YOANA 12
12
Yesũ aivakwa maũũ mauta nĩ Meli ndũanĩ ya Vethania
(MATHAYO 26.6–13; MALIKO 14.3–9)
1 #
Yoa 11.1,43. Na vatiele mĩthenya thanthatũ vasaka ũvike, Yesũ athi Vethania, vala Lasalo watwĩe, ũla wathayũũkiw’e nĩ Yesũ kuma kwa akw’ũ. 2#Lk 10.40.Na mamũseũvĩsya lĩu kw’o: na Matha nĩwe wanenganae lĩu; ĩndĩ Lasalo aĩ ũmwe wa ala mailyĩ nthĩ makĩya nake. 3#Lk 7.38.Na ĩndĩ Meli oosa latili ũmwe wa mauta matheu, me vata mũnene mũno, na amũvaka Yesũ maũũ, na amanyasya maũũ make na nzw’ĩĩ syake: na nyũmba yausũa mũuke wa ala mauta. 4Ĩndĩ mũmanyĩw’a ũmwe wake, wetawa Yutasi Isikalioti, ũla wĩmũvũnyanĩa, asya, 5Nĩkĩ mauta mateĩ matewa silingi maana atatũ, ikanengwa ngya? 6#Lk 8.3.Ndaasya ũũ, nũndũ wa kũsyĩw’ĩa ngya tei; ĩndĩ nũndũ aĩ kĩng’ei, na aĩ mũkui wa ngusu, na akyũya kĩla kyeekĩawa vo. 7Na ĩndĩ Yesũ asya, Mũekei: ambĩka ũu ũndũ wa mũthenya ũla nĩthikwa. 8#Kũt 15.11.Nũndũ ngya mwĩ nasyo mavinda onthe; ĩndĩ nyie mũi nakwa mavinda onthe.
9Na ĩndĩ nguthu ya Ayuti yamanya kana e kw’o, yooka, na ti ũndũ wa Yesũ weka, ĩndĩ nĩ kana ĩmwone Lasalo nake, ũla wathayũũkiw’e nĩ Yesũ kuma akw’ũnĩ. 10Ĩndĩ athembi anene masaman’ya mamũae Lasalo nake; 11nũndũ andũ aingĩ maumie kwa Ayuti kwondũ wake, mamwĩtĩkĩla Yesũ.
Kũlika kwa ndaĩa kwa Yesũ Yelusaleme
(MATHAYO 21.1–11; MALIKO 11.1–11; Luka 19.28–40)
12Na ũnĩ ũsu nguthu nene ĩla yaĩ ĩnavika mbokanĩ, yeew’a kana Yesũ nũnũkũka Yelusaleme, 13#Sav 118.25,26.yoosa matũ ma makĩndũ, na yathi ũmũthaũa, na yookĩlya mawasya mũno, ĩkyasya, Hosana: Nĩ mũathime ũla wũkĩte syĩtwanĩ ya Mwĩaĩi, nĩwe Musumbĩ wa Isilaeli. 14#Nzek 9.9.Na Yesũ oona ndena ya ĩng’oi, na amĩtũla; o ũndũ kũandĩkĩtwe, 15Ndũkakĩe, mwĩĩtu wa Saioni: sisya, Mũsũmbĩ waku mwũkĩte, atũlĩte ndena ya ĩng’oi. 16#Yoa 7.39.Maũndũ asu amanyĩw’a make maiaamanya mbee: ĩndĩ yĩla Yesũ wesie kũtaĩwa, nĩvo malilikanile kana maũndũ asu nĩmaandĩkĩtwe ũndũ wake, na mamwĩkie o maũndũ asu. 17Na indĩ nguthu ĩla yaĩ nake yĩla wamwĩtie Lasalo aume mbũanĩ na amũthayũũkya kwa akw’ũ, nĩyakũsĩĩaa. 18Na kwondũ wa ũu nguthu yaendie kũmũthaũa, nũndũ nĩyeewie kana nũneekie kyama kyu. 19#Yoa 11.48.Na ĩndĩ Avalisi masya ene kwa ene, Sisyai mũti ũndũ mũtonya; onai, nthĩ nĩendete ĩmũatĩĩe.
Ũndũ Akiliki metĩsye
20 #
Yoa 7.35; 11.55. Na kwaĩ Akiliki amwe katĩ wa ala mambatie kũthaitha mbokanĩ: 21#Yoa 1.44; Lk 19.3; 23.8.namo mathi vala ve Vilivu, ũla ũtwĩe Vethisaita, nthĩ ya Kalilii, na mamũkũlya, makyasya, Vwana, nĩtũkwenda kũmwona Yesũ. 22Na Vilivu athi amũtavya Andalea: na Andalea athi. E na Vilivu, na mamũtavya Yesũ. 23Na Yesũ amasũngĩa, akyasya, Saa nĩ mũviku yu Mwana wa mũndũ kũtaĩwa. 24#Alo 14.9; 1 Ako 15.36.Nĩ w’o, nĩ w’o, nĩngũmwĩa, Keka mbeke ya nganũ ĩnĩũvalũka mũthanganĩ na ĩikw’a, ĩkalaa ĩyoka; ĩndĩ yakw’a, ĩsyaaa ũsyao mwingĩ. 25#Mt 10.39; Lk 14.26; 17.33.Ũla wendaa thayũ wake nũnũkũwasya; na ũla ũmenaa thayũ wake e kũũ nthĩ akoosũvia kũvika thayũ ũtathela. 26#Yoa 14.3; 17.24.Ethiwa mũndũ o na wiva nũnũũnthũkũma, nambikĩle; na vala nĩĩ, nĩvo mũthũkũmi wakwa nake ũkethĩwa: ethĩwa mũndũ o na wĩva akanthũkũma, akataĩwa nĩ Asa. 27#Sav 6.3; 42.5; Mt 26.38.Na yu ngoo yakwa nĩnĩkũũũya; na nĩasya ata? Asa, ndangĩĩa kuma saanĩ ũũ. Ĩndĩ kwondũ wa ũu nĩnookie kũvĩkĩa saa ũũ. 28#Yoa 1.51; 5.37; Mt 3.17; 17.5.Asa, taĩa syĩtwa yaku. Na ĩndĩ kwauma wasya ĩtunĩ, ũkyasya, Nĩnayĩtaĩa, na ngayĩtaĩa ĩngĩ. 29#Lk 22.43.Na ĩndĩ nguthu ĩla yaũngeme vo, yeew’a, yasya kana nĩkwatunduma: angĩ masya, Nĩ mũlaĩka waneena nake. 30Yesũ asũngĩa na asya. Wasya ũsu ndũnoka kwondũ wakwa, ĩndĩ nũndũ wenyu. 31#Yoa 14.30; 16.11; Lk 10.18.Oyu ũsililo wa nthĩ ĩno wĩ kw’o: oyu mũnene wa nthĩ ĩno akekw’a nza. 32#Yoa 8.28.Nakwa, nookĩlw’a ĩũlũ wa nthĩ, ngakusya andũ onthe kwakwa. 33Aasya ũu, akyonan’ya kĩkw’ũ kĩla wĩkw’a. 34#Sav 110.4; Isa 9.7; Nda 7.14.Ĩkomano yamũsũngĩa, Ĩthyĩ nĩtwĩw’ĩte mĩaonĩ kana Klĩsto ekalaa tene na tene: naku wĩasya ata, Ũla Mwana wa mũndũ mũvaka okĩlw’e? Mwana ũsu wa mũndũ nũũ? 35#Yoa 8.12; 9.5; 11.10.Na ĩndĩ Yesũ amea, Kũtiele ĩvinda ĩnini kyeni kĩ katĩ wenyu. Endai ĩvinda yĩla mwĩ na kyeni, nĩ kana kĩvindu kĩikamũkitye: na ũla ũendelaa kĩvindunĩ ndesĩ kũla ũnũũthi. 36#Aev 5.8; Mt 23.39.Yĩla mwĩ na kyeni, ĩtĩkĩlai kyeni nĩ kana mwĩthĩwe ana ma kyeni.
Ũlei nthĩnĩ wa Yutia, na anene ala metĩkĩlĩte kĩmbithĩ
Yesũ aneena maũndũ asu, na athi amevitha. 37O na kau nĩwekie syama mbingĩ mbee wamo, ĩndĩ matyaamwĩtĩkĩla: 38nĩ kana ndeto yĩanĩw’e, ĩla yaneeniwe nĩ mwathani Isaia, akyasya,
Mwĩaĩi, nũũ ũla wetĩkĩlile ũvoo ũla twaetie?
#
Isa 53.1; Alo 10.16. Na kw’oko kwa Mwĩaĩi kwavuanĩw’e ũũ? 39Na nũndu wa ũu maiaatonya kwĩtĩkĩla, nũndũ Isaia nĩwaneenie ĩngĩ, akyasya,
40Nĩwamatw’ĩkĩthisye ililinda, na amomya ngoo syoo;
Maikese kwona na metho moo, na kũmanya na ngoo syoo,
Makaelyũla,
#
Isa 6.9,10; Mt 13.14,15. Nakwa ngamavosya. 41#Isa 6.1.Isaia aneenie maũndũ asu, nũndũ nĩwonie ũtheu mũtisu wake: na aneena ũndũ wake. 42#Yoa 7.48; 9.22.Ĩndĩ o na aingĩ ma anene nĩmamwĩtĩkĩlile; ĩndĩ kwondũ wa Avalisi maiaamumbũla, maikalũngw’e ĩsinakokenĩ; 43#Yoa 5.44.nũndũ nĩmendaa ndaĩa ya andũ mbee wa ndaĩa ya Ngai
Ũkũvĩ wa momanyĩsyo ma Yesũ ũtheinĩ
44 #
Mt 10.40. Yesũ ookĩlya wasya mũnene na asya, Ũla ũmbĩtĩkĩlaa, tii nyie wĩtĩkĩlĩte, ĩndĩ nĩ ũla wandũmie. 45#Yoa 14.9.Na ũla ũnzyaasya nyie amũsyasya ũla wandũmie. 46#Yoa 8.12; 12.35.Nĩnũkĩte kũũ nthĩ ni kyeni, ni kana ũla ũmbĩtĩkĩlaa ndakekale kĩvindunĩ. 47#Yoa 3.17; 8.15; Lk 9.56.Na ethĩwa mũndũ o na wĩva nũkwĩw’a ndeto syakwa, na ndekwikwata, ndiũmũsilĩla: nũndũ ndyaaũka nĩsilĩle nthĩ, ĩndĩ nĩ kana nĩtangĩĩe nthĩ. 48#Aevl 4.12; Ũvu 19.15.Ũla ũnũũndea, na ndeũkwata ndeto syakwa, e na ũla ũnũũmũsilĩla: ndeto ila naneena, nĩyo ĩkamũsilĩla mũthenya wa mũminũkĩlyo. 49Nũndũ ndyaaneena ũndũ wumĩte kwakwa mwene; ĩndĩ Asa ũla wandũmie, nĩwendaĩe, ũndũ ngasya, na ũndũ nganeena. 50#Yoa 8.26,28.Nakwa nĩnĩsĩ kana mwĩao wake nĩ thayũ ũtathela; na kwondũ wa ũu maũndũ ala ngũneena, o ũndũ Asa wambĩie, nĩw’o nĩneenaa.
Currently Selected:
YOANA 12: Mbivlia
Highlight
Share
Copy
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
