Mak 13

1TE ci Yecu lo akenbai luang dit de N̤ialic, ke ran e koickek puoic jam, Bain̤, ting kur dit juec ku luek puat̤ etene. 2Go Yecu jam, Ca luek ditke ting? Acin kur do bi to kur do nom; abi koic ke piek piny ked̤ia.

3Go Yecu jal lo n̤yuic kur e Olip lom, long ber luang dit de N̤ialic. Go Pita ku Jakop ku Jon ku Anderu goke Yecu t̤iec kepeic, 4Leka gho bi kak ben nin? Ku yekangu bi gho ye n̤yic ben dai ben? 5Go Yecu d̤uk, Tiangka apuat̤ duongka koic abi we tut. 6Koic juec abi ben e rincie ku bi luel, Ghan ekin, ku abi koic tut. 7Ku te ping koic jot tong ku puotke, We duongka rioic. Luoi, yen abi kang ben, pung puk e piny angot akec gwa ben. 8Ku jure abi puot ke jure, ku bain̤e abi puot ke bain̤e, ku piny abi lo luluek e bei juec, ku cok abi koic nok. Kake abi ben tueng.

9Tiangka rot̤ apuat̤, koic abi we ghat̤ e bain̤ dit n̤im, ku abi we t̤at luek ke N̤ialicic, ku wek abi koic e madir n̤im ku bain̤ dit n̤im etong ghan, bi koic n̤yic, 10Ku wel puat̤ ke N̤ialic abi kang t̤ie piny nom eben. 11Ku te ghet̤ koic wek bain̤ dit nom te de luk, duongka jamduen kong tak wen̤im; wel abi yek we ku jalka ke luel. Aci e wek jam, e Jong Dit Laijik. 12Ku wanmet̤ abi wanmet̤e luel bi nok, ku un abi man̤de luel bi nok, ku mit̤ abi ro jot ku marken ku unken luel bi ke nok. 13Ku koic ked̤ia abi we man e rincie. Ku ran kaic te ci kang t̤ok ked̤ia, abi koin̤.

14Ku te ting wek keraic manka wepuot̤, akaic te ci e tede (cok ran ca ting waragak ca n̤yic,) caka koic ke Judaia a ring e kur n̤im. 15Ku dunga ran to ghot nom ca lo piny, ku ler ghot, bi kake lom. 16Ku dunga ran to domic dunga a ber d̤uk be bi alan̤de lom. 17Ku abi a te raic e diar liaic ku diar puoi d̤iet̤. 18Ku langka N̤ialic duongka abi ben pei nong yuir. 19Ku akolke, koic abi d̤iau aret ku gumke, ku kec koic kang ting kaiya alo ghon cek N̤ialic koic aghet eman, ku aci bi ber ting wada. 20Ku te kec Bain̤ dit ninke tekic, kʼacin ran bi pir. Ku aci ninke tekic bi koic koin, koic ci ye loic. 21Ku te jam ran, Ting Mat̤ia ekin, ko ting Mat̤ia ekan, duongka gam. 22Ku koic abi ben, ku kʼabi kerot̤ col Mat̤ia ku bain̤ ke N̤ialic, ku kʼabi luoi dit goi koic loi, bi koic ci N̤ialic ke loic bi ke ngor e keraic. 23Ku wek, tiangka rot̤ apuat̤. Wek aca lek kang ked̤ia angot kek kec ben.

24Ku keninke te ci d̤ine t̤ok, ke ruel abi kuom piny, ku pai aci piny bi boi ghokou. 25Ku kwel abi loin̤, ku ka ril ke n̤ialic abi lo yi met. 26Ku koic abi Wen Dit de ran ting abuo piaric, ku nong riel dit. 27Ku kʼabi malaikai tuoic piny, bik koic ci ye loic kwain e puon e yom kangwan, piny ku n̤ial eben.

28Piangka wel ke ngap. Te ting wek ngap yeyic teng yor, wek an̤yic ruel aci t̤iok. 29Ku te ting wek ka ke welciek nia, n̤yecka yen ato tet̤iok, ato ghot t̤ok. 30Wek a ya yok ayic, rin̤ dʼeman, aci bi t̤ou te ngot luoi akec t̤ok. 31N̤ial ku piny abi riak, ku welcie aci bi riak. 32Ku akal ku t̤a acin ran n̤yic ye, ku malaikai ke n̤ialic akuicke, ku Wen Dit akuic ya, e N̤ialic yetok yen an̤yic e. 33Tiangka apuat̤ ku langka, wek akuic akol ya. 34Acit ran ci jal lo rer pan maic, ku n̤yang ghonde we, ku yek alueke riel, ku tek ke luoiden, ku yok ran tok bi d̤ol a titic. 35Tiangka apuat̤ wek akuic akol bi bain̤ de ghot ben; lan ben ben t̤en, ku lan ben ben e weric, ku lan ben ben e bak e piny te d̤iau diet, ku lan ben ben abuo ruel tok; 36duongka abi ben bi we yok we nin. 37Wel can ke we yok, kʼan yok koic ked̤ia, Tietka apuat̤.

Currently Selected:

Mak 13: CIEC1916

Highlight

Copy