EMERENG’ANIO 5
5
Ogokurerwa gw’okwanga obonyaka
1Omwana one, tegerera oigwe obong’aini bwane! Igwera okomanya kwane! 2Erio nario oramanye korenda ebirengererio biao, na ebikoba biao birende chisemi. 3Ebikoba bi’omokungu omonyaka nigo bigotonyia ayare amansu buna obooke, na omonwa oye nigo ore omoterere kobua amaguta akweakwa. 4Korende omoerio bw’omokungu oyio nigo ore omororo buna ekemeri ekeroro, na omwoge buna omoyio o birende otieririe chinsemo chionsi ibere. 5Amagoro aye nigo akoraa gochia ase amakweri, na amatambokero aye araa gochia aase abakure. 6Ere tari gotaara enchera ekogenda ase obogima; orogendo rwaye nigo rokona‐koonchaonchoka, ere tamanyeti ayio.
7Ase ayio, inwe abana baane, ntegerere; timobaisa gotiga amang’ana aane.
8Erende obeere aare korwa ase omokungu oyio; tobaisa goika ang’e negesieri ki’enyomba yaye. 9Oise gokora bo, nigo orae abanto abaao amasikani ao, na emiaka yao ebaise konachwa nabanto batari namabera. 10Naende abanto abaao nigo baraire chinibo chiao chionsi, na bionsi ebi gwakoreire emeremo biirwe nabanto abwo. 11Omoerio oye norere, obokie amagombo ekero chinyama chi’omobere oo chiaerire, 12notebe, “Naki nakorete nkagecha ogokurerwa, na enkoro yane egachaya okorongeigwa! 13Tinaigwerete amorokererio ’aborokia baane, gose tinategererete koigwera abarenge konyorokereria. 14Nigo nabete ang’e gosira kegima ase egati y’omoganda osangererekanete.”
15Kanywe amache okobucha korwa ase egesima kiao, na aya agosoka korwa ase ensoko yao. 16Inee! Chinsoko chiao nchigwenerete gwesiarera gochia aare, ne chindooche chiao chi’amache ase chinchera? 17Tiga chinsoko echio chibe echiao aye bweka na tari echi’abanto abaao. 18Tiga ensoko yao esesenigwe, naye ogokere omokungu bw’oboke bwao, 19oyore buna ensune eyanchire na buna engabi ensiani. Tiga obosiani bwaye bokong’use, na ogokigwe nere chingaki chionsi. Obwanchani bwaye tiga bokogokie kogenderera. 20Omwana one, nase ki okogokigwa nomokungu omonyaka? Nase ki okoboania omokungu bw’omonto omoao? 21Chinchera chi’omonto nigo chirorekanete maiso marore ase Omonene, na Omonene nigo arigereretie ogokora kwaye gwonsi. 22Ebibe bi’omokori amabe nigo bikomobwata omonyene; nasibwe ne chingori chire ebibe biaye. 23Omonto oyio nigo arakwe, ekiagera angete ogokurerwa, na ase engencho y’oboriri bwaye obonene nasire.
Currently Selected:
EMERENG’ANIO 5: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
