1 Abakor 10

Paulo naahabura kutaramya embandwa

1 # Kurug 13:21,22; Kurug 14:22-29. Bagenzi bange ningonza mwijuke baisenkuruitwe nkooku baayebemberwaga Ekicu omwirungu, kandi boona nkooku baarabire omu Nyanja, 2kandi boona nkooku baabatiriziibwe omu kicu eki n'omu Nyanja #10:2 Okubatizibwa omu kicu n'omu nyanja kyali kyokurorraho ky'okwogebwa. bakwataniize na Musa. 3#Kurug 16:35.Kandi bakalya ekyokulya ky'embaganiza 4#Kurug 17:6; Kubar 20:11.boona bakanywa n'amaizi ag'embaganiza. Bbo baanywaga ha mwandara ogu ogwagendaga nabo, kandi Omwandara ogu akaba ali Kristo. 5#Kubar 14:29,30.Noobu kiraaba kyabaire kiti, baitu baingi omuli bo batasiimwe Ruhanga kandi bakahwerekerezibwa omwirungu.

6 # Kubar 11:4. Hati ebi byona by'okutuhabura, tuleke kwegomba ebibi abaisenkuru itwe nkooku baakozire. 7#Kurug 32:6.Muleke kuramya embandwa nk'abamu omuli bo oku baakozire. Kikahandiikwa kiti: “Abantu bakaikarra kulya n'okunywa, kandi baimuka kucekeca.” 8#Kubar 25:1-18.Tuleke kweha obusiihani nk'abamu omuli bo oku baakozire, haafa abantu emitwaro ebiri n'enkumi isatu kiro kimu. 9#Kubar 21:5,6.Tuleke kujwahya MUKAMA nk'abamu omuli bo oku baakozire, baahwerekerizibwa enjoka; 10#Kubar 16:41-49.kandi tuleke kuhyema nk'abamu omuli bo oku baakozire baamarwaho Omuhwerekereza. 11Hati ebi byona bikabaho nk'ekyokurorraho, kandi byahandiikwa kwegesa itwe abaroho biro binu ebya ha mpero.

12Nahabweki arukuteekereza nkooku ayemeriire, ayerinde atagwa. 13#Yudi 8:25-27; Sir 15:11-20.Busaho kyohyo ekirabaiziire ekitahikaho abantu boona. Ruhanga mwesigwa, taliikiriza ebyohyo ebibahinguraine kubahikaho, baitu omu kwohebwa nk'oku alibaha amagezi ag'okisingura nukwo musobole okugumiisiriza.

Abasemeriire kulya ha kiihuro kya MUKAMA

14Bagenzi bange abagonzibwa, mwetantale kuramya embandwa. 15Nimbahabura nk'abantu abarukwetegereza. Inywe mwecweremu inywenka amazima g'eki ndukugamba. 16#Mat 26:26-28; Mar 14:22-24; Luk 22:19,20.Ekikopo eki tusabira omugisa, tinukwo okubagana ha sagama ya Kristo? Omugaati ogu tucwamu, tinukwo okubagana ha mubiri gwa Kristo? 17Omugaati nkooku guli gumu, na itwe abaingi tuba mubiri gumu, habwokuba itwena tubagana ha mugaati gumu.

18 # Lev 7:6. Mwetegereze emirwa y'Abaisirairi: abalya ebyonzira ebihongerwe, tinubo abaina obukwatane na Ruhanga anyakuramibwa? 19Obu, nimba ningamba ki? Nimugira ngamba nti: Ebihongiirwe embandwa nakyo kintu kiri aho? Rundi nti: Embandwa erohokwo? 20#Bir 32:17.Nangwa, eki ndukugamba nikyo kinu: Abakafiiri ebi bahonga, babihongera embandwa, tibabihongera Ruhanga. Tindukugonza inywe mweteerane n'embandwa. 21Timusobora kunywa ha kikopo kya MUKAMA, kandi na ha nkooba y'embandwa. Timusobora kulya ha kiihuro kya MUKAMA kandi na ha buro bw'embandwa. 22#Bir 32:21.Obu, MUKAMA titurukumwendereza? Niitwe turukumukiza amaani?

Naabaha amagezi ha byokulya ebihongerwe

23 # 1Kor 6:12. “Ebintu byona nibiikirizibwa”, baitu tibiri byona by'omugaso. “Ebintu byona nibiikirizibwa”, baitu tibiri byona birukugumya ekitebe. 24Buli muntu aleke kweserurra ebye, baitu aserre n'ebirukugasira mutaahi we. 25Kyona ekitundwa omu katale k'enyama mukirye n'omutima gumu, mutarukugurukyagurukya. 26#Zab 24:1.Habwokuba: “ensi n'ebigirumu byona bya MUKAMA”.

27Kakuba omu ha baikiriza Ruhanga abaraaliza ha bugenyi, mukaikiriza kugendayo, mulye kyona eki babasemberiize mutarukugurukyagurukya. 28(Baitu omuntu kakuba naabamanyisa ati: “Ekintu kinu kihongerwe”, muleke kukirya, tihali habwanyu baitu habw'ogu abamanyisize. 29Eki tindukukigamba habw'oburungi bw'emitima yanyu, baitu habw'oburungi bw'omutima gw'ogu.) Mara habwaki nyigamira ebiteekerezo by'omuntu ondi? 30Obu ndaaba nindya ninsiima Ruhanga, nimpyemererwa ki habw'ekindukulya mmazire kusiima?

Eky'okumalirra

31Nukwo nu, obu muraabaga nimulya rundi ninumywa rundi nimukora ebintu ebindi byona, mubikolege habw'okuhaisa Ruhanga ekitiinisa. 32Mutalibiihiza Abayudaaya, rundi Abagiriiki, rundi ebitebe by'abaikiriza Ruhanga. 33Mukole nka nyowe oku ndengaho kukyanganura abantu boona omu buli kintu eki nkora, ntarukuserra eby'okungasira nyenka, baitu eby'okugasira abaingi nukwo bajunwe.

Currently Selected:

1 Abakor 10: BRR2008

Highlight

Copy