YOANA 14
14
Nzĩa ya kũthĩ kwi Asa
1 #
Yoa 14.27; Mko 11.22. Ngoo syenyu itikaũũye: mũĩkĩĩei Ngai, na mũindĩkĩĩa nyie. 2Nthĩnĩ wa nyũmba ya Asa kwĩ mawĩkalo maingĩ; na kethĩwa ti ũu, nĩthĩwa namũtavisye; nũndũ nĩngũthi ũmũseũvĩsya vandũ. 3#Yoa 12.26; 17.24.Nakwa nathi ũmũseũvĩsya vandũ, ngooka ĩngĩ, na ngamwosa inyw’ĩ mwĩthĩwe kwakwa; nĩ kana vala nĩĩ, nenyu mwĩthĩwe vo. 4Na kũla nĩthi, nĩmwĩsĩ nzĩa. 5Thoma amwĩa, Mwĩaĩi, tũtesĩkũla wĩthi; twĩsĩ nzĩa ata? 6#Aevl 10.20; Mt 11.27; Yoa 11.25; Alo 5.1,2.Yesũ amwĩa, Nyie ninyie nzĩa, na ninyie w’o, na ninyie thayũ: vai mũndũ wũkaa kwa Asa, atesĩle kwakwa. 7Kethĩwa nĩmwamanyie nyie, mwĩthĩwa mwamũmanyie Asa nake: na kuma yu nĩmũmwĩsĩ, na nĩmũwonete. 8Vilivu amwĩa, Mwĩaĩi, twon’ye Asa, na nĩw’o twĩĩanĩwa. 9#Yoa 12.45; Aevl 1.3; Mt 17.17.Yesũ amwĩa, Nai vamwe nenyu ĩvinda yĩu yonthe, na ndũmbĩsĩ, Vilivu? Ũla wambonie nĩwamwonie Asa; wĩasya ata ĩndĩ, Twon’ye Asa? 10#Yoa 12.49.Ndwĩtĩkĩlĩte kana nyie nĩ nthĩnĩ wa Asa, na Asa e nthĩnĩ wakwa? Ndeto ila ngũmũtavya ndiũneena kuma kwakwa: ĩndĩ Asa ũla ũtwie nthĩnĩ wakwa, nĩwe ũtethasya mawĩa make. 11#Yoa 14.20; Yoa 10.25,38.Mbĩtĩkĩlai kana nyie nĩ nthĩnĩ wa Asa, na Asa e nthĩnĩ wakwa: kana ethĩwa ti ũu, mbĩtĩkĩlai kwondũ wa ala mawĩa e mo. 12#Mko 16.19,20.Nĩ w’o, nĩ w’o, nĩngũmwĩa, Ũla ũmbĩtĩkĩlaa, mawĩa ala ngwĩka nyie, nake akameka; na akeeka mawĩa manene kũvĩta aa; nũndũ nĩngũthi kwa Asa. 13#Yoa 15.7; Mko 11.24; 1 Yoa 5.14.Na ũndũ o na wĩva w’onthe ũla mwĩvoya syĩtwanĩ yakwa, ngawĩka, nĩ kana Asa ataĩwe nthĩnĩ wa Mwana. 14#Yoa 16.23,24.Ethĩwa mũkavoya ũndũ o na wĩva syĩtwanĩ yakwa, ngawĩka.
Kwathanwa kwa Veva Mũtheu
15 #
Yoa 15.10; 1 Yoa 5.3. Ethĩwa nĩmũmbendete, mũkakwataa mĩao yakwa. 16#Yoa 14.26; 15.26; 16.7; 1 Yoa 2.1.Nakwa ngamũvoya Asa, nake akamũnenga Mũtetheesya ũngĩ, ethĩwe nenyu mavinda onthe, 17#Yoa 7.39; 16.13; Mt 10.20; Alo 8.26.nake nĩwe Veva wa w’o: ũla nthĩ ĩtatonya kũmwosa; nũndũ ndĩmwonaa, o na ndĩmwĩsĩ: ĩndĩ inyw’ĩ nĩmũmwĩsĩ; nũndũ ekalaa nenyu, na akeethĩwa e nthĩnĩ wenyu. 18Ndikamũtia ta syana ndiwa: ngooka vala mũĩ. 19#Yoa 16.16.Kũtiele ĩvinda ĩnini, na nthĩ ndĩkambona ĩngĩ; ĩndĩ inyw’ĩ nimũũmbona: nũndũ nyie nĩ thayũ, ĩnyw’ĩ nenyu mũkeethĩwa mwĩ thayũ. 20#Yoa 17.21–23.Mũthenya ũsu mũkamanya kana nyie nĩ nthĩnĩ wa Asa, na inyw’ĩ mwĩ nthĩnĩ wakwa, nakwa nĩ nthĩnĩ wenyu. 21#2 Ako 3.18; 1 Yoa 5.3.Ũla wĩ na mĩao yakwa, na ũmĩkwataa, ũsu nĩwe ũmbendete: na ũla ũmbendete akendwa nĩ Asa, nakwa ngamwenda na ngeeyonan’ya kwake. 22#Meko 10.41.Yutasi (eka Isikalioti) amwĩa, mwĩaĩi, kũilyĩ ata ũkwĩyonan’ya kwitũ, ũtekwĩyonan’ya kwa nthĩ? 23#Yoa 13.34; 14.21; Nth 8.17; Mt 18.20; 28.20; Aev 3.17; 2 Ako 6.16.Yesũ asũngĩa na amwĩa, Ethĩwa mũndũ nũmbendaa, akakwataa ndeto yakwa: na Asa wakwa akamwenda, naitũ tũkooka vala ũĩ, tũtũae kwake. 24#Yoa 7.16; 1 Yoa 2.5.Ũla ũtambendaa ndakwataa ndeto syakwa; na ndeto ĩla mũkwĩw’a ti yakwa, ĩndĩ nĩ ya Asa ũla wandũmie.
25Maũndũ aa namũtavya, ĩvinda yĩĩ nĩilyĩ nenyu. 26#Yoa 14.16; Mt 10.19.Ĩndĩ ũla Mũtetheesya, nake nĩ Veva Mũtheu, ũla Asa wĩmũtũma syĩtwanĩ yakwa, akamũmanyĩsya maũndũ onthe, na akamũlilikan’ya maũndũ onthe ala namũtavisye. 27#Yoa 14.1; 16.33; Avi 4.7.Nĩmũtiĩa mũuo; mũuo wakwa nĩmũnenga inyw’ĩ: ndiũmũnenga ũndũ nthĩ ĩnenganae. Ngoo syenyu itikaũũye, o na itikethĩwe na w’ĩa. 28#Yoa 14.3,6,18; Lk 24.52.Nimweewie ũndũ namwĩie, Nĩngũthi, na ngooka vala mũĩ. Kethĩwa nĩmwambendie, mwĩthĩwa mwatana, nũndũ nĩngũthi kwa Asa: nũndũ Asa nĩ mũnene kwĩ nyie. 29#Yoa 13.19.Na yu namũtavya ũtanamba kwĩkĩka, nĩ kana wekĩka, mwĩĩtĩkĩla. 30#Yoa 12.31; Aev 2.2.Na kuma yu ndikaneena nenyu mũno, nũndũ mũnene wa nthĩ nũnũkũka: na nde na ũndũ nthĩnĩ wakwa; 31#Yoa 10.18; Mt 26.46; Mko 14.42.ĩndĩ nĩ kana nthĩ ĩmanye kana nĩnĩmwendete Asa, na ũndũ Asa wendaĩe, nĩw’o nĩkaa. Ũkĩlai, tũthi.
Currently Selected:
YOANA 14: Mbivlia
Highlight
Share
Copy
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
