YOANA 13
13
Yesũ aithambya amanyĩw’a maũũ
1 #
Yoa 7.30; 8.20; 15.13; Aka 2.20; 1 Yoa 3.16. Na mboka ya vasaka ĩtanavika, Yesũ nĩwesĩ kana saa wake nĩ mũviku aume kũũ nthĩ athi kwa Asa, na kwa kwĩthĩwa nĩwamendie ala make me kũũ nthĩ, amendie kũvika mũminũkĩlyo. 2#Lk 22.3.Na makĩya lĩu wa wĩoo, ndevili amina kwĩkĩa ngoonĩ ya Yutasi Isikalioti, mwana wa Simoni, kũmũvũnyanĩa, 3#Yoa 3.35; 16.28; 17.2.na Yesũ nĩwesĩ kana Ĩthe nĩwamũnengie maũndũ onthe mokonĩ make, na kana nĩwaumie kwa Ngai, na ethi kwa Ngai, 4#Mt 11.29; 20.28; Lk 12.37.ookĩla lĩunĩ, na aia ngũa syake ũtee; na oosa kĩtambaa, na eevotoa. 5Na ĩndĩ eekĩa manzĩ ĩsaaninĩ ĩnene, na ambĩlĩlya kũmathambya amanyĩw’a make maũũ, na amanyasya na kĩtambaa kĩla wevotoete. 6#1 Vet 5.3.Na avika vala ve Simoni Vetelo. Na amwĩa, Mwĩaĩi, wĩnthambya maũũ makwa? 7Yesũ amũsũngĩa na amwĩa, Ũndũ ngwĩka ndũũmanya yu; ĩndĩ ũkamanya ĩtina. 8#Yoa 13.12.Vetelo amwĩa, Ndwĩnthambya maũũ makwa o na ĩndĩĩ. Na Yesũ amũsũngĩa, Ethĩwa ndiũthambya, ndwĩ na kĩanda nakwa. 9Simoni Vetelo amwĩa Mwĩaĩi, ti maũũ oka, ĩndĩ nthambya o na moko na mũtwe. 10#Yoa 15.3.Yesũ amwĩa, Ũla ũthambĩte nde na vata ate o kũthambya maũũ, ĩndĩ ni mũtheu kw’onthe: na inyw’ĩ mwĩ atheu, ĩndĩ ti inyw’onthe. 11#Yoa 6.64,70,71.Nũndũ nĩwesĩ ũla ũnũũmũvũnyanĩa; na nũndũ wa ũu aisye, Mũi atheu inyw’onthe.
12Na ĩndĩ amathambya maũũ, oosa ngũa syake, na ekala nthĩ, amea Nĩmwĩsĩ ũndũ namwĩka? 13#Mt 23.8,10.Inyw’i mwĩmbĩta, Mũmanyisya, na Mwĩaĩi: na mwĩasya nesa; nũndũ nĩw’o ninyie. 14#Lk 22.27; 1 Tim 5.10.Ĩndĩ ethĩwa nyie, Mwĩaĩi na mũmanyĩsya, namũthambya maũũ menyu, inyw’ĩ nenyu, nĩmwaĩlwe nĩ kũthamban’ya maũũ. 15#Avi 2.5; Ako 3.13; 1 Vet 2.21.Nũndũ nĩnamwon’ya ngelekan’yo, nĩ kana ũndũ namwĩka nenyu mwĩkanae o ta ũu. 16#Mt 10.24.Nĩ w’o, nĩ w’o, nĩngũmwĩa, Ngombo ti nene kwĩ vwana wayo; o na ũla ũtũmĩtwe ti mũnene kwĩ ũla ũmũtũmĩte. 17#Mt 7.24; Yak 1.25.Ethĩwa nĩmwĩsĩ maũndũ aa, mwĩ aathime ethĩwa nĩmũũmeka. 18#Sav 41.9.Ndiũmũweta inyw’onthe: nĩnĩsĩ ala nanyuvie: ĩndĩ nĩ kana maandĩko meanĩw’e, Ũla ũnũũya lĩu nakwa nũnũũmbũkĩlĩlya kĩtiinyo kyake ĩũlũ wakwa. 19#Yoa 14.29.Kuma yu nĩmũtavya mbee wa ũtanekĩka, ni kana weekĩka, mwĩthiwe o mwĩtĩkĩle kana ninyie we. 20#Mt 10.40.Ni w’o, nĩ w’o, nĩngũmwĩa, Ũla ũmwosaa ũla ndũmaa embosa nyie; na ũla ũmbosaa nyie emwosa ũla wandũmie.
Yesũ aionan’va mũmũvunyanĩi
(MATHAYO 26.20–25; MALIKO 14.17–21; Luka 22.21–23)
21 #
Yoa 12.27. Na Yesũ amina ũneena ũu, aũũya vevanĩ, na akũsĩĩa, asya, Ni w’o, ni w’o, nĩngũmwĩa, kana ũmwe wenyu akambũnyanĩa. 22Na ĩndĩ amanyĩw’a make masyaan’ya, me na nzika mateũmanya ũla ũnũũwetwa. 23#Yoa 19.26; 20.2; 21.7,20.Na mesanĩ kwaĩ ũmwe wa amanyĩw’a make, ũla wendetwe nĩ Yesũ, aĩĩe kithũini kya Yesũ. 24Na kwondũ wa ũu Simoni Vetelo amwon’ya na kw’oko, amwĩa, Tũtavye nũũ ũla ũnũũweta. 25Nake amwaĩĩe Yesũ kĩthũinĩ, o ũndũ wailyi, amũkũlya, Mwĩaĩi, nũũ? 26Yesũ amũsũngĩa, Ũla ngũindĩa kyenyũ kya kĩmũtũ, na kũmũnenga, nĩ ũsu. Na ainda, amũnenga Yutasi, mwana wa Simoni Isikalioti. 27#Yoa 13.2.Na ĩtina wa kwosa kĩla kĩlungu, avotwa nĩ Satani. Na ĩndĩ Yesũ amwĩa, Ũndũ ula ũkwĩka, ĩka mĩtũkĩ. 28Na vaiaĩ mũndũ wa ala mailyĩ mesanĩ waamanya nũndũ wa kĩ waneena nake ũu. 29#Yoa 12.6.Nĩkwĩthĩwa Yutasi akuaa mũvuko, amwe masũanĩa kana Yesũ amwia, Thooa syĩndũ ila twĩ vata nasyo sya mboka; kana anenge ngya kĩndũ. 30Nake oosa kĩla kĩlũngu kya kĩmũtũ aumaala kavinda o kau: na kwaĩ ũtukũ.
Mwĩao mweũ wa wendo
31Na ĩndĩ ũsu aumaala, Yesũ asya, Yu Mwana wa mũndũ nũnũũtaĩwa, na Ngai nũnũũtaĩwa nthĩnĩ wake; 32#Yoa 12.23; 17.1–5.na Ngai akamũtaĩa nthĩnĩ wake mwene, na akamũtaĩa mĩtũkĩ. 33#Yoa 7.33; 8.21.Syana nini, vatiele ĩvinda ĩnini nĩ vamwe nenyu. Mũkamantha: na tondũ nameie Ayuti, Kũla nĩthi, mũtitonya kũka; ta ũu yu nĩngũmwĩa inyw’ĩ. 34#Yoa 15.12,13,17; 1 Yoa 2.8,10.Nĩngũmũnenga mwĩao mweũ, atĩ mwendane inyw’ĩ kwa inyw’ĩ; o ũndũ namwendie, nenyu mwĩthĩwe mũkyendana o w’o. 35Na kwondũ wa ũu andũ onthe makamanya kana mwĩ amanyĩw’a makwa, ethĩwa mwĩthĩwa na wendo ĩnyw’ĩ kwa inyw’ĩ.
Kũkaĩa kwa Vetelo kũyathanwa
(MATHAYO 26.31–35; MALIKO 14.27–31; Luka 22.31–34)
36 #
Yoa 7.34; 21.18,19. Simoni Vetelo amũkũlya, Mwĩaĩi, wĩthi kũ? Yesũ amũsũngĩa, Kũla ngũthi, ndũtonya ũmbikĩla yu; ĩndĩ ũkambikĩla ĩtina. 37Vetelo amwĩa, Mwĩaĩi, nditonya ũkũvikĩla oyu nĩkĩ? Thayũ wakwa nĩngũwia nthĩ kwondũ waku. 38Yesũ amũsũngĩa, Ũkaia thayũ waku nthĩ kwondũ wakwa? Nĩ w’o, nĩ w’o, nĩngũkwĩa, Nzamba ĩtanamba kwasya ũkangaĩa katatũ.
Currently Selected:
YOANA 13: Mbivlia
Highlight
Share
Copy
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
