MALAKI 4
4
Rituko ri’Omonene ngocha rire
1Omonene bw’Emeganda nigo agoteba iga: “Rora, rituko ngocha rire rigosamba buna omorero o riko ogosamba. Erio abanto abaenenu bonsi, na abakori amabe bonsi, mbabe buna obonyansi obwomo, ne rituko erio rigocha nigo rirabasambe kegima, tirigotiga omori gose orosagia. 2Korende asemore inwe abamoirogete erieta riane, erioba ri’oboronge ndioroke rire nokogwenia inse ye chimbaba chiaye. Inwe imosoke mobe mogotiratiria buna chimori ekero chigosokigwa korwa ase obweri. 3Ase rituko erio ndakore ring’ana erio, inwe imotiringe abakori amabe namagoro aino, na barabwo mbabe buna ribu.” Nabo Omonene bw’Emeganda agoteba.
4“Inwe inyora amachiko a Musa, omosomba one, na emeroberio yonsi namochigete agwo ase egetunwa kia Horebu, orokererie Abaisraeli bonsi.
5“Rora, nimbatomere Elija omobani atang’anere rituko riria rinene ri’Omonene ri’okoondokia ritaracha. 6Ere nairanie chinkoro chi’abaise gochia ase abana babo, na echi’abana gochia ase abaise, erinde ekero ndache timbaisa goaka ense eye nokoragererigwa.”
Currently Selected:
MALAKI 4: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
