Luk 17

Okwesitaza abandi

(Mat 18:6-7,21-22; Mar 9:42)

1Yesu akagambira abeegesebwa be ati: “Ebyesiitazo tibiri by'okuburaho; baitu alikibona ogu anyakubireeta! 2Haakire abohwe orubengo omu bikya anagwe omu nyanja, okukira kwesiitaza omuha baana abato banu.”

Okuganyirangana

3 # Mat 18:15. “Na inywe mwerinde! Mugenzi waawe obu araasiisaga, omuhanege. Obu araayegarukamuga, omuganyirege. 4Kakuba naakusobeza emirundi musanju omu kiro kimu, kandi naakwizira buli murundi naagamba ati: ‘Nzizire’, na iwe omuganyirege.”

Amaani g'okwikiriza

5Abakwenda baasaba MUKAMA Yesu bati: “Twongereho okwikiriza!” 6Uwe yabagarukamu ati: “Kakuba mwina okwikiriza okurukwingana akasigo ka karadaali#17:6 orole Luka 13:18, karadaali., mwakuragiire omutoma ogu muti: ‘Sinduka, oyebyale omu nyanja!’ Gwakubahuliire.”

Okuheereza okuhikire

7“Nooha omuli inywe anyakwina omuheereza arukumulimira rundi arukuliisa entaama ze, obu aba nakyaija naaruga ha musiri, mukama we aramugambiire ati: ‘Rahuka bwango, oikarre, olye ebyokulya byawe’? 8Taakumugambire ati: ‘Ihura ebyokulya byange, ojwale kurungi, ompeereze okuhika obu ndakamara kulya n'okunywa. Obu na iwe noija kulya n'okunywa’? 9Nimugira ngu, mukama we aramusiima habw'okukora ebi amuragiire? 10Na inywe nikyo kimu, obu muraabaga mumazire kukora byona ebi muragiirwe, mugambege muti: ‘Tuli baheereza abatarukugasa; tukozire ebi twaba nituragirwa kukora.’ ”

Yesu naatambira abagenge ikumi

11Yesu obu akaba naagenda Yerusaalemu, akaraba ha mutaano gwa Samaliya na Galiraaya. 12Obu yahikire omu kyaro kimu, yaitirana abagenge ikumi. Baayemerra haraho, 13baayamirra bati: “Yesu Omwegesa, otugirre embabazi!” 14#Lev 14:1-32.Obu yabeetegeriize, yabagambira ati: “Mugende mweyoleke banyakatagara.” Obu bakaba nibakyagenda, baakira. 15Omu hali bo, obu yarozire nkooku akizire, yagaruka naahaisaniza Ruhanga n'iraka likooto. 16Yajuumara ha bigere bya Yesu, yamusiima. Omusaija onu akaba ali Musamaliya. 17Yesu nukwo kukaguza ati: “Abatambirwe tibabairege ikumi? Omwenda guraha? 18Busaho ondi anyakugarukire kuhaisaniza Ruhanga kwihaho omunyaihanga onu wenka?” 19Nukwo Yesu kumugambira ati: “Imuka oyegendere, okwikiriza kwawe kwakukiza.”

Okwija kw'obukama bwa Ruhanga

(Mat 24:23-28,37-41)

20Abafalisaayo obu baakagwize Yesu ngu, obukama bwa Ruhanga nibwija di? Uwe yabagarukamu ati: “Obukama bwa Ruhanga tibwija niburorwa, 21kandi tiharoho muntu aligamba ati: ‘Ka mbunu hanu!’ Rundi: ‘Mbuli hali.’ Habwokuba obukama bwa Ruhanga buli omuli inywe.”

Ebiribaho Omwana w'omuntu obu aligaruka

22Nubwo Yesu yagambiire abeegesebwa be ati: “Akasumi kalihika obu mulyegomba okurora ekimu ha biro by'Omwana w'omuntu, baitu timulikirora. 23Balibagambira bati: ‘Darawe ali hanu!’ Rundi: ‘Ngugwo ali hali!’ Baitu mutaligyayo, kandi mutalibahondera. 24Omurabyo nkooku gumulikiza haiguru kuruga ha rubaju rumu okuhika ha rundi, Omwana w'omuntu nawe nukwo aliba ati ha kiro ky'okwija kwe. 25Baitu alibanza kubonabonesibwa omu bintu bingi, n'okwangwa abantu ab'ebiro binu.

26 # Kub 6:5-8. “Nkooku kyabaire omu biro bya Noha, nukwo kiriba kiti n'omu biro by'Omwana w'omuntu. 27#Kub 7:6-24.Abantu baalyaga, baanywaga, kandi baasweranganaga okuhika ha kiro Noha eki yataahiiremu omu lyato erikooto, okusandaara kw'amaizi kukaija kwahwerekereza abantu boona.

28 # Kub 18:20—19:25. “Kandi nukwo kyabaire n'omu biro bya Loti. Abantu baalyaga, baanywaga, baaguraga, baatundaga, baabyaraga, kandi baayombekaga. 29Baitu ha kiro Loti eki yarugiremu Sodomu, omurro n'obuganga bikaruga omwiguru byagwa, byahwerekereza abantu boona. 30Nukwo kiriba kiti na ha kiro Omwana w'omuntu eki alibonekeramu.

31 # Mat 24:17,18; Mar 13:15,16. “Ha kiro eki alisangwa ha nju eruguru kandi ebintu bye biri omunju, atalisirimuka kubiihamu; kandi n'ow'alisangwa omu musiri, ataligaruka omu ka. 32#Kub 19:26.Mwijuke muka Loti!

33 # Mat 10:39; 16:25; Mar 8:35; Luk 9:24; Yoh 12:25. “Weena anyakugonza kujuna obwomeezi bwe, alibufeerwa; kandi anyakufeerwa obwomeezi bwe, alibujuna. 34Nimbagambira nti: Ha kiro eki ababiri abaliba babyamire omu kitabu kimu: omu alitwarwa, ondi alisigara. 35Abakazi babiri abaliba nibasa hamu: omu alitwarwa, ondi alisigara.” [ 36N'abasaija ababiri abaliba bali omu musiri: omu alitwarwa, ondi alisigara.] 37Abeegesebwa baamukaguza bati: “Waitu, ebi biriba nkaha?” Yesu yabagarukamu ati: “Nambere hali omutumbi, oku nuho esega zeesorooleza.”

Currently Selected:

Luk 17: BRR2008

Highlight

Copy