1 Byok 20
20
Daudi naahamba orubuga Rabba
(2 Sam 21:15-22)
1 #
2 Sam 11:1. Omu kasumi aka Kasambura, omwaka obu gukaba nigutandika, akasumi abakama aka baagenderahoga ha bulemu, Yowabbu akaturukya ihe, yahwerekereza ensi y'Abamooni, yagenda yagota orubuga Rabba. Baitu Daudi yaikara Yerusaalemu. Yowabbu yateera orubuga Rabba yaruhwerekereza. 2Daudi yaiha mukama wabu ekondo ha mutwe; yagirenga, yahikya etalenta y'ezaabbu emu, kandi ekaba erumu ibaale ery'omuhendo; ekondo egi, niyo yajwekerwe Daudi Yanyaga omu rubuga ebintu bingi muno. 3Abantu abakaba barurumu, yabaturukya, yabata ha mulimo ogw'okukozesa emisumeeni, esuuruuru, n'endemu; embuga zoona ez'Abamooni, Daudi nukwo yazikozire ati. Hanyuma, yagaruka Yerusaalemu, n'abantu boona.
Abasaija ab'amaani abaisirwe Abasaija ba Daudi.
(2 Sam 21:15-22)
4Ebi obu byahoire, hakacweka obulemu obw'okurwanisa Abafirisiti omu rubuga Gezere; omubulemu obu, Sibbekai Omuhuusi, nubwo yaitiiremu Sipai, omu ha baijukuru b'abasaija abo; Abafirisiti nukwo kusingurwa. 5#1 Sam 17:4-7.Hakagaruka haacweka obulemu obundi obw'okurwanisa Abafirisiti; Erihanani mutabani wa Yairi, nubwo yaitiiremu Lahumi owanyina Goliasi, (Omugaasi) ow'akaba aina icumu eriina orubango orurukwingana omugamba gw'omuruki w'engoye. 6Hakongera haacweka obulemu obundi omu kiikaro Gaasi, nambere hakaba hali omusaija ekitikibisi, ha buli mukono akaba ainaho ebyara mukaaga, na ha buli kigere, ainaho ebyara mukaaga, byona hamu, abiri na bbina; ogu na uwe akaba ali mwijukuru w'abasaija abo. 7Obwakaba naasoisoimya Abaisirairi, Yonasaani mutabani wa Simeyi owanyina Daudi, yamwita. 8Abo na bo bakaba bali baijukuru b'abasaija abo aba Gaasi; bakaitwa Daudi n'abaheereza be.
Currently Selected:
1 Byok 20: BRR2008
Highlight
Share
Copy
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.
