Markus 15
15
1Gbel ka hawure miye‐gbangbanye malamye, ka dziye‐sokworye, ka miyedi‐dori, ka kabei kat ta peiyo kwamungeren a kello so; ta ḅweyi Yesu a nguten ta vodden gaka Bilatus.
2Bilatus a ḍiyen: “Hye, hye no home da Yahudawa?” Ndạ mwa a tsan: “Hye boyo.”
3Miye‐gbanye malamye a gwamen leme kabagban.
4Bilatus a ngaḍo a ḍiyen a tsa: “Té mwa, tá leme da? Na, leme kabagban ta gwomu.”
5Yesu árei mwa nagi hido, Bilatus a ndello.
6Avor botye hiwotso nda weye parren ndso?-?gberrowe hido, ma ta ngiso gakan.
7Ma nedo miya wa a chi Barabbas, miya ḅweyeren ka miye‐ko leme ḅwa, iye ḅelha avor koleme?-?daren.
8Lektso miye a maḍo a tiya ngisen, ma nda ḍaren a no kwalemeden.
9Bilatus a mwaren a tsa: “Huna mwa na parra home da Yahudawa?”
10Gibo ḅo niyo, go zhuwne miye‐gbanye malamye a kitten.
11Miye‐gbanye malamye a kiḍok boyile ahaka miye lektso ati ndaḅa parraren Barabbas.
12Bilatus a ngaḍo a mwaren a tsaren: “Mino na go ma huna wa ati Homo Yahudawa?”
13Ta maddo kwormungeren a tsa: “Miya ḅedimden!”
14Bilatus a boyeren: “Gomino, ndo sahaso nda ḍa?” Ta go gawei: “Miya ḅedimden!”
15Bilatus gekelo nda mwa a ḍa miye sa ta mo, nda parraren Barabbas. Betsi miya ḅyeng Yesu ka kufwatso, nda vodden gekelo miya ḅedimden.
16Dziye‐kawatso ta perro kan avor votsi, Praitorion no, ta wa lektsi miye‐kawatso.
17Ta kallaren rukute homne, ta tuḍa sopine hwale a ḍikken.
18Ta pokan: “Miya pokowno Home da Yahudawa!”
19Ta lev nangen ka garatso, ta tuffen nauye, ta puwo a gyerero.
20Ta baggen ka alale a siḍagen rukute homne, ta chopwan basyesyeden. Ta dimmo kan ahabwange ati ḅa ḅedimden.
21Ama nedo Siman ndso‐Kairawani, bago Iskandari ka Rufus, ndadi si di ha gballame ndaḅa perro, ta ḍan mbamtso nda wudo karen gekelo ndaḅa ngur kada ḅedimtsoden.
22Ta tila kan a a ba ati a Golgatha, ha ule ne no.
23Ta ḍifen habiye mbwotso annab, miya ngum?-?den ka myrrh; ndá mwa a luwo.
24Ta ḅedimden, ta ngello so basyesyeden ahangen, ta pa bara tanḅa na sa ama a ḍimmo.
25Fire fella naya miya ḅedimden.
26Miya dor gwomleme a miya gwomen, miya ḍikden apwa: “Home da Yahudawa.”
27-28Ta ḅedimdo dziye‐lowsye gbei kan gban, miya ḍikden a kadei ḅedimtso, a hido a tuffe zumeden, a hido a tuffe legḍeiden.
29Miye di perri a boyen lemohasei, ta humo nangeren ta tsa a chi: “Hayo! Ma di filla haikali hye minna no avor botye mwaken.
30Hye mbo nanga, janga go kada ḅedimtso”.
31Che gban miye‐gbangbanye malamye adi baggen, ka miyedi‐dori ḅwa ta tsa: “Nda mbo imi, nda ko mbo nangen,
32ḍakamen Kristo Home da Israila nda janga ḅogong a kada ḅedimtso, ma niyum ma vomdo diyalome”. Ten gban miye, miya ḅedimden karen, ta ḍaren.
33Naya fire a si nan, kulitso a kisso a gbo njiya sie fire a kwaka.
34Fire a kwaka Yesu a waha ka kworme kerker: “Eloi Eloi Lama sabachthani?” Zeregyeden no: “Pwadei Pwadei gomino hye ḍakei hido?”
35Imi ne kango hangen a kello a tsa: “Hu kella ndadi wa Iliya.”
36Ama a gibo, nda ngur sobase a na ka habiye gbangye, nda galingo a garatso, nda ven gekelo nda tsobo, ndadi tsa a chi: “Kangum ḍong, ma niyam sie Iliya ḅa si nda jangaden.”
37Yesu a maddo kwormungen kerker, nda dimdo pisen.
38Base galingtsi avor haikali nda piḍillo a takko gbei a pwa a janga a njiya.
39Naya kachalla, ma kango humwasen, ana geche nda dimdo mensen, nda tsa: “Diyangen, mano Ndsa de Pwa no.”
40Imi nedo maindye, ta niya di ha ḅongo, avorsen Maryamu Ndse‐Magdaliya, ka Maryamu nogo Yaḳub a‐swade ka Yosi, ka Salome gban.
41Ten no di kwoden adi ḍan lentso naya nda ndsa avor Galili; i maindye gban, iye ta si karen ḅwa gaka Yerusalem.
42Naya kade a liya kenno, fire ḍado sye gekelo assabachi no,
43Yusufu Ndso‐Arimathiya, ama avor kabei ndi ka nangen gban ndadi kulla homne da Pwa, nda perro haka Bilatus nzimsen duk, nda ngiso na miya ven sitto da Yesu.
44Bilatus a ndello gekelo nda mberro gbel. Nda wa kachalla nda ḍiyen sie ḅo ḅongo ka wei.
45Naya nda dimma leme gaka kachalla, ḅo mwa miya ḍaka Yusufu ka sisen.
46Ndi gban nda ḍer base, nda jangaden, nda ḍan fowe ka base, nda ḍikden avor tane a miya ebo avor faratso. Nda likado itsi faritsi a kwamu tane.
47Maryamu Ndso‐Magdaliya ka Maryamu nogo Yosi, ta niyo ha miya ḍikden do.
Currently Selected:
Markus 15: BCYMRK
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1915.
