lò ɥ zǝ lɛ̀apíé.” 12Lɵɛ Mákà è Dèɓé kǝ̀ é bɔ wénà líá é dùà wó bòa. 13Mákà è mɛbĩ́ wɛ́á sɥ ê kpɔ Dèɓé wɔlɛ̀ ɓà é gɔ̀dɔ̀àlà pǝ̀ wô kǝ̀ ɓòka káɛ kpɔ à gɔ̀ xlɵ̀ɵ̀, é sɔ kpà à là sǝ̀ká. 14Lɛ̀ Sɔ́ɔ̀a mɛnù wó nu Dèɓé kṹlɛ̀àɛ̀, Mákàà pɵ, “Dèɓé yaâ pɵ́nɵ́pɵ̀.” 15Lɛ̀kɔ̀ɔɛ Sɔ́ɔ̀ è yaa bɔmɛ̀nù bɔ zɥ́ wɔ̃̀ɔ̃̀ wo nyádɔ Dèɓé ɓà, ê pɵ, “Kàà tó yaa wɔ̀àlà pǝ̀ là ká nuá n píé luo nɵ́ kǝ ã́ã̀ à zǝ.” 16Kǝǝ lɛ̀ bɔmɛ̀nù ɓɛɛ wó dà keeɛ, mɛbĩ́ wɛ́á é kǝ̀ wɔ̀lɛ̀ ɓà wãã̀ gɔ̀dɔ̀àlà pǝ̀ wô kǝ̀ ɓòka káɛ é kǝ̀ à gɔ̀ xlɵ̀ɵ̀. 17Sɔ́ɔ̀à pɵ Mákà lǝ̀, “Mǝ̀kǝ̀ ɥ́ kplàkplá kǝ̀ n gɔ̀ nǝ̀ǝɛ, ɥ́ go n dǝgbɵ è dùà n ɓàɛ̀?”
Ê pɵ, “Yà pɵ̀ è lò n zǝ é maá gbũàɓà nyɛ̀ɛ̀ dùàɛ̀ ká.”
18Dèɓé è dùà é lo Sámìɔ̀ píé Wrámà pɵɵ, é wɔ̃́ do do sáálɵ Sɔ́ɔ̀ yàkǝ̀ à gɔ̀ɛ̀ bìɛ̀ à lǝ̀. Lɛ̀kɔ̀ɔɛ wãã̀ Sámìɔ̀ wó lo wó kǝ̀ Néɔ̀ gùnlɵ. 19Wô pɵ Sɔ́ɔ̀ lǝ̀, “Lɛ̀gà, Dèɓé è Néɔ̀ gùnlɵ, Wrámà pɵɵ.” 20Lɛ̀ Sɔ́ɔ̀ è bɔmɛ̀nù bɔ wó nu Dèɓé kṹlɛ̀àɛ̀, wò dɔ̀-Aaɓilílàmɛ̀ gbũ và é Sámìɔ̀ kǝ̀ wo líéɛ yè, kǝ wò tã́ kǝ là waà kpɛ̀kǝ̀ zùùgɥ́. Aaɓi Zùù ɓɛɛ é nu Sɔ́ɔ̀a bɔmɛ̀nù là waà tã́kǝ̀ waà kpɛ̀kǝ̀ zùùgɥ́. 21Lɛ̀ wàà biɛ̀ Sɔ́ɔ̀, lǝ̀ɛ̀ é bɔmɛ̀nù ɓáá bɔ, é wodèe wó tã́kǝ̀ wó kpɛ̀kǝ̀ zùùgɥ́ pɵ́. É Sɔ́ɔ̀ è bɔmɛ̀nù ɓáá bɔ zɥ́ à kpolà yààkazǝ̀ ká, é wodèe wó tã́kǝ̀ waà kpɛ̀kǝ̀ zùùgɥ́ pɵ́. 22Lɛ̀kɔ̀ɔɛ ye dè é lo Wrámà, é gbɛ̀ì yítɔ́ù và é síélɵ lɛ̀ wô lɛ̀ Síkùɛ̀ ɓàɛ̀ là, é lɛ̀ɛ̀kpɔ́ kǝ̀ nɛ̀ɛ̀, “Sámìɔ̀ wãã̀ Dèɓé wò mǝ́ɛ?” É mɛ do yà pɵ, “Lɛ̀gà, wò Néɔ̀ gùnlɵ, Wrámà pɵɵ.” 23Lɛ̀ é gomɥ́ é kǝ̀ lólɛ̀à Néɔ̀, Wràmaà pɵɵɛ, é Aaɓi Zùù è nuàlà pɵ́, yaà tã́kǝ̀ yaà kpɛ̀kǝ̀ yaà loà é toápɵ́ é wòa Néɔ̀, Wràmaà pɵɵ. 24É ye dèe é yaa sɔ ɓo e ɓà, é tã́kǝ̀, é gblà pɵ́ Sámìɔ̀ pɛá, é wɔ̀sɛa e kpã́ã́ká lɛ̀póù kpɔ̀n wãã̀ gben kpɔ̀n ɓɛ ká. Ƃií è wɔ̃́biɛ̀ wò ká nɛ̀ɛ̀, “Sɔ́ɔ̀ è dɔ̀-Aaɓilílàmɛ̀nù son pɵ́a?”
Currently Selected:
1 Sámìɔ̀ 19: DHB
Highlight
Share
Copy
Want to have your highlights saved across all your devices? Sign up or sign in
