Awos. ŊUNA EGEUNETE
ŊUNA EGEUNETE
Apolou a ekiro ebe Awosit iŋes atemar “Arotokin,” ido itoodiunit akirot na ŋakiro ŋuna apolok nooi ŋuna apotu kitiyakin neni a Ŋisirael. Ŋakiro ŋuna irworitae alokitaabo a lo; ikes arotokin a Ŋisirael alo Ijipit aneni sek araakatar ŋipi. Eyakasi ŋakiro ŋaomwon lokitaabo lo: (1) Akimyekin Ŋiburaniyae toloto tojoŋoto araakau ŋipi. (2) Alosit kec ŋinapei alo Ijipit tari lomoru ŋolo enyaritae Sinai. (3) Acamunet ŋina ka Akuj ka ŋituŋa alo Sinai, Acamunet ŋina abu inak Ŋisirael akiwuap ŋikisila ŋulu kiboiyet ejok kaapei ka anapukan ka alodin. (4) Epite ŋolo adukere akibois ŋina eryamununosi Ŋisirael ka epite ŋolo ewuakinere ŋiboro tooma nen, epite ŋolo ayakatar ŋikisila ŋulu amaikina ŋisacaradotin kiwuapa ka epite ŋolo eyakatar ŋikisila ŋulukilipet neni ka Akuj.
Ŋuna apolok akilo ŋun daadaŋ, igiritae lokitaabo lo ŋakiro ŋuna kebu Akuj kitiya apaki ŋina aiunia ŋituŋa keŋ ŋulu arae ŋipi, ido inak ikes akwap ŋina iboiyoto eyakatar akigeno.
Moses iŋes ituŋanan ŋini irworit ekitaabo lo ŋakiro keŋ nooi. Arae Moses abu Akuj toseu arikor ŋituŋa ŋulu ka Akuj alo Ijipit. Ŋuna nabo eyenen alokitaabo a lo aneni a ŋikalalak ikes ŋakiro ŋuna a ŋakiciketa ka Akuj a ŋunatomon, a ŋuna eya ekek 20.
Currently Selected:
Awos. ŊUNA EGEUNETE: NIB2008
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.