Kubar EBY'OKUSOBORRA
EBY'OKUSOBORRA
Ekitabu kinu ky'ebyafaayo by'okubanza kw'emyaka makumi ana kurugiirra Abaisirairi baruga ha rusozi Sinai kuhika ha nsaro ya Burugaizooba bw'ensi baaraganiziibwe. Ibara ly'ekitabu nirirugiirra ha kikorwa Musa yakozire kubara abantu boona Abaisirairi ha rusozi Sinai, n'omurundi ogundi obuyababaliire Mowabbu Burugaizooba bwa Yorudaani omukasumi akaraihire hagati y'okubara okw'okubanza n'okwakabiri. Abaisirairi bakahika, Kadesi Baraniya hansaro obukiizi bw'obulyo bwa Kanaani, baitu bakalemwa kutaaha omunsi egi ey'abaraganiziibwe.
Hanyuma y'okumara emyaka nyingi omu kiikaro abamu halibo nambere baagonyere kandi abasigairaho bayeteekaniza kwambuka kutaaha Kanaani.
Ebyomukitabu kinu byafaayo by'abantu abasobiirwe kandi abarukutiina hagati omu bizibu. Abantu abayeremiire Ruhanga nibagaya ebya Musa ogu Ruhanga ou yakomere kubebembera. Byafayo by'okucwamu kwa Ruhanga kutaho omuntu n'okworora abantu be, bo, omubujeemu n'obuceke bwabo bwona, hamu n'okugumisiriza n'okwehayo kwa Musa hali Ruhanga na hali abantu abayahairwe kwebembera.
Nkooku birukuhonderana
Abaisirairi nibeetekaniza kuruga ha Rusozi Sinai 1:1-9:23
(a) Okubara abantu okw'okubanza 1:1-4:49
(b) Ebiragiro n'eby'okutererra 5:1-8:26
(c) Okuhingurwaho okwakabiri 9:1-23
Kuruga ha Rusozi Sinai kuhika Mowabbu 10:1-21:35
Ebyabaire Mowabbu 22:1-32:42
Orugendo rw'okuruga Misiri kuhika Mowabbu, omubigufu, 33.1-49
Eby'okutererra batakambukire Yorudaani 33:50-36:13
Currently Selected:
Kubar EBY'OKUSOBORRA: BRR2008
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.