Markus 14
14
1Betsi botye gbei hiwotso paska ḅe kenno ka hiwotso gurasatso á huba. Miye‐gbangbanye malamye ka miyedi‐dori tadi el tanḅa kitten ka kuta, ta ḅelten.
2Ta tsa: “A avor hiwotso gekelo ḅé gigigkei a maḍo avor miye.”
3Tsi ne avor Bait'anya avor hwoda Siman ndso‐dagdei, tsi ne ndsa adi zem sizemtso; itsi metsi a si, kwote ka kedowtso ka mare, a miyadi tsaro a chi nard, nda nyero kerker. Nga filla kedowtso a pukko anangen mare.
4Imi ne do yedingeren a kiddaren avor mensen, ta tsa a chi: “Gomino miya kidda mare ano?
5Mare ano ḅo perrigo kwamu sa miya ḍer kobbotso haru mwaken kan, a vo dziye‐poritso.” Ta ngiya karo.
6Yesu a tsa: “Huna ḍakaro, gomino hunadi tonodo? Nga ḍei lentsi femtso.
7Gibo hu ne ka dziye‐poritso firefiro ahakowno, fira huna mo hu mban huna ḍaren pepetso. Hen tám kowno firefiro.
8Nga ḍa sa nga mban, nga fiyego sisen a ḍaden go miya mboden.
9Diyalo nadi tsowno, nagi duma ha miyaḅa boyo lemefeme avor vratso, sano gban metsi ino a da, miyaḅa wadden gekelo ḍyangatso karo.”
10Yahutha Iskariyoti hido avorsen bow a mbidi gbei, nda wudo haka miye‐gbangbanye malamye gekelo nda kiddan ahakaren.
11Ten gban naya ta kello, ha ningeren. Ta mo nangen a ven ta. Ndi gban ndadi el geche ndaḅa kiddan ahakaren.
12A no firo kwamotso a botye gurasatso á huba; naya miya ḅel ndso‐mbaga gekelo paska, miyedi‐kwoden a tsan: “A ndo ha hye mo huma wudum ma ḍado gekelo hye zem paska?”
13Nda lena miye gbei avor miyedi‐kwoden a tsaren: “Huna muḍo vor garutso, gara huḅa peiya ka ama, nda ngur ka kedowtso habiye,
14huna kwoden. Ha nda perro do huna boyo homo‐hwodiye: Malam a tsa, vune omye ḅo duma, ha na zem paska chang ka miyedi‐kwodi?
15Ndi ka nangen ndaḅa kennowno kaba'a, ha miya liya ḍaden, garo huḅa ḍeiden.”
16Miyedi‐kwoden a dimma, ta perro vor garu, tana pa sye botsi nda boyeren. Tana ḍado paska.
17Naya kade a kenno nda si karen bow a mbidi gbei.
18Ta ndsa tadi zemsye. Yesu a tsa: “Diyalo nadi tsowno, hido avorsowno ndaḅa kiddei, ma hinadi zemsye kan.”
19Ta tiya ḍa yediḅwatso adi boyen hyeḍo hyeḍo: “Hen na?”
20Nda tsaren: “Hido no avorsen bow a mbidi gbei, ma hinadi peiyo tuffongeino avor gba kan.
21Gibo Ndso Bwara adi muḍo botsi miya dori anangen; tonotso ka ma a kidda Ndso Bwara, ḅo hula ahakan na miyá nda mwasaren.”
22Ten ne avor zemtso, nda ngur gurasotso, naya nda humwaren, nda ḅiyan a verren, nda tsa: “Ngurum, ano sisin no.”
23Nda ngur tasatso a humwaren a verren. Chang ta tsobo avorso.
24Nda tsaren: “Ano dsamba no, ungo mo no?-?ha, a miya kajiden gekelo miye hananan.
25Diyalo nadi tsowno tárei minna tsob habiye mbwotso annab sie fira henḅa tsobo hwelhwel avor homne da Pwa.”
26Ta go dimsye, a mbo ta dimma a muḍo mwotso Zaitun.
27Yesu a tsaren a chi: “Hu yangkat, huḅo pawo gibo miya doro: Henḅa lev ndso‐jinsye, mbagei a gberro.
28Betse henḅe maḍo, na wudo humwasowno a Galili.”
29Bitrus a tsan a chi: “Sie tanḅa pawo kat hen tá ḍa.”
30Yesu a tsan: “Diyalo nadi tsow, suppo avor tukurtsi ino, ḍyekei ndata wa a laka gbei, hyeḅa ndelti a laka mwaken.”
31Nda boyile kerker bwang: “Na a mbamtso ma mberro kow ḅwa, tá ndelta.” Che yangkat ta boyo.
32Ta si a ha, a miya wa a chi Gathsamani; nda boyo miyedi‐kwoden: “Ndsam ga, ahano, na wudo hiwotso.”
33Nda ngur Bitrus, ka Yaḳub, ka Yohanna ta wudo karen ḅwa, nda tiya kiḍo kabagban, ndata tono kulkul.
34Nda tsaren a chi: “Mensin a ḅoi ḅa tila mberrotso, ndsam ga, huna gra.”
35Nda wudo humwa kyengkyeng a fuko a njiya adi hiwo, na ndi nda ḍa fire ano nda syekara.
36Nda tsa: “Abba Bagi, sye chang a ḍa gakow hye ngurigo tasatsi ino, a á na mo no, a hye mo no.”
37Nda si a paren a ha chintso, nda tsa Bitrus: “Siman hyedi china? Té leyi grato nagi kyeng?-?ykeng?
38Gram, huna hiwo gekelo ḅé huna perro vor lemohasei, ka diyangen pitso ḅo mwa, sitto hyaghyak.”
39Nda ngaḍo weyetso a ḍa hiwotso, nda boyile botsi kenneneng.
40Nda minna si, nda paren ten ne di chini, gibo diyengeren a ḍigsuko kerker, ta ḍongo leme a tanḅa mwan.
41Nda si, weyesen mwaken nda tsaren: “Huna cheno ḅogong hu ta piya, ḅo kenno, fire ḅo kenno; niyum, miya vo Ndso Ḅwara a tuffe miye‐hasye.
42Maḍum ma muḍum, ma di kipei ḅe tsikha.”
43Gbel tsi ne avor boyi leme, Yahutha, hido avorsen bow a mbidi gbei, dan si, ten no karen ka fure kabagban, ka kafari, ka gare di haka miye‐gbangbanye malamye ka miye‐dori ka dziye‐sokworye.
44Ma di kipan ḅe liya verren le nda tsa: “Ma nadi shewden ka kwama tsi no, huna nguten a ḍikden ahumwa a muḍo kan.”
45Naya nda tila, gbel nda wudo gakan a tsan: “Rabbi,” nda shewden.
46Ta ḍikken tuffongeren a nguten.
47Hido avor miye‐kango a hangen nda diḍo kafaritsoden, nda lev kissa da magbane malamye, nda tsad kwakengen.
48Yesu a mwa a tsaren: “Huna dimma ka kafari ka gare huḅa kitti, hye ka hen ndso‐dimma?-?ha.
49Nagi ndo firo hum ne kowno ḅwa avor haikali nadi kenno miye, huná nguti. Miya ḍa sano gekelo leme malamtso ḅa na.”
50Chang ta ḍakan a gyeḅo.
51Ndong lagba a kwodo besen nda chopwa base kunge, sisen dipaiya.
52Ta nguten, nda ḍaka base kunge a gibo difwa.
53Ta wudo ka Yesu gaka magbane malame. Kat miyegbanye malamye, ka dziye‐sokworye, ka miyedi‐dori ta peiyo hakan.
54Bitrus a kwoden di ha ḅongo a wudo vor votsi da malam magbane, tsi ne ndsa haka dogari a in ḍiye.
55Miyegbangbanye malamye ka kabei kat tadi el sagdatso a no Yesu ḅa belten, tá ḍimmo.
56Gibo miye hananan ta sika sagdatso zheringye anangen, sagdasen á peiyo kwamungeren hido.
57Imi a maḍo a kango ta ḍa sagdatso zheringye anangen adi tsa:
58“Hina kellan ndadi tsa: Henḅa gbarra haikali ano, a miya ḍa ka tuffongeren, avor botye mwaken na no a á ka tuffe.”
59A no getsingen sagdatsodaren á peiyo kwamungeren hido.
60Magbane malame a maḍo a kango avorsen, nda ḍiyo Yesu a tsa a chi: “Té weye mwa ka a la? Mino ano, miyeno a ḍa sagdatso kan ananga?”
61Nda kango ḍong, á boyi lemo. Magbane malame a ngaḍo a ḍiyen a boyen: “Hye no Kristo Ndse da Mahulatso?”
62Yesu a tsan: “Hen no ndi, huḅa na Ndso Ḅwara a‐ndsatso a tuffo zume da nyeretso, ndaḅa si ka perḅye a pwa.”
63Magbane malame a tsara basyebasyeden a tsa: “Huma mom mbiditso sagdatso? Hu kella, ḅo ḍa Pwa, huna tsa ya?”
64Kat ta bashiye ka leme wei.
65Imi a tiya a tuffen nauye, ta gbo humwasen, ta levren, ta tsan a chi: “Hye ḍa leyetso!” dogaritso a luwren ka lebha.
66Bitrus tsi ne a njiya avor voti, itsi ndsitsi avor miye lentso da magbane malame nga si.
67Nga na Bitrus ndaḅa in ḍiye, nga niden a tsa: “Hye gban hu ndsa ka ndso‐Nazarat ano Yesu.”
68Nda ndelha a tsa: “Tá leyi leme a hye boyo, tá kelli gban.” Nda dimmo di sogboktso, ḍyekei wa.
69Ndsitsa a nan, nga tiya boye miye di kango ahangen: “Mano ne avorsen.”
70Nda minna a ndelha. Na miya kange yang kyengkyeng, miye‐kange hangen a tsa Bitrus: “Diyalo hye ne avorsen, hye ndso‐Galilitsi.”
71Nda tiya boye leme kerker ka gbotso: “Tá leyi manano hunadi wadden.”
72Gbel ḍyekei a wa gbeiyetso. Bitrus a ḍyanga leme ano Yesu a boyen: “Ḍyekei á nda wa gbeiyetso hya ndelti a laka mwaken.” Ndata tuwo.
Currently Selected:
Markus 14: BCYMRK
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1915.
