MWAMBĨLĨLYO 15
15
Ũtianĩo wa Ngai na Avalamu
1Ĩtina wa maũndũ asu ndeto ya Yeova yamũkĩa Avalamu woninĩ, ĩkĩmwĩa, Ndũkakĩe, Avalamu: ninyie ngao yaku, na ĩtuvi yaku ĩnene mũno mbee. #Mwa 26.24; Sav 3.3; 18.2; Lk 1.13,30; Aevl 11.6. 2Na Avalamu akũlya, Ame Mwĩaĩĩ Yeova, ũkanenga kĩ, nĩkwĩthĩwa nĩendaa nde mwana, na ũla ũkethĩwa e mwene wa nyũmba yakwa nĩ Elieseli wa Ndamasiku? 3Na Avalamu amwĩa, Nĩ w’o, ndwaanenga ũsyao: na, sisya, ũmwe wasyaĩwe nyũmbanĩ yakwa nĩ mũtiĩwa wakwa. #Mwa 14.14. 4Na, sisya, ndeto ya Yeova yamũkĩa, ĩkĩmwĩa, Mũndũ ũsu ndakethĩwa mũtiĩwa waku; ĩndĩ ũla ũkauma kĩnyunyunĩ kyaku mwene nĩwe ũkethĩwa mũtiĩwa waku. #Mwa 17.16. 5Na amumaalya nza, na amwĩa, Sisya yu kwelekela ĩtunĩ, ũtale ndata, ethĩwa nũtonya kwitala: na amwĩa, Ũsyao waku ũkeethĩwa o ta ũu. #Mwa 22.17; Kuma 32.13; Sav 147.4; Alo 4.18; Aevl 11.12. 6Nake aĩkĩĩa Yeova; nake amũtalĩla ũndũ ũsu kwĩthĩwa ũlũngalu. #Sav 106.31; Alo 4.3,9,22; Aka 3.6; Yak 2.23. 7Na amwĩa, Ninyie Yeova ũla nakumisye Ulu wa Akalitei, nĩkũnenge nthĩ ĩno ũtiĩwe yo. #Mwa 11.31; 12.1. 8Na akũlya, Ame Mwĩaĩĩ Yeova, nĩmanya ata kana ngatiĩwa yo? #Asi 6.17; 2 Asu 20.8; Isa 7.11–13; Lk 1.18. 9Nake amwĩa, Mbosea moi ya myaka ĩtatũ, na mbũi nga ya myaka ĩtatũ, na ndũũme ya myaka ĩtatũ, na ndumbũ, na ĩswii ya ĩvũĩ. 10Na eeyosea ii syonthe, na aatũan’ya katĩ, na aia kĩla nyunzu yelekele ĩla ĩngĩ: ĩndĩ nyũnyi ndaatũan’ya. #Ali 1.17; Yel 34.18,19. 11Na ndei syatheeea ila nyama, na Avalamu ailũngya.
12Na syũa yĩkĩthũa, Avalamu akwatwa nĩ too mũnene; na, sisya, w’ĩa mũnene wa kĩvindu kĩnene wamũkwata. #Mwa 2.21. 13Nake amwĩa Avalamu, Manya vyũ kana ũsyao waku ũkeethĩwa mũeni nthĩ ĩte yoo, na makamathũkũma: na makamathĩn’ya myaka maana ana; #Kuma 1.11,12; 12.40; Meko 7.6. 14o na mbaĩ ĩsũ, ĩla makathũkũma, ngamĩsilĩla: na ĩtina makauma na ũthwii mwingi. #Kuma 6.6; 12.36; Meko 7.7. 15Ĩndĩ, we, ũkathi kwa aasa maku na mũuo; ũkathikwa wĩ na ũtumĩu mũseo. #Mwa 25.8. 16Na nzyawanĩ ya kana makasyoka kũũ ĩngĩ: nũndũ ũthũku wa Mũamoli ndũnamba kwĩanĩa. #1 Asu 21.26; Amo 2.9; Mt 23.32; 1 Ath 2.16. 17Na kweethĩwa, syũa yathũa, na kwaya kĩvindu, sisya, iko yĩ syũki, na kĩsinga kyakanu kyavĩtĩla katĩ wa myondo ĩsu. 18Mũthenya ũsu Yeova atianĩa ũtianĩo na Avalamu, akĩmwĩa, Nĩnanenga ũsyao waku nthĩ ĩno, kuma ũsĩ wa Misili kũvika ũsĩ mũnene, ũsĩ wa Euvalati: #Mwa 12.7; 13.15; Kuma 23.31; Kũt 1.7; Yos 1.4; Nee 9.8; Isa 27.12. 19Mũkeni, na Mũkenisi, na Mũkatimoni, 20na Mũititi, na Mũvelisi, na Mulevai, 21na Mũamoli, na Mũkanaani, na Mũngilikasi, na Mũyevusi.
Currently Selected:
MWAMBĨLĨLYO 15: Mbivlia
Highlight
Share
Copy
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
