Mk Ũelesyo wa Ĩvuku Yĩĩ
Ũelesyo wa Ĩvuku Yĩĩ
Ũvoo Mũseo o tondũ ũandĩkĩtwe nĩ Maliko wambĩĩe na ndeto ikwasya, “Ũũ nĩ Ũvoo Mũseo ĩũlũ wa Yesũ Klĩsto, Mwana wa Ngai.” Yesũ onanĩtw'e ta mũndũ wa meko na wĩ na ũtonyi mwingĩ. Ũkũmũ wa Yesũ nũkwoneka nthĩnĩ wa momanyĩsyo make, na ũtonyinĩ wake wa kũlũngya maimũ. O ta ũu, nũkwoneka nthĩnĩ wa kũekea andũ naĩ syoo. Yesũ eĩyĩelesya kana we nĩ Mwana wa Mũndũ ũla wookie kwĩnengane akw'e nĩ kana andũ maumw'e naĩnĩ syoo.
Maliko aandĩkĩte ũvoo wa Yesũ kwa nzĩa ĩkũeleeka mĩtũkĩ, ayĩkĩa vinya mũno meko ma Yesũ kũvĩtũka kũneena na kũmanyĩsya kwake. Ĩtina wa kũandĩka ũelesyo mũkuvĩ ĩũlũ wa Yoana Mũvatisi, na ĩũlũ wa kũvatiswa kwa Yesũ vamwe na matatwa make, nũeleetye ũthũkũmi wa Yesũ wa kũvosya na wa kũmanyĩsya. O ũndũ ĩvinda yavĩtĩte, now'o aatĩĩi ma Yesũ maendeeie na kũmũmanya, ĩndĩ namo amaitha make mongeleela kũmũmena. Ilungu sya mũthya syĩweta ĩũlũ wa maũndũ ala mamũkwatie Yesũ kyumwanĩ kyake kya mũthya kũũ ĩũlũ wa nthĩ, mũno mũno kwambwa na kũthayũũka kwake.
Mĩsoa ya mũminũkĩlyo ĩvukunĩ yĩĩ ĩla yĩ kĩlungunĩ kya 16.9 kũvika 16.20 ĩsũanĩawa nĩ andũ ala me na kĩsomo kya Mbivilia ta yaandĩkiwe nĩ mũndũ ũngĩ eka ũla ũandĩkĩte ĩvuku yĩĩ.
Maũndũ ala me Ĩvukunĩ Yĩĩ
Wambĩlĩĩlyo wa Ũvoo Mũseo 1.1-13
Ũthũkũmi wa Yesũ andũnĩ ma Kalilii 1.14—9.50
Yesũ ayuma Kalilii na kũthi Yelũsalemu 10.1-52
Yesũ e vakuvĩ na Yelũsalemu na e nthĩnĩ wayo kyumwanĩ kyake kya mũthya e kũũ nthĩ 11.1—15.47
Kũthayũũka kwa Yesũ 16.1-8
Yesũ ayumĩlĩĩla amanyĩw'a ĩtina wa kũthayũũka kwake na ayambata ĩtunĩ 16.9-20
Currently Selected:
Mk Ũelesyo wa Ĩvuku Yĩĩ: KAMBA
Highlight
Share
Copy
Want to have your highlights saved across all your devices? Sign up or sign in
BIBLE SOCIETY OF KENYA © 2011