1 Sámìɔ̀ 1
1
Ɛ̀kánà wãã̀ e píékee-mɛ̀nù wó Sílɔ̀ɔ̀ɛ̀
1Gɔ̃ɔ̃̀ do é kǝ̀ Wrámà pɵɵɛ, è gò Ífrɛ̀n tɔ̃̀sɛ̀gɥ́, wô tɔ́ lɛ̀ Ɛ̀kánà. À dǝ tɔ́ tɔɔ Zɛ́róhã̀ é kǝ̀ Ɛ́líhù gbɵ ká. Ɛ́líhù è kǝ̀ Tóhù gbɵ ká, é Tóhù dǝ è kǝ̀ Zúfù é kǝ̀ Ífrɛ̀nmi káɛ ká. 2Ɛ̀kánà bɔúnù wo kǝ̀ pèètɛ. À mɛ do tɔ́ tɔɔ Hánà à do ɓáá tɔɔ Pɛ̀nínà. Nǝ́ plǝǝ̀zǝ̀ wò kǝ̀ Pɛ̀nínà gɔ̀, kǝ nǝ́ gbɛ yaá kǝ Hánà gɔ̀. 3Yàkǝɛ Ɛ̀kánà è gò e plɵ̀ɵ̀ kwɛ̀ sáálɵɛ ká é lo kǝ nyɛ̀ɛ̀ gblɥn ĩ́ĩ́ nyɛ̀ɛ̀ sraɓo Yàwɛ é naàlúmɛ̀ sáálɵɛ gɔ̀lààɛ̀ lǝ̀ Sílɔ̀ɔ̀ pɵɵ, lɛ̀ Íláà gbɵnù pèètɛ Hɔ́fínì wãã̀ Fíníhà wó kǝ̀ Yàwɛa sraɓo mɛ̀nù ká à ɓàɛ̀ ɓà. 4Yi sáálɵ é Ɛ̀kánà è sraɓoáɛ yàkǝɛ è wɥ ɓɛ gɥ́grù e bɔú Pɛ̀nínà wãã̀ e gbɵnù e lúnù sáálɵɛ woɓà. 5Ĩ́ĩ́ è Hánà ɓà nù kpã̀ã̀zǝ̀ ká ɓií yà lɔ̀kǝ̀a dùò, kɵ́dèe Yàwɛ yàà zoɔpíélɛ̀ kṹ sɛaɛ ká. 6Yàkǝɛ Pɛ̀nínà è Hánà wòu mɛ̀ɛ̀ dèèdè yâ xlǝkpɔ̀àlà kplàɓo, ɓií Yàwɛ yàà zòɔpíélɛ̀ kṹsɛa. 7Lɵɛ wɔ̃́ nɛ̀ɛ̀ è lòlíé kwɛ̀ plǝǝ̀zǝ̀ ɓà, yi sáálɵ é Hánà è loá Yàwɛ píékeeɛ, a dò yà wòu mɛ̀ɛ̀. Àmɔ́ɔ̀wɔ̃̀ɓàɛ̀ Hánà è kǝ̀ gbɵbɔlɛ̀à kplàɓo, é yáá wéàɓà nyɛ̀ɛ̀ pǝɓɵ̀. 8Ɛ̀kánà, é àɓà kɔ́dɛn káɛ, yà pɵ̀à lǝ, “Hánà, mǝ̀kǝ̀ ɥ́ gbɵbɔà teelɵ é ɓáá wéàɓà kǝ ɥ́n pǝɓɵ̀ nɛ̀, ĩ́ĩ́ mǝ̀kǝ̀ ɥ́ yà yénzǝ̀ teelɵè? N ká kpã̀ã̀zǝ̀ ɥ lǝ̀ ã́ã̀ zìeá gbɵnù gɔ́ɔ̀do làà?”
Hánà wãã̀ Íláà
9Yi do káɛ, lɛ̀ wà nyiɛ pǝɓɵ̀sɥ̀à Yàwɛ píékee, Sílɔ̀ɔ̀ɛ̀, Hánà è dɔ̀ e gɛ̃̀ã̀. Lɛ̀ ɓɛ ɓàɛ̀, Sraɓomɛ̀ Íláà è kǝ̀ yàɥ̀ ká yaa táná gɥ́ kponkɛ́á sɔ́ Aaɓikɔ̀ gɥ́ mɥ́. 10Hánà zòɔ dà wɛ̀ɛ̀gɥ́ dèèdè é gbɵbɔ yénzǝ̀ ɓɛàsɥ̀ká Yàwɛ lǝ̀. 11Éye wòɓɵ̀ é pɵ, “Ô Yàwɛ é naàlúmɛ̀ sáálɵɛ gɔ̀lààɛ̀, àyé ɓá lɛ̀gà ma á ɓa nɔ̀à lezǝ̀ káɛ, ma króɓole là, é ɥ zòàbɥ̀ɵ̀ n wɔ̃̀ã ĩ́ĩ́ ɥ zɵ̀ yaá trɵ n wɔ̃̀ã é ɓá nǝ́ gɔ̃ɔ̃̀zǝ̀ do nu n lǝ̀ɛ̀, yàkɔɔ́ɛ a lòà nu ɥ lǝ̀ àɓà kǝ̀àgɥ́ yì sáálɵɛ ká, ĩ́ĩ́ nɛ̀ɛ̀ gbɛ káló pa à gɔ̀ ká.”
12Lɛ̀ é kǝ̀ ɓɛàlɛ̀à teelɵ Yàwɛ lǝ̀ɛ̀, Íláà nyá è dà à bɛ̃̀ pàdèà kɔ̀ là. 13Hánà è kǝ̀ ɓɛàlɛ̀à e zòɔgɥ́, à bɛ̃̀ nɔ́ é kǝ̀ pálɛ̀à e dèà, é à wò yaá ye plan. Amɔ́ɔ̀wɔ̃̀gɥ́ɛ è kǝ̀ Íláà zòà nɛ̀ɛ̀ mɥpǝ̀ gbéè é zìè le ɓɛɛ gɥ́. 14É Íláà yà pɵà lǝ̀ “Mɥpǝ̀ è lò bo ɥ kǝlɛ̀à mǝ̀yiáɛ? Ƃò bo mɥpǝ̀ gbéè mɥlɛ̀à ɥ́ nu ɥ dèpíé.”
15Kǝǝ Hánà yà pɵ̀, “Héyè, n dɛn, le é à zòɔ kró lɵ́ ɓolàɛ̀ mɥ̀ n ká, n ká mɥpǝ̀ gbɛɛ mɥ, kǝǝ n zòɔpíé wɔ̃̀ gbéè â wrola Yàwɛ pɛá ɓǝ. 16Kɵ́kǝ̀ ɥ́ lɛ̀gà ɓa nɔ̀àlè é n káɛ là nɛ̀ɛ̀ sɔ̀nyaa lè mɥ̀a, ɓií a kǝ̀ ɓɛàlɛ̀à teelɵ wɔ̃́ gbéè é n ɓàɛ̀ mɔ́ɔ̀wɔ̃̀gɥ́.”
17Lɛ̀kɔ̀ɔɛ Íláà yà pɵ, “Ƃò ló zòɔyàgrú gɥ́, ĩ́ĩ́ Ézrɛ̀a Aaɓi ɓɛɛ è pǝ ɥ́ lɛ̀àgɔ̀ɛ̀ nu ɥ lǝ̀.”
18É Hánà yà pɵ, “Gó n wɔ̃̀yí è kã́ ɥ lǝ̀.” Lɛ̀kɔ̀ɔɛ le ɓɛ é yaa lóɓo é pǝɓɵ̀ é à zòɔgɥ́ yaá kǝ yénzǝ̀ gbɔ.
Sámìɔ kpɔ́sɥ̀ wãã̀ a dɔ̀ Aaɓi kwɛsɥ̀
19À lɛ̀kpààɛ̀, Ɛ̀kánà wãã̀ e píékee-mɛ̀nù wò wrùù lɛ̀àlíé wó lo Yàwɛ pɛá wó gblɥ̀n à lǝ̀, lɛ̀kɔ̀ɔɛ wó lo weé kee Wrámà pɵɵ. Lɛ̀ Ɛ̀kánà wãã̀ e bɔú Hánà wà kǝ lɛ̀doàɛ̀, Yàwɛ è Hánàa ɓɛàwò zǝ nù. 20É Hánà è gúsɥ, lɛ̀ yi è wòɛ̀ é nǝ́ gɔ̃ɔ̃̀zǝ̀ kpɔ, é à tɔ́lɛ̀ Sámìɔ̀, ɓií yà pɵ̀, “Aà lɛ̀ Yàwɛ gɔ̀.”
21Lɛ̀ yi è wò zɥ́ɛ Ɛ̀kánà wãã̀ e píékee mɛ̀ sáálɵɛ wò lò Sílɔ̀ɔ̀ pɵɵ kǝ wɔ̃̀ɔ̃̀ sra wó ɓolà kwɛ̀ sáálɵɛ káɛ à ɓo Yàwɛ lǝ̀, ĩ́ĩ́ kǝ nyɛ̀ɛ̀ pǝ éye wòɓɵ̀aɛ kǝ. 22Kǝǝ Hánà yaá ló, ɓií yà pɵ̀ yaa kɔ́dɛn lǝ̀, “Àyé nǝ́ ɓɛ yà gó nyɔ́à nǝ̀ǝɛ, a lò nuá kǝ nyɛ̀ɛ̀ gbɛ̀ì Yàwɛ ɓɛɛ pɛá, nyɛ̀ɛ̀ kǝ má tòapɵ́ká.”
23Hánàa kɔ́dɛn Ɛ̀kánà yà pɵ̀ à lǝ̀, “Ƃò pǝ é lì ɥ lǝ̀ɛ̀ kǝ, tó zɵ è toápɵ́ ɥ́ nǝ́ ɓɛ ɓo nyɔ́à, pǝdo é sǝ̀ɛ̀ é tɔɔ ɥ wò ɥ́ ɓɵ̀ Yàwɛ lǝ̀ɛ̀, è yeyíà.” Lɵɛ le ɓɛɛ è tò weé kee éye zòkǝ̀ nǝ́ ɓɛ píé é toápɵ́ é goá nyɔ́à.
24Lɛ̀ yàà ɓo nyɔ́àɛ, é kwɛ̀ yààka dùgɔ̃ do kũ, é kpà wítìbì ɓɔ̀ɔ do ɓà, wãã̀ wã́ìn wɥkwi ɓɔ̀ɔ#1.24 Wɥkwi ɓɔ̀ɔ é tɔɔ kpòu wó luo yelàà gɥ́ɛ. paɥ̀ và do ká, é nǝ́ ɓɛ sɥ é loá Yàwɛa kɔ́ gɥ́ Sílɔ̀ɔ̀ pɵɵ. 25Lɛ̀kɔ̀ɔɛ wó dùgɔ̃ ɓɛ zǝ, é wó nu nǝ́ ɓɛ ká Íláà píé. 26É Hánà yà pɵ Íláà lǝ̀, “Ô n dɛn! Ч zòbɥ̀ɵ̀ nɛ̀ɛ̀ ma á kǝ̀ zɵ kwɛ̀ kǝ̀ ɓɛɛ ɓà, n dɛn, á kǝ̀ dɔàká ɥ pɛá maà ɓɛ̀à Yàwɛ lǝ̀ ɓǝ. 27Nǝ́ nɛ̀ â mɔ́ɔ̀ ɓɛ̀à ɓo yi ɓɛ ká, é Yàwɛ ɓɛɛ yà ma ɓɛàwò zǝnu ɓǝ. 28Amɔ́ɔ̀wɔ̃̀gɥ́ɛ má nǝ́ ɓɛ nu Yàwɛ lǝ̀ nyɛ̀ɛ̀ tóàpíé àɓà kǝàgɥ́ yì sáálɵɛ ká.”
É wó gblɥ̀n Yàwɛ lǝ̀ má.
Currently Selected:
1 Sámìɔ̀ 1: DHB
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in