NEHEMIA 10
10
1Mme jaana ba ba beileng sekano, e ne e le Nehemia Moterešathe, morwa Hakalia, le Setekia; 2Seraia, Asaria le Jeremia; 3Pašure, Amaria, Malekia; 4Hatuše, Shebania, Maluke; 5Harime, Meremothe, Obadia; 6Daniele, Ginethone, Baruke; 7Mešulame, Abija, Mijamine; 8Maasia, Bilegai, Shemaia; bao e ne e le baperesiti. 9Balefi: e bong, Ješua morwa Asania, Binnui wa bomorwa Henatate, Katemiele; 10le bomorwa rraabo, Shebania, Hodia, Kelita, Pelaia, Hanane; 11Mika, Rehobe, Hašabia; 12Sakure, Sherebia, Shebania; 13Hodia, Bani, Beninu. 14Dikgosana tsa batho: Paroše, Pahathe-Moabe, Elame, Satu, Bani; 15Bunni, Asegate, Bebai; 16Atonija, Bigafai, Adine; 17Atere, Hesekia, Asure; 18Hodia, Hašume, Besai; 19Harife, Anathothe, Nobai; 20Magepiaše, Mešulame, Hesire; 21Mešesabele, Satoke, Jadua; 22Pelatia, Hanane, Anaia; 23Hošea, Hanania, Hasešube; 24Haloheše, Pileha, Shobeke; 25Rehume, Hašabene, Maaseia; 26le Ahia, Hanane, Anane; 27Maluke, Harime, Baana.
Ditumalano tsa kutlwano
28“Batho ba bangwe, baperesiti, le Balefi, le balebedi ba kgoro le baopedi, Banethinime le botlhe ba ba itomololetseng molao wa Modimo, ba tswa mo ditšhabeng tsa mafatshe, ba na le basadi ba bone le bomorwaa bone, bomorwadia bone mongwe le mongwe yo o nang le kitso le tlhaloganyo; 29ba ngaparela bana ba ga rraabo, magosana a bone, mme ba ineela mo phutsong le mo ikanong ya gore ba tlaa sepela mo molaong wa Modimo o o tlhomilweng ke Moše motlhanka wa Modimo, le go tlhokomela le go dira ditaolo tsotlhe tsa ga Jehofa Morena wa rona, le dikatlholo tsa gagwe, le ditao tsa gagwe tse di tlhomameng;
30 “le gore ga re ketla re naya ba ditšhaba tsa lefatshe bomorwadia rona, le fa e le go tseisa bomorwaa rona bomorwadia bone;
31 “le gore fa ditšhaba tsa lefatshe di lere dithoto, le fa e le dijo go rekisiwa ka letsatsi la Sabata, ga re ketla re ba rekela ka tsatsi la Sabata, le fa e le ka letsatsi lengwe le le boitshepo; le gore re tlaa lesa ngwaga wa bosupa o ikhutsa, re ba re lesa le go tsaya molato mongwe le mongwe ka patiko mo go one.
32 “Le gone ra itlhomela ditaolelo, ra re re tlaa ikgolega ka ngwaga le ngwaga go ntshetsa tirelo ya ntlo ya Modimo wa rona dikerama di le tlhano tsa selefera. 33Re tlaa ntshetsa senkgwe sa tshupo, le tshupelo ya boupe ya metlha yotlhe, le tshupelo e e fisiwang ya metlha yotlhe, ya bosabata, le ya go rogwa ga dikgwedi, le mediro e e tlhomameng, le dilo tse di itshepileng, le ditshupelelo tsa boleo tsa go direla Baiseraele tetlanyo, le tiro yotlhe ya ntlo ya Modimo wa rona.
34“Ra thelela tshupelo ya dikgong bola, rona baperesiti le Balefi, le batho, go di lere mo ntlong ya Modimo wa rona, ka fa makgotleng a borraetsho, ka dipaka tse di laotsweng, ka ngwaga le ngwaga, go fisiwa mo sebesong sa ga Jehofa Modimo wa rona, jaaka go kwadilwe mo molaong; 35 le go lere mabutswapele a mmu wa rona, le mabutswapele a loungo lotlhe lwa ditlhare dingwe le dingwe, ka ngwaga le ngwaga, mo ntlong ya ga Jehofa.
36 “Le motsalwapele wa bana ba rona ba basimane, le maitibolo a ditshedi tsa rona, jaaka go kwadilwe mo molaong, le ditsalwapele tsa matlhape le tsa matsomane a rona, go di isa mo ntlong ya Modimo wa rona, kwa baperesiting ba ba direlang mo ntlong ya Modimo wa rona.
37 “Le go re mabutswapele a boupe jwa rona, le ditshupelo tsa rona tsa tsholetso, le loungo lwa ditlhare dingwe le dingwe, bojalwe jwa mofine le lookwane, re di ise kwa baperesiting mo matlwaneng a ntlo ya Modimo wa rona, le tsa bosome tsa mmu wa rona, kwa go Balefi; gonne bone Balefi, ba tsaya tsa bosome mo metseng yotlhe ya malemo a rona. 38 Moperesiti morwa Arone o tlaa nna le Balefi, fa Balefi ba tsaya tsa bosome; mme Balefi ba tlaa isa sa bosome sa tsa bosome kwa ntlong ya Modimo wa rona, mo matlwaneng, mo ntlong ya dikhumo. 39Gonne Baiseraele le bana ba ga Lefi ba tlaa isa tshupelo ya tsholetso ya mabele, le ya bojalwa jwa mofine le ya lookwane mo matlwaneng, kwa dilwana tsa felo ga boitshepo di teng, le kwa baperesiti ba ba direlang, le balebedi ba kgoro, le baopedi ba teng; mme ga re ketla re latlha ntlo ya Modimo wa rona.”
Currently Selected:
NEHEMIA 10: TSW08NO
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1992. Used with permission. All rights reserved.