Luka 1
1
Ndeto sya mbee
1Nĩkwĩthĩwa andũ aingĩ nĩmatatie kũandĩka ũvoo wa maũndũ ala meanĩiw’e katĩ waitũ, 2#Yoa 15.27.na matũnengie ithyĩ, nũndũ maĩ ngũsĩ sya kwona na metho, na athũkũmi ma ĩ ndeto kuma mwambĩlĩlyonĩ, 3#Meko 1.1.na nĩkwĩthĩwa nĩneekuũĩte nesa vala maũndũ asu onthe maumie, nĩnonete nĩ ũseo nyie ngũandĩkĩe nĩatĩanĩsye, Theovilo mũtaĩwa; 4nĩ kana ũmanye w’o wa maũndũ ala wamanyĩiw’e.
Wathani wa ĩsyawa ya Yoana Mũvatisi
5 #
1 Mav 24.10. Tene, ĩvinda ya Elote mũsumbĩ wa Yutia, kwaĩ mũthembĩ ũmwe ũla wetawa Nzakalia, wa nguthu ya Aviya: na mũka wake aĩ wa mbaĩ ya Aluni, na syĩtwa yake eetawa Elisavethi. 6Nao elĩ maĩ alũngalu mbee wa Ngai, makĩendeea mĩaonĩ yonthe na motw’ĩonĩ onthe ma Mwĩaĩi matyaailĩĩlĩka ũthũku. 7Nao matyaĩ na kana, nũndũ Elisavethi aĩ ngũngũ, na me elĩ maĩ akũu.
8Na ĩndĩ kweethĩwa, yĩla watethasya wĩa wa ũthembi mbee wa Ngai kũatĩanĩa na nguthu yake, 9#Kuma 30.7.o ũndũ kwĩkawa wĩanĩ wa ũthembi, malimana, na atw’ĩka wa kũlika ĩkalũnĩ ya Mwĩaĩi atoeesye ũvani. 10Na ĩkomano yonthe yekalĩte nza yĩkĩvoya ĩvinda ya kũtoeesya ũvani. 11Na aumĩlĩlwa nĩ mũlaĩka wa Mwĩaĩi, mũlaĩka aũngeme ngalĩ ya kw’oko kwa aũme kwa kĩthembeo kya kũtoeesya ũvani. 12Na Nzakalia amwona aũũya, na akwatwa nĩ w’ĩa. 13Ĩndĩ ũla mũlaĩka amwĩa, Ndũkakĩe, Nzakalia: nĩkwĩthĩwa kũvoya kwaku nĩkwĩw’ĩkĩte, na mũka waku Elisavethi akakũsyaĩa kana kavĩsĩ, na ũkaketa syĩtwa yako Yoana. 14Naku ũkeethĩwa na ũtanu na mũyo; na aingĩ makeew’a mũyo nũndũ wa kũsyawa kwako. 15#Mot 6.3; Asi 13.4,5; 1 Sam 1.11.Nĩkwĩthĩwa akethĩwa e mũnene methonĩ ma Mwĩaĩi, na mbinyu kana kĩla kĩtoonasya ndakanyw’a; o na kuma ĩvunĩ ya nyinyia akeethĩwa ausũĩtwe nĩ Veva Mũtheu. 16Na akamaalyũla aingĩ ma ana ma Isilaeli melekele Mwĩaĩi Ngai woo. 17#Mt 17.11–13; Mal 3.1; 4.5,6.Nake akatongosya mbee wake na veva na vinya wa Eliya, athyũũe ngoo sya aaĩthe syelekele syana, na alei mathi nthĩnĩ wa ũĩ wa ala alũngalu; kũmũmbanĩsya Mwĩaĩi andũ ala mamũseũvĩw’e. 18#Mwa 18.11.Na Nzakalia amũkũlya mũlaĩka, Ngamanya ata ũndũ ũũ? Nĩkwĩthĩwa nĩ mũkũu nyie, na mũka wakwa nĩ mũkũu. 19#Nda 8.16; 9.21; Aevl 1.14.Na mũlaĩka amũsũngĩa, amwĩa, Ninyie Kavilieli, ũla ũũngamaa mbee wa Ngai; nakwa ndũmiwe nũke kũneena naku, na ngũetee ũvoo ũũ mũseo. 20#Lk 1.45.Na sisya, nũkũkilya na ndwĩtonya kũneena, kũvika mũthenya ũla maũndũ asu makekĩka, nũndũ ndũnaĩkĩĩa ndeto syakwa, ila ikeanĩw’a ĩvinda yasyo. 21Na andũ mamweteela Nzakalia, na maseng’a nũndũ wa kwĩkala kwake ĩkalũnĩ. 22Nake yĩla waumaalile, ndaatonya kũneena nao: na mamanya nĩwona woni ĩkalũnĩ: na aneena namo na moko, na ekala atatonya kũneena. 23Na kweethĩwa, yĩla matukũ meanĩie ma ũthũkũmi wake, athi nyũmba kwake.
24 #
Mwa 30.23. Na ĩtina wa matukũ asu Elisavethi mũka wake aitava; na eevitha myei ĩtano, akyasya, 25Ũũ nĩw’o Mwĩaĩi ũmbĩkĩte mĩthenya ĩla wanzyaĩĩsye, ambetee ntheko yakwa andũnĩ.
Wathani wa ĩsyawa ya Yesũ
26Na mwei wa thanthatũ mũlaĩka Kavilieli atũmwa nĩ Ngai ndũa ya Kalilii, ĩla yĩtawa Nasaleti, 27#Lk 2.5; Mt 1.16,18.kwa mwĩĩtu ũla wevaĩtw’e nĩ mũndũ wetawa Yosevu, wa mbaĩ ya Ndaviti; na syĩtwa ya mwĩĩtu ũsu nĩ Meli. 28#Asi 5.24.Na mũlaĩka athi vala waĩ, na amwĩa, Wakya, ũla wonew’e ũseo mũno, Mwĩaĩi e vamwe naku. 29Nake aũũya mũno nũndũ wa ndeto isu, na asũanĩa ũndũ ngethi ĩsu ĩtilyĩ. 30Na mũlaĩka amwĩa, Eka ũkĩa, Meli: nũndũ nĩwonew’e ũseo kwa Ngai. 31#Asi 13.3; Isa 7.14; Mt 1.21–23.Na sisya, ũkaitava, na ũkasyaa kana kavĩsĩ, na ũkaketa syĩtwa yako Yesũ. 32#Isa 9.7; 2 Sam 7.12,13,16.Nake akethĩwa e mũnene, na aketawa Mwana wa Ũla Wĩ Ĩũlũ wa Onthe: na Mwĩaĩi Ngai nũkamũnenga kĩvĩla kya ũsumbĩ kya ĩthe wake Ndaviti: 33#Mika 4.7; Nda 7.14.nake nũkasumbĩka mbaĩ ya Yakovo tene na tene; na ũsumbĩ wake ndũkethĩwa na mũminũkĩlyo. 34Na Meli amũkũlya mũlaĩka, Ũndũ ũũ ũkeekĩka ata, nakwa ndyĩsĩ mũndũ mũũme? 35#Kuma 13.12; Mt 1.18,20.Na mũlaĩka amũsũngĩa, amwĩa, Veva Mũtheu akooka ĩũlũ waku, na vinya wa Ũla Wĩ Ĩũlũ wa Onthe akakwĩkĩa muunyĩ: kwondũ wa ũu kĩla kĩtheu kĩsyawa kĩketawa Mwana wa Ngai. 36Na sisya, Elisavethi ũla wa mbaĩ yaku, nũitavĩte kavĩsĩ nake nĩ mũkũu; na ũũ nĩ mwei wa thanthatũ wake ũla wetawa ngũngũ. 37#Mwa 18.14.Nĩkwĩthĩwa kwa Ngai vai ũndũ ũtatonyeka. 38Na Meli asya, Sisya, nyie nĩ ngombo ya Mwĩaĩi; nĩwĩthĩwe kwakwa o ta ndeto syaku. Na mũlaĩka amũtia athi.
Meli aithokea Elisavethi: Wathi wa Meli
39Na matukũ asu Meli ookĩla athi mĩtũkĩ nthĩ ĩla yĩ iĩma, ndũanĩ ĩmwe ya Yutia; 40na avota nyũmbanĩ ya Nzakalia amũkethya Elisavethi. 41#Lk 1.15; Mwa 25.22.Na kweethĩwa, yĩla Elisavethi wewie ngethi ya Meli, kana kathaka ĩvunĩ yake; na Elisavethi ausũwa nĩ Veva Mũtheu; 42#Kũt 28.4; Asi 5.24.na ookĩlya wasya wake aneena mũno, akyasya, Nũathimĩtwe we katĩ wa aka, na ũsyao wa ĩvu yaku nũathimĩtwe. 43Ũndũ ũũ nata kwakwa, kana inyia wa Mwĩaĩi wakwa ambũkĩe? 44Nũndũ sisya, yĩla ngethi yaku yalika matũnĩ makwa, kana nĩkathaka nĩ mũyo ĩvunĩ yakwa. 45#Lk 1.20; 11.28.Na kũathimwa nĩ ũsu ũla wetĩkĩlile; nũndũ maũndũ ala wataviw’e nĩ Mwĩaĩi makeanĩw’a. 46Na Meli asya atĩĩ,
#
1 Sam 2.1–10. Ngoo yakwa nĩnĩũmũtaĩa Mwĩaĩi,
47Na veva wakwa nũmũtanĩe Ngai, Mũtangĩĩi wakwa.
48Nĩkwĩthĩwa asyaĩtye ũnini wa ngombo yake:
#
Lk 1.25; 1 Sam 1.11; Sav 113.5,6; Lk 11.27. Nũndũ sisya, kuma yu nzyawa syonthe ikambĩtaa mũathime.
49Nĩkwĩthĩwa ũla wĩ vinya nũmbĩkĩte maũndũ manene;
#
Sav 111.9. Na syĩtwa yake nĩ ĩtheu.
50 #
Sav 103.13,17. Na tei wake nũkwoneka nĩ nzyawa na nzyawa
Kwa ala mamũkĩaa.
51Nĩwonanĩtye vinya na kw’oko kwake;
#
Sav 89.10; 2 Sam 22.28. Na nũmanyaĩĩkĩtye ala mekwĩng’athĩlĩlya mavindyonĩ ma ngoo syoo.
52Ala anene nũmaumĩtye ivĩlanĩ sya ũsumbĩ,
#
Sav 147.6; Yovu 12.19; 5.11; 1 Sam 2.7. Na nũmanenevetye ala anini.
53 #
1 Sam 2.5; Sav 34.10; 107.9. Ala me na nzaa nũmavũnĩtye na maũndũ maseo;
Na ala athwii nũmalũngĩtye me athei.
54Nũmatethetye Isilaeli, mũthũkũmi wake,
#
Isa 41.8; Sav 98.3. Nĩ kana alilikane kũmwĩw’ĩa tei
55 #
Mika 7.20; Mwa 17.7; 18.18; 22.17. Avalaamu na ũsyao wake tene na tene
(O tondũ waneenie na aaĩthe maitũ).
56Na Meli ekala nake ta myei ĩtatũ, na asyoka kwoo.
Ĩsyawa ya Yoana Mũvatisi
57Na matukũ ma Elisavethi meanĩa ma ũsyaa; na asyaa kana kavĩsĩ. 58Na atũi make na andũ ma mbaĩ yake meew’a ũndũ Mwĩaĩi wamwingĩvĩsye tei; matana vamwe nake. 59#Mwa 17.12.Na ĩndĩ kweethĩwa mũthenya wa nyanya, mooka kwaĩka kana; na menda kũketa Nzakalia, ta syĩtwa ya ĩthe wako. 60#Lk 1.13.Ĩndĩ inyia wako asũngĩa, akyasya, Aiee, ti w’o; nĩketwe Yoana. 61Na mamwĩa, Kwa mbaa au vai wĩ na syĩtwa yĩu. 62Na mamũneen’ya ĩthe wako na moko, amon’ye ũndũ ũnũkwenda ketwe. 63Nake ametya kĩndũ kya ũandĩka, na aandĩka, Syĩtwa yako nĩ Yoana. Na onthe maseng’a. 64Na oyu kanyw’a wake wavingũwa, na ũĩmĩ wake wathaw’a, nake aneena, akĩmũkatha Ngai. 65Na onthe ala maĩ ũtũinĩ makwatwa nĩ w’ĩa na maũndũ asu manyaĩĩkw’a nthĩ yonthe ya Yutia ĩla yĩ iĩma. 66Na onthe ala meewie maũndũ asu mamaia ngoonĩ syoo, makyasya, Kana kau kakethĩwa kailyĩ ata? Nũndũ kw’oko kwa Mwĩaĩi kwaĩ vamwe nako.
Wathi wa Nzakalia
67Na Nzakalia ĩthe wako ausũwa nĩ Veva Mũtheu, na athana, akyasya,
68 #
Lk 7.16; Sav 41.13; 72.18. Mwĩaĩi, Ngai wa Isilaeli, nakathwe;
Nũndũ nũmokĩe andũ make na kũmovosya,
69 #
1 Sam 2.10; Sav 18.2; 132.17. Na nũtũkĩlĩlye ũvya wa ũtangĩĩo
Nyũmbanĩ ya Ndaviti, mũthũkũmi wake
70(Tondũ waneenie na makanyw’a ma athani make atheu ala maĩ kw’o kuma tene),
71 #
Sav 106.10. Ũtangĩĩo kuma amaithanĩ maitũ, o na mokonĩ ma onthe ala matũmenaa;
72Amon’ye aasa maitũ tei,
#
Sav 105.8; 106.45; Mwa 17.7; Ali 26.42. Na kũlilikana ũtianĩo wake mũtheu;
73 #
Mwa 22.16,17; Mika 7.20. Wĩvĩto ũla wevĩtĩe asa waitũ Avalaamu,
74 #
Tito 2.12,14. Kana, twavonoka mokonĩ ma amaitha maitũ, akatũnenga ithyĩ Kũmũthũkũma tũte na w’ĩa,
75Twĩ na ũtheu na ũlũngalu kwake mĩthenya yaitũ yonthe.
76Naku we, kana, ũkeetawa mwathani wa Ũla Wĩ Ĩũlũ wa Onthe:
#
Mal 3.1; Mt 3.3. Nũndũ ũkatongosya mbee wa Mwĩaĩi ũmũseũvĩsye nzĩa syake;
77Na kũnenga andũ make ũmanyi wa ũtangĩĩo
Kwondũ wa kũekewa naĩ syoo,
78Nũndũ wa ĩnee ĩnene ya Ngai waitũ,
#
Mot 24.17; Isa 60.1,2; Mal 4.2. Yĩla kwondũ wayo kyeni kya kũikya kyumĩte ĩũlũ nĩkĩtũvikĩe,
79Kĩmamulĩke ala mekalaa kĩvindunĩ na kyuunĩ kya kikw’ũ;
#
Mt 4.16; Isa 9.2; 58.8. Kĩtũtongoesye maũũ maitũ nzĩanĩ ya mũuo.
80 #
Mt 3.1. Na kana kaneneva, kakyongelwa vinya vevanĩ, na kekalaa kũla kũte andũ kũvika mũthenya wa kumĩla kwake kwa Isilaeli.
Currently Selected:
Luka 1: Mbivlia
Highlight
Share
Copy
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
