Marako 16

1Sabiti ko lavudre di Maria Magadala e, Maria Yakoboni andre e, Salome be, aii gi nga ngulepi tani dii, aii kaliro adini rumva li. 2Dribise kitu poso adea a’ulepi dridri dise, aii dreki alizo mogona kitu kafodre di. 3Dreki taza aiiki kofulena aii ki di, Adi lololi kira butise amadri ni ya? 4Dreki mi dozo no a, kira lolidre: kira nidi dre adrele murungu ngaeko dise. 5Aii dreki šira’a mogona, dreki kadura lirilepi drigualese di nozo, bongo kemve adiru; aiiki lindri dre gazo gaga. 6Akodi dre taza aiidri Amiki lindri koga ko: mì adre Yesu dia Nazaretalese di ni nda, a kipa akodi fe atipatipadri; akodi ngadre; akodi nole yokodo: mì no ka, vura aii dre adini bazo di. 7Mì koli, mì kota dia adini tayilepi dii dri̱, Petero be, adi li amidri dridri Galilayana, mì kono adi dale, ngoro adi dre amidri tale di tini. 8Aii dreki fozo lapale mogoase; tai liazo di, ta aiiki lindri dre gazo gaga di dre aiiki ole dise: aii dreki ta tazo diadri teji ko; tiri dre aiiki ole dise.

9Adi ko ngadre di dribise kitu poso adea a’ulepi dridri di adi aga Maria Magadala kandra dridri, i dre daimona nji‐dri‐iri dii ladrozo akodi ase kiono. 10Akodi nji̱, dre ta tazo dia adrelepi adi be kiono dii dri, aii dreki ao ngora’a mindra be. 11Aii ko yi adi adre lidriru di, Maria dre adini nozo dre, aii ka’iki ko.

12Tai nii vudria di i dre adini tadazo lasu azi di be, dia aiikia iri nii dri, aii dreki tecira’a lati balase lira’a la’una. 13Aii dreki nji̱zo dreki taza aiiki ambiidri: aii ka’iki aiidri ko.

14Velero adi dre ai tadazo mudri‐dri‐alo niidri, aii dreki lirira’a nga ña; adi dre aiikia ta ka’ile ko e ta aiikia togo dre adrele mbamba di be ndriza aii dreki dia adini nolepi adi ngadre dii ka’ile ko dise. 15Adi dre taza aiidri, Mì koli voase o̱ei, dre tandu tani ngizo dia dri̱ o̱ei 16Dia ta ka’ilepi di, i dre akodia abatisizo a kotedri akodi; dia ta ni ka’ilepi ko nia tavo konji. 17Ta ta‐tadazo nii kaliki dia ka’ilepi dii vuse; ama ruse aii koladro daimona dia ase; aii kota ta ti todise: 18aii kotodo mi kuru, aii komvu ado nga ya drazo asa dradra di di, ko’o aii tejia ko, aii koba dri̱ka dia drafulepi diiru, aiiki ruba kolovoro.

19Kadre nitini tako Miri Yesu ta ta aiidri da di‐a, a̱ dri akodi kuru buna, akodi dre lirizo Nzambeni drigualese. 20Aii dreki fozo lile, dreki ta ngizo voase o̱ei. Miri dre ta ole aii be, dre ta ni ozo adrele kokoroko ta ta‐tadazo nii, dre alile aii vuse dise. Amina.

Currently Selected:

Marako 16: LOG

Highlight

Copy