Bar 5
5
1Okoe ŋituŋa a Yerusalem, tolacasi ŋilowi kus ŋulu ka akiyaloloŋ ka akisicanio, ido tonapa ŋikaru ka ŋikaru akibuses ŋina ka apolou aneni ka Akuj.
2Tonapa ekaaso ŋolo ka akiyookino ŋolo ebunit aneni ka Akuj,
tonapa anakyes kus ebokot ŋolo ka apolou a Akuj a ŋina a ŋikaru ka ŋikaru,
3anerae idodiuni Akuj akibuses kus anakiboisyo a daadaŋ a akwap.
4Ikiinakini iyoŋ Akuj ŋikaru ka ŋikaru ekiro lo, “Ekisil ŋolo iyookino, apolou ŋina ka Akuj.”
5Okoe ŋituŋa a Yerusalem, tonyoutu towua alokidiama aita a emoru
kiŋoliyasi lowae ŋolo alo Kide, kiŋolikis ŋidwe kus ecunakina alo To ka alo Kide,
aŋuna alimunio Akuj ŋina asegan atemar tocunakin ikes
elelyanete aŋuna atamunia Akuj ikes
6anerae apotu ikes toloto alotooma Yerusalem a ŋakejen erikito ŋimoe kec,
nai inyakuni Akuj ikes tooma Yerusalem,
epote anapolou esibit erae ŋikapolok ŋulu
7icoloŋito ekicoloŋ ŋolo ka apukan,
anerae alimu Akuj atemar emaikina kilelyaarae ŋimoru ŋulu aoyak ka ŋikamukumukui ŋulu a ŋikaru ka ŋikaru
ka emaikina tonukae ŋakadipaalae toruwor akwap nenilapat,
ikotere Ŋisirael elosete emam ŋace anapolou a Akuj.
8Alimu Akuj atemar eryamunete Ŋisirael etolim anamon ka alokito a ŋulu akukunyok a eure,
9anerae iŋarenikini Akuj Ŋisirael a alelyanu, anakica a ŋina ka apolou keŋ
ka a akisyon ta akiyookino ŋuna eponito aneni keŋ.
Currently Selected:
Bar 5: NIB2008
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.