IINDUMISO 10
10
Umthandazo wokucela umgwebo kaThixo phezu kongendawo
1Yini na ukuba umele mgama, Yehova,
Uzifihle ngamaxesha engxingongo?
2Ngokukratsha kwabangendawo bayatsha abaziintsizana;
Babanjiswa ngamayelenqe abawacingileyo.
3Ngokuba ongendawo uyaqhayisa ngeminqweno yomphefumlo wakhe.
Nolibawa wahlukene noYehova, wamgiba.
4Ongendawo ngobuchi bakhe uthi, Akasayi kubuza.
Yonke iminkqangiyelo yakhe ithi, Akukho Thixo.
5Ziqinile iindlela zakhe ngamaxesha onke;
Ziphakamile izigwebo zakho, zikude kuye;
Bonke ababandezeli bakhe úyabafuthela.
6Úthi entliziyweni yakhe, Andisayi kushukunyiswa;
Izizukulwana ngezizukulwana, ndingongayi kuba sebubini.
7Umlomo wakhe uzele kukushwabula nokukhohlisa nokuxinezela.
Ngaphantsi kolwimi lwakhe bububi nobutshinga.
8Uhlala emilaleleni yeengqili,
Agwinte omsulwa entsithelweni;
Amehlo akhe azonda oludwayi.
9Úlalela entsithelweni njengengonyama eludadeni wayo;
Ulalela ukuba axwile emke nosizana;
Uxwila emke nolusizana, elutsala ngomnatha wakhe.
10Uyabuthuma, uyabunguzela,
Bawele ezinzitsheni zakhe abaziindwayi.
11Úthi entliziyweni yakhe, UThixo ulibele,
Ubusithelisile ubuso bakhe, akabonanga nento.
12Khawusuk' ume, Yehova, phakamisa isandla sakho, Thixo.
Musa ukubalibala abalulamileyo.
13Kungenxa yani na ukuba ongendawo amgibe uThixo,
Athi entliziyweni yakhe, Akuyi kubuza?
14Ùbonile wena; ngokuba uyabubona ububi nenkathazo, ubùbeke esandleni sakho;
Úzinikela kuwe oludwayi;
Ùngumncedi weenkedama wena.
15Yaphula ingalo yongendawo;
Onobubi, mbuze okungendawo kwakhe, kungasali nento.
16UYehova nguKumkani ngonaphakade kanaphakade;
Zitshabalele iintlanga, azabakho ehlabathini lakhe.
17Umnqweno wabalulamileyo uwuvile, Yehova;
Wazizimasa iintliziyo zabo, wayibaza indlebe yakho,
18Ukuba ugwebe ityala lenkedama noxinzelelweyo,
Angabi sabangcangcazelisa umntu wasehlabathini.
Currently Selected:
IINDUMISO 10: XHO75
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1975. Used with permission. All rights reserved.
