Kub 49

Yakobbo naaranga ebiribaho abatabani

1Kandi Yakobbo yayeta abatabani yabagambira ati: “Mwirre haihi mbagambire ebiribaho omu biro ebiriija. 2Inywe batabani ba Yakobbo mwesorooze, mutege amatu, muhulirize isiinywe Isirairi eki arukubagambira.

3Rubbeni niwe muzigaijo gwange,

maani gange, omwana ou nabandize kuzaara omu busigazi bwange,

anyakukira kwegonza muno kandi ow'obusobozi obwingi.

4Anyakwikara naatabanguka nk'amaizi, tolyeyongera omumaiso,

habwokuba okatemba ekitabu kya Sso wakisiitaza,

wabyama na muka Sso!

5Simyoni na Leevi, nyineemu,

bantu abatagira nkebe, abeesiguza empirima,

6Tindiikiriza ebi baahanwire,

tikimpikiriire kwetaba na bo,

habwokuba obu bakwatwa ekiniga, baita abantu,

obu kabasoha, batema ente ebiteega.

7Ekiniga kyabo, nikikafuuhe, habwokuba kitiinisa abantu,

obukaya bwabo nibukaigale, habwokuba tibugira mbabazi.

Ndibabaganiriza omu Yakobbo,

Mbararangize omu Isirairi.

8Iwe Yuda, bagenzi bawe baraakuhaisanizaga,

abanyanzigwa bawe, oraababundiikaga

abaana ba Sso, baraakuramyaga.

9 # Kubar 24:9; Kus 5:5. Yuda naasisana ekyana ky'entale,

Mwana wange ogarukire nooruga kwita,

Oyegoroire wabundaara nk'entale,

nk'ebuguma y'entale,

Nooha araayehwamu kukwimukya?

10Omwigo gw'obukama tiguliruga hali Yuda,

kandi omwigo gw'obulemi tigulimwihwaho

kuhikya mukama wabyo obu aliija,

ogu nuwe amahanga galigayuka.

11Enkaina ye agisibika ha muzabbibbu,

kandi omwana gw'enkaina ye agusibika ha muzabbibbu omurungi.

Omwegereko gwe, agwogesa eviini;

kandi ekanzu ye agyogesa ensande ey'ebijuma eby'emizabbibbu.

12Amaiso ge nigananata kukira eviini.

Amaino ge nigeera kukira amata.

13Zabburuni araikaraga ha musa gw'enyanja,

araabaga mwogo gw'amaato,

kandi omutaano gwe guligarukira Sidoni.

14Isakara nkaina ey'amaani.

Aikara abundaire omu masibiko ag'entaama,

15akarora okwikara omuka agwagwaine nikyo kirungi,

kandi ensi nkooku erukusemeza omuntu,

yaikiriza omulimo gw'okwetweka,

yafooka mwiru ow'okukoraga emirimo ey'amaani.

16Daani araacweraga emisango abantu ab'enganda zoona eza Isirairi,

nk'enganda ezindi eza Isirairi oku zinyina emirimo yazo.

17Araabaga njoka enyakwikara omu muhanda,

araabaga ncwera enyakwikara ha muhanda,

enyakutema obukangaasi bw'embaraasi,

nukwo omutembi wayo ayeteere hansi.

18Ai MUKAMA, nkutegeriize kunjuna.

19Gaadi aliseesirwa abanyagi,

na uwe alibahondera abanyage.

20Aseeri araalyaaga ebyokulya ebirungi,

nuwe araaliisaaga abaana b'engoma ebyokulya.

21Nafutaali buguma y'ensa etasibikirwe,

enyakuzaara ensa ento enungi.

22Yosefu itaagi erinyakwana ebijuma ebirungi,

itaagi erinyakwana muno erinyakuli haihi n'ekisaaru,

amataagi ge gaganaaganira ha kisiika.

23Abarasi b'emyambi bakamuseesira bataina mbabazi,

baamurasa, baamusaaliza muno;

24Baitu obuta bwe bwaikara butegekerwe kwonka,

emikono ye yaikara neeyabaabata,

neeremwa ogu ow'obusobozi bwona, Ruhanga owa Yakobbo,

(neeremwa ogu arukwetwa omuliisa, kandi Omwandara gwa Isirairi)

25neeremwa Ruhanga wa Sso alikukonyera,

neeremwa Ruhanga ow'obusobozi bwona alikuha omugisa,

alikuha omugisa gw'enjura kuruga haiguru,

akuhe emigisa g'ensoro z'amaizi

alikuha emigisa nk'eyaaha abali omunda n'abarukwonka.

26Emigisa eya Sso, y'amaani okukira ensozi eza buli na buli,

neekira ebirungi ebinyakuruga omu busozi obwabaireho ira na ira.

Emigisa egi ikalege hali Yosefu,

kandi ikalege ha mutwe gw'ogu ayakomerwe omu bagenzi be.

27Benyamiini nugwo mwaga ogunyakutuubire,

nyenkya gusonsomera ekisoro eki gwisire,

kandi orwebagyo gulya hamu n'ebisoro ebindi.”

Yakobbo naafa kandi naaziikwa

28Ezi nizo nganda ikumi na ibiri eza Isirairi, kandi ebi nibyo bigambo isebo Yakobbo ebi yagambire obu akaba naabaha omugisa, buli omu, akamuha omugisa ogunyakumusemeriire. 29Aho yabateererra naagamba ati: “Ndi haihi kufa nkurate baisenkurunyowe, obu ndaafa munziike hamu na baisenkurunyowe, 30#Kub 23:3-20.omu bwingira bw'omukibanja ekinyakuli Makipera, kiroleriire Butuukaizooba bwa Mamule, omunsi Kanaani, ekibanja eki, Abburahamu akakiguraho Efuroni Omuhiiti, kibe kibanja kye eky'okuziikamuga. 31#Kub 25:9,10; Kub 35:29.Oku nuho baaziikire Abburahamu na mukazi we Saara, nuho baaziikire Isaaka na Rebbeka mukazi we, kandi nuho naziikire Leeya. 32Ekibanja eki n'obwingira obukaba burumu, Abburahamu akabiguraho Abahiiti.” 33#Ebik 7:15.Yakobbo obu yamazire kuteererra abatabani, yahinya amaguru ge, yagata ha kitabu kye, yakaba yakurata baisenkuru.

Currently Selected:

Kub 49: BRR2008

Highlight

Copy