OMOBARO 7
7
Abatang’ani bakorua ebiegwa
1Ase rituko riria Musa konya akoorire gotenenia Obomenyo Obochenu naende kaboakire amaguta na kobwatanana amo nebinto biaye bionsi, naende gakoorire gwatanana egesasimero na ebikorero biaye, 2abatang’ani b’Abaisraeli, abwo barenge abateneneri igoro ase baria babaretwe, 3bakarentera Omonene okoruegwa kwabo. Bakarua chigari isano nemo chitubire, ne chiombe ikomi na ibere, egari eyemo ase abatang’ani babere na kera eng’ombe eyemo ase omoraai oyomo. Bakarenta ebio agwo bosio bw’Obomenyo Obochenu. 4Erio Omonene agatebia Musa, 5“Ancha oire ebiegwa ebio korwa asebare, erinde bikorerwe emeremo agwo ase Eema y’Omosangererekano. Obie Abalawi, kera omonto anyore buna emeremo yaye ere.” 6Ase ayio Musa akaira chigari chiria ne chiombe chiria erio agachia Abalawi. 7Akaa Abagerisoni chigari ibere ne chiombe inye, buna emeremo yabo yarenge. 8Naende akaa Abamerari chigari inye, ne chiombe isano na isato, buna emeremo yabo yarenge inse y’oboraai bwa Itamari, omomura o Haroni omokuani. 9Korende Abakohati Musa tabaete gento kende, ekiagera barabwo nigo baetwe emeremo y’okobogoria ebinto ebichenu, na ebio goika bibogorigwe ase amareko.
10Ase rituko riria egesasimero giatananetwe na goakwa amaguta, abatang’ani bakarenta okoruegwa kwabo bosio bw’egesasimero. 11Omonene agatebia Musa, “Kera rituko omotang’ani oyomo oyomo arue okoruegwa kwaye ase ogwatananwa kw’egesasimero.”
12Rituko rie ritang’ani Nahasoni, mosinto bw’Aminadabu bw’egesaku kia Yuda, akarenta okoruegwa kwaye. 13Ere akarua esani eyemo eroisirie korwa ase efeta y’oborito bwe chisekeli rigana erimo na emerongo etato, na egetaabo ekemo gi’efeta y’oborito bwe chisekeli emerongo etano na ebere, ase ekerengo gi’esekeli yare gokorerwa ase Obomenyo Obochenu. Bionsi bibere nigo biaichire nobosie obonuke bwochoganirie namaguta bokaba okoruegwa kw’endagera. 14Naende akarua egetaabo ekemo gi’etahabu y’oborito bwe chisekeli ikomi, giaichire na ubani. 15Boigo akarua eeri ensae, na emingichi eyemo, na emanwa emingichi eyemo yakoorire omwaka oyomo, chikaba ekeng’wanso ki’ogosambwa, 16na egoree eyemo yakoorire omwaka oyomo ekaba ekeng’wanso ki’ebibe. 17Na ase ekeng’wanso ki’omorembe akarua chieri ibere, ne chimingichi isano, ne chigoree isano, ne chimanwa chimingichi isano chiakoorire omwaka oyomo. Oko nakwo kwarenge okorua kwa Nahasoni, mosinto bw’Aminadabu.
18Rituko ria kabere Netaneli, mosinto o Suari bw’egesaku gia Isakaru, akarenta okoruegwa kwaye. 19Nere akarua esani eyemo eroisirie korwa ase efeta y’oborito bwe chisekeli rigana erimo, na emerongo etato, na egetaabo ekemo gi’efeta y’oborito bwe chisekeli emerongo etano na ebere, ase ekerengo gi’esekeli yare gokorerwa ase Obomenyo Obochenu. Bionsi bibere nigo biaichire nobosie obonuke bwochoganirie namaguta bokaba okoruegwa kw’endagera. 20Naende akarua egetaabo ekemo gi’etahabu y’oborito bwe chisekeli ikomi, giaichire na ubani. 21Boigo akarua eeri ensae, na emingichi eyemo, na emanwa emingichi eyemo yakoorire omwaka oyomo, chikaba ekeng’wanso ki’ogosambwa, 22na egoree eyemo ekaba ekeng’wanso ki’ebibe. 23Na ase ekeng’wanso ki’omorembe akarua chieri ibere ne chimingichi isano, ne chigoree isano, ne chimanwa chimingichi isano chiakoorire omwaka oyomo. Oko nakwo kwarenge okorua kwa Netaneli, mosinto o Suari.
24Rituko ria gatato Eliabu, mosinto o Heloni bw’egesaku gia Sabuloni, akarenta okoruegwa kwaye. 25Nere akarua esani eyemo eroisirie korwa ase efeta y’oborito bwe chisekeli rigana erimo na emerongo etato, na egetaabo ekemo gi’efeta y’oborito bwe chisekeli emerongo etano na ebere, ase ekerengo gi’esekeli yare gokorerwa ase Obomenyo Obochenu. Bionsi bibere nigo biaichire nobosie obuya bwochoganirie namaguta, bokaba okoruegwa kw’endagera. 26Naende akarua egetaabo ekemo gi’etahabu y’oborito bwe chisekeli ikomi giaichire na ubani. 27Boigo akarua eeri ensae, na emingichi eyemo, na emanwa emingichi eyemo yakoorire omwaka oyomo, chikaba ekeng’wanso ki’ogosambwa, 28na egoree eyemo ekaba ekeng’wanso ki’ebibe. 29Na ase ekeng’wanso ki’omorembe akarua chieri ibere, ne chimingichi isano, ne chigoree isano, ne chimanwa chimingichi isano chiakoorire omwaka oyomo. Oko nakwo kwarenge okorua kw’Eliabu, mosinto o Heloni.
30Rituko ria kane Elisuri, mosinto o Sedeuri bw’egesaku kia Reuben, akarenta okoruegwa kwaye. 31Nere akarua esani eyemo eroisirie korwa ase efeta y’oborito bwe chisekeli rigana erimo, na emerongo etato, na egetaabo ekemo gi’efeta y’oborito bwe chisekeli emerongo etano na ebere, ase ekerengo gi’esekeli yare gokorerwa ase Obomenyo Obochenu. Bionsi bibere nigo biaichire nobosie obonuke bwochoganirie namaguta, bokaba okoruegwa kw’endagera. 32Naende akarua egetaabo ekemo gi’etahahu y’oborito bwe chisekeli ikomi, giaichire na ubani. 33Boigo akarua eeri ensae, na emingichi eyemo, na emanwa emingichi eyemo yakoorire omwaka oyomo, chikaba ekeng’wanso ki’ogosambwa, 34na egoree eyemo ekaba ekeng’wanso ki’ebibe. 35Na ase ekeng’wanso ki’omorembe akarua chieri ibere, ne chimingichi isano, ne chigoree isano, ne chimanwa chimingichi isano chiakoorire omwaka oyomo. Oko nakwo kwarenge okorua kw’Elisuri, mosinto o Sedeuri.
36Rituko ria gatano Selumieli, mosinto o Surisadai bw’egesaku gia Simeoni, akarenta okoruegwa kwaye. 37Nere akarua esani eyemo eroisirie korwa ase efeta y’oborito bwe chisekeli rigana erimo na emerongo etato, na egetaabo ekemo gi’efeta y’oborito bwe chisekeli emerongo etano na ebere ase ekerengo gi’esekeli yare gokorerwa ase Obomenyo Obochenu. Bionsi bibere nigo biaichire nobosie obonuke bwochoganirie namaguta bokaba okoruegwa kw’endagera. 38Naende akarua egetaabo ekemo gi’etahabu y’oborito bwe chisekeli ikomi, giaichire na ubani. 39Boigo akarua eeri ensae, na emingichi eyemo, na emanwa emingichi eyemo yakoorire omwaka oyomo, chikaba ekeng’wanso ki’ogosambwa, 40na egoree eyemo ekaba ekeng’wanso ki’ebibe. 41Na ase ekeng’wanso ki’omorembe akarua chieri ibere, ne chimingichi isano, ne chigoree isano, ne chimanwa chimingichi isano chiakoorire omwaka oyomo. Oko nakwo kwarenge okorua gwa Selumieli, mosinto o Surisadai.
42Rituko ria gatano na rimo Eliasafu, mosinto o Deueli bw’egesaku kia Gadi, akarenta okoruegwa kwaye. 43Nere akarua esani eyemo eroisirie korwa ase efeta y’oborito bwe chisekeli rigana erimo na emerongo etato, na egetaabo ekemo gi’efeta y’oborito bwe chisekeli emerongo etano na ebere, ase ekerengo gi’esekeli yare gokorerwa ase Obomenyo Obochenu. Bionsi bibere nigo biaichire nobosie obonuke bwochoganirie namaguta bokaba okoruegwa kw’endagera. 44Naende akarua egetaabo ekemo gi’etahabu y’oborito bwe chisekeli ikomi, giaichire na ubani. 45Boigo akarua eeri ensae, na emingichi eyemo, na emanwa emingichi eyemo yakoorire omwaka oyomo, chikaba ekeng’wanso ki’ogosambwa, 46na egoree eyemo ekaba ekeng’wanso ki’ebibe. 47Na ase ekeng’wanso ki’omorembe akarua chieri ibere, ne chimingichi isano, ne chigoree isano, ne chimanwa chimingichi isano chiakoorire omwaka oyomo. Oko nakwo kwarenge okorua kw’Eliasafu, mosinto o Deueli.
48Rituko ria gatano na kabere Elisama, mosinto bw’Amihudi, bw’egesaku gi’Efraimu, akarenta okoruegwa kwaye. 49Nere akarua esani eyemo eroisirie korwa ase efeta y’oborito bwe chisekeli rigana erimo, na emerongo etato, na egetaabo ekemo gi’efeta y’oborito bwe chisekeli emerongo etano na ebere, ase ekerengo gi’esekeli yare gokorerwa ase Obomenyo Obochenu. Bionsi bibere nigo biaichire nobosie obonuke bwochoganirie namaguta bokaba okoruegwa kw’endagera. 50Naende akarua egetaabo ekemo gi’etahabu y’oborito bwe chisekeli ikomi, giaichire na ubani. 51Boigo akarua eeri ensae, na emingichi eyemo, na emanwa emingichi eyemo yakoorire omwaka oyomo, chikaba ekeng’wanso ki’ogosambwa, 52na egoree eyemo ekaba ekeng’wanso ki’ebibe. 53Na ase ekeng’wanso ki’omorembe akarua chieri ibere, ne chimingichi isano, ne chigoree isano, ne chimanwa chimingichi isano chiakoorire omwaka oyomo. Oko nakwo kwarenge okorua kw’Elisama, mosinto bw’Amihudi.
54Rituko ria gatano na gatato Gamalieli, mosinto o Pedasuri bw’egesaku kia Manase, akarenta okoruegwa kwaye. 55Nere akarua esani eyemo eroisirie korwa ase efeta y’oborito bwe chisekeli rigana erimo na emerongo etato, na egetaabo ekemo gi’efeta y’oborito bwe chisekeli emerongo etano na ebere, ase ekerengo gi’esekeli yare gokorerwa ase Obomenyo Obochenu. Bionsi bibere nigo biaichire nobosie obonuke bwochoganirie namaguta bokaba okoruegwa kw’endagera. 56Naende akarua egetaabo ekemo gi’etahabu y’oborito bwe chisekeli ikomi, giaichire na ubani. 57Boigo akarua eeri ensae, na emingichi eyemo, na emanwa emingichi eyemo yakoorire omwaka oyomo, chikaba ekeng’wanso ki’ogosambwa, 58na egoree eyemo ekaba ekeng’wanso ki’ebibe. 59Na ase ekeng’wanso ki’omorembe akarua chieri, ibere, ne chimingichi isano, ne chigoree isano, ne chimanwa chimingichi isano chiakoorire omwaka oyomo. Oko nakwo kwarenge okorua kwa Gamalieli, mosinto o Pedasuri.
60Rituko ria kianda Abidani, mosinto o Gidioni bw’egesaku kia Benjamin, akarenta okoruegwa kwaye. 61Nere akarua esani eyemo eroisirie korwa ase efeta y’oborito bwe chisekeli rigana erimo na emerongo etato, na egetaabo ekemo gi’efeta y’oborito bwe chisekeli emerongo etano na ebere, ase ekerengo gi’esekeli yare gokorerwa ase Obomenyo Obochenu. Bionsi bibere nigo biaichire nobosie obonuke bwochoganirie namaguta bokaba okoruegwa kw’endagera. 62Naende akarua egetaabo ekemo gi’etahabu y’oborito bwe chisekeli ikomi, giaichire na ubani. 63Boigo akarua eeri ensae, na emingichi eyemo, na emanwa emengichi eyemo yakoorire omwaka oyomo, chikaba ekeng’wanso ki’ogosambwa, 64na egoree eyemo ekaba ekeng’wanso ki’ebibe. 65Na ase ekeng’wanso ki’omorembe akarua chieri ibere, ne chimingichi isano, ne chigoree isano, ne chimanwa chimingichi isano chiakoorire omwaka oyomo. ’Oko nakwo kwarenge okorua kw’Abidani, mosinto o Gidioni.
66Rituko ria ikomi Ahieseri, mosinto bw’Amisadai bw’egesaku kia Dani, akarenta okoruegwa kwaye. 67Nere akarua esani eyemo eroisirie korwa ase efeta y’oborito bwe chisekeli rigana erimo na emerongo etato, na egetaabo ekemo gi’efeta y’oborito bwe chisekeli emerongo etano na ebere, ase ekerengo gi’esekeli yare gokorerwa ase Obomenyo Obochenu. Bionsi bibere nigo biaichire nobosie obonuke bwochoganirie namaguta bokaba okoruegwa kw’endagera. 68Naende akarua egetaabo ekemo gi’etahabu y’oborito bwe chisekeli ikomi, giaichire na ubani. 69Boigo akarua eeri ensae, na emingichi eyemo, na emanwa emingichi eyemo yakoorire omwaka oyomo, chikaba ekeng’wanso ki’ogosambwa, 70na egoree eyemo ekaba ekeng’wanso ki’ebibe. 71Na ase ekeng’wanso ki’omorembe akarua chieri ibere, ne chimingichi isano, ne chigoree isano, ne chimanwa chimingichi isano chiakoorire omwaka oyomo. Oko nakwo kwarenge okorua kw’Ahieseri, mosinto bw’Amisadai.
72Rituko ria ikomi na rimo Pagieli, mosinto bw’Okirani bw’egesaku gi’Aseri, akarenta okoruegwa kwaye. 73Nere akarua esani eyemo eroisirie korwa ase efeta y’oborito bwe chisekeli rigana erimo na emerongo etato, na egetaabo ekemo gi’efeta y’oborito bwe chisekeli emerongo etano na ebere, ase ekerengo gi’esekeli yare gokorerwa ase Obomenyo Obochenu. Bionsi bibere nigo biaichire nobosie obonuke bwochoganirie namaguta bokaba okoruegwa kw’endagera. 74Naende akarua egetaabo ekemo gi’etahabu y’oborito bwe chisekeli ikomi, giaichire na ubani. 75Boigo akarua eeri ensae, na emingichi eyemo, na emanwa emingichi eyemo yakoorire omwaka oyomo, chikaba ekeng’wanso ki’ogosambwa, 76na egoree eyemo ekaba ekeng’wanso ki’ebibe. 77Na ase ekeng’wanso ki’omorembe akarua chieri ibere, ne chimingichi isano, ne chigoree isano, nechimanwa chimingichi isano chiakoorire omwaka oyomo. Oko nakwo kwarenge okorua gwa Pagieli, mosinto bw’Okirani.
78Rituko ria ikomi na kabere Ahira, mosinto bw’Enani bw’egesaku kia Nafutali, akarenta okoruegwa kwaye. 79Nere akarua esani eyemo eroisirie korwa ase efeta y’oborito bwe chisekeli rigana erimo na emerongo etato, na egetaabo ekemo gi’efeta y’oborito bwe chisekeli emerongo etano na ebere, ase ekerengo gi’esekeli yare gokorerwa ase Obomenyo Obochenu. Bionsi bibere nigo biaichire nobosie obonuke bwochoganirie namaguta bokaba okoruegwa kw’endagera. 80Naende akarua egetaabo ekemo gi’etahabu y’oborito bwe chisekeli ikomi, giaichire na ubani. 81Boigo akarua eeri ensae, na emingichi eyemo, na emanwa emingichi eyemo yakoorire omwaka oyomo, chikaba ekeng’wanso ki’ogosambwa, 82na egoree eyemo ekaba ekeng’wanso ki’ebibe. 83Na ase ekeng’wanso ki’omorembe akarua chieri ibere, ne chimingichi isano, ne chigoree isano, ne chimanwa chimingichi isano chiakoorire omwaka oyomo. Oko nakwo kwarenge okorua kw’Ahira, mosinto bw’Enani.
84Omobaro bwonsi bw’ebinto biaruetwe nabatang’ani b’Abaisraeli ase ogwatananwa kw’egesasimero ase rituko riria kiaagetwe amaguta nigo biabete iga: Chisani ikomi na ibere chiaroisirie korwa ase chifeta, na ebitaabo ikomi na bibere biaroisirie korwa ase chifeta, na ebitaabo ikomi na bibere biaroisirie korwa ase chitahabu. 85Kera esani y’efeta nigo yarenge noborito bwe chisekeli rigana erimo na emerongo etato, na kera egetaabo gi’efeta noborito bwe chisekeli emerongo etano na ebere. Ase igo oborito bwonsi bwe chifeta chi’ebinto ebio nigo bwarenge chisekeli chilifu ibere, na amagana ane (2,400), koreng’ana nekerengo gi’esekeli yare gokorerwa ase Obomenyo Obochenu. 86Na ebitaabo biria ikomi na bibere biaroisirie korwa ase chitahabu biichire na ubani, nigo biarenge kera ekemo noborito bwe chisekeli ikomi koreng’ana nekerengo gi’esekeli yare gokorerwa ase Obomenyo Obochenu. Oborito bwe chitahabu chi’ebinto ebio bionsi nigo bwarenge chisekeli rigana erimo na emerongo ebere. 87Ching’iti chiaruetwe chikaba ekeng’wanso ki’ogosambwa nigo chiarenge chieri ikomi na ibere, ne chimingichi ikomi na ibere, ne chimanwa chimingichi chiakoorire omwaka oyomo ikomi na ibere, amo nokoruegwa kw’endagera gwachikire amo, ne chigoree ikomi na ibere chikaba ekeng’wanso ki’ebibe. 88Ching’iti chionsi chiaruetwe chikaba ekeng’wanso ki’omorembe nigo chiabete: Chieri emerongo ebere na inye, ne chimingichi emerongo etano nomo, ne chigoree emerongo etano nomo, ne chimanwa chimingichi chiakoorire omwaka oyomo emerongo etano nomo. Ebio nabio ebiegwa biaruetwe ekero egesasimero giatananetwe na goakwa amaguta.
89Ekero Musa asoete ase Eema y’Omosangererekano gokwana n’Omonene, akaigwa eriogi rigokwana nere korwa ase Oboikaranso bw’Amabera, obwo bwarenge igoro ase Esanduku yarenge ne chibao chirikire oborori. Eriogi erio rikarua ase egati y’Abakerubi baria babere, rigakwana nere.
Currently Selected:
OMOBARO 7: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
