ZABURI 147
147
Ogotogia Nyasae ore Omobui
1Motogie Omonene!
Nigo ere buya komoterera Nyasae oito ase okomotogia,
ayio naro amaya mono na atogwenerete.
2Omonene naagache Yerusalemu naende,
nasangererie amo Abaisraeli abwo baserebanetigwe.
3Nigo akogwenia abwo chinkoro chiabo chiasionoirwe,
na koboa amaote abo.
4Nigo amanyete omobaro bwe ching’enang’eni chionsi;
boigo kera eyemo nigo ayerogete erieta.
5Omonene oito nigo are omonene mono,
ne chinguru chiaye nechinyinge;
obong’aini bwaye tibokorengeka.
6Omonene nigo akoimokereria abanto abaitongo igoro,
korende abakori amabe nigo akobaiyeria inse.
7Moterere Omonene na komoiraneria ng’a mbuya mono;
bugeria Nyasae oito amakano namariogi amaya!
8Omonene nigo agotuba igoro namare,
bwariganeria ense embura,
nigo akomeria obonyansi ase ebitunwa.
9Nere okoa ching’iti chionsi endagera yabo,
naende orageria amage ’ebigonkoru ekero akorera.
10Omonene tagokiri ne chinguru chie chibarasi,
gose ase omoayerero bw’omonto,
11korende nigo agokirie nabanto abwo bamoirogete,
abwo basemeretie obwanchani bwaye bogendererete botambe.
12Aye Yerusalemu, togia Omonene!
Aye Sayoni, togia Nyasae oo!
13Ere nigo agokong’ia emekorogoto y’ebiita biaino;
nigo agosesenia abana bamenyete ime yao.
14Omonene nigo akobeka omorembe oba ase chimbebe chiao,
naende nigo agoichoria engano ere engiya mono.
15Nigo agotoma amachiko aye gocha ase ense,
ne ring’ana riaye riaranda bwango.
16Ere nigo akorenta amagena ’embura agwekaine amarionya amarabu,
oyasiarera buna agosiara ribu.
17Nigo agosiarera amagena ayio buna amaemba enkomba.
Ning’o oraremererie obokendu bwaye?
18Nigo agotoma ring’ana riaye,
na amagena ayio amakendu anyititoke.
Erio ogusia embeo amache agenda.
19Ere nigo akomanyia abanto ba Yakobo ring’ana riaye,
ee, Abaisraeli emeroberio yaye na amachiko aye.
20Omonene tana‐gokorera abanto b’ebisaku binde amang’ana buna ayio,
barabwo tibamanyeti amachiko aye.
Motogie Omonene!
Currently Selected:
ZABURI 147: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
