YOHANA 19

Pilato okoa Abayahudi ribaga baire Yeso

(Mat 27:15–31; Mar 15:6–20; Luk 23:13–25)

1Erio Pilato akaira Yeso, akamoaka emecharichi. 2Abarwani bagatwang’a egutwa y’amagwa, bakamobekera ase omotwe, bakamobekera na eanga embariri, 3bakamochiera, bakabora, “Masoge, Omoruoti bw’Abayahudi!” Bakamoaka chindoe. 4Pilato akaoroka naende isiko, akabatebia, “Rora, inche namorentire asemore, monyare komanya ng’a tindochi komocha konde asare.”

5Erio Yeso agasoka isiko, obekeire egutwa eria y’amagwa na eanga eria y’oboruoti embariri. Pilato akabatebia, “Rora omonto oyo!”

6Erio abakuani abanene na abarendi bagachia komorora, bagaaka eriogi, bakobora, “Mobambe! Mobambe!”

Pilato akabatebia, “Moire inwe, momobambe, ekiagera inche tindochi okomocha asare.”

7Abayahudi bakamoiraneria, “Intwe ntore nogochika, naende ase ogochika okwo nagwenerete akwe, ekiagera agwekora koba Omwana o Nyasae.”

8Erio Pilato agachia koigwa ring’ana erio, akaba nobwoba kobua. 9Agasoa ase ekegambero, akaboria Yeso naende, “Ing’ai kwarure aye?” Korende Yeso tamoiraneria. 10Erio Pilato akamoboria, “Togokwana nainche? Tomanyeti ng’a ninde nokobua gokobamba, naende ninde nokobua kogosibora?”

11Yeso akamoiraneria, “Anga tori nokobua konde gwonsi, onye otaeiri korwa igoro; ase ayio ere oyombegete ase amaboko ao nare nebibe ebinene kobua.”

12Korwa agwo Pilato akarigia komosibora, korende Abayahudi bagaaka eriogi, bakabora, “Koramosibore, aye tori omosani o Kaisari; kera oyogwekora koba omoruoti nigo are mamincha ase Kaisari.” 13Erio ekero Pilato achia koigwa amang’ana aya, akarenta Yeso isiko, agaikaransa igoro ase ekerogo gi’ekina, aase akorokwa Atichire n’Amagena, naende ase Ekeibirania, Gabata. 14Nigo yarenge Okwearigania kw’Epasaka; naende nigo yarenge koreng’ana chinsa isano nemo. Agatebia Abayahudi, “Rora omoruoti oino!”

15Korende barabwo bagaaka eriogi, “Morusie, morusie, mobambe!”

Pilato akababoria, “Imobambe omoruoti oino?”

Abakuani abanene bakairaneria,

“Titori nomoruoti otatiga Kaisari.”

16Erio agwo akamobeka ase amaboko abo abambwe.

Okobambwa kwa Yeso

(Mat 27:32–44; Mar 15:21–32; Luk 23:26–43)

Barabwo bakabwata Yeso. 17Ere agasoka bwebogoreretie omosalaba oye, goika aase akorokwa Ekeore; ase Ekeibirania akorokwa Gologotha. 18Bakamobamba aroro amo nabanto bande babere, oyonde ensemo, na oyonde ensemo, na Yeso gati‐gati. 19Pilato akarika ekemanyererio, agakebeka igoro ase omosalaba. Igo kiarigetwe, “YESO OMONAZARETI, OMORUOTI BW’ABAYAHUDI.” 20Nabo amariko ayio abange b’Abayahudi mbayasomete, ekiagera aase aria Yeso abamberetwe nigo arenge ang’e nomochie; naro nigo arigetwe ase Ekeibirania, na Ekerumi, na Ekegiriki. 21Erio abakuani abanene na Abayahudi bagatebia Pilato, “Torika ng’a, n’Omoruoti bw’Abayahudi, korende ng’a nigo arenge kobora: Inche nomoruoti bw’Abayahudi.” 22Pilato akairaneria, “Aya narikire, narikire.”

Ogokwa kwa Yeso

(Mat 27:45–56; Mar 15:33–41; Luk 23:44–49)

23Erio abarwani kobabambire Yeso, bakabogoria chianga chiaye, bagachiatanana chinsemo inye, kera omorwani anyore ensemo yaye. Bakabogoria eganchwa nero. Korende eganchwa eyio tiyasonire; igo yabwatanirie korwa igoro goika inse. 24Erio bagatebania, “Titoyetandora, korende toyeakere obomera, torore gose neya ng’o ekoba.” Erio ririko riikerane, eri rigoteba,

“Mbaatananete chianga chiane,

naende eganchwa yane mbayekorerete obomera.”

25Naboigo abarwani bakorete. Korende ase omosalaba o Yeso ng’ina, na ng’ina moke, Mariamu moga Kiliopa, na Mariamu Magidalena bagatenenao. 26Erio ekero Yeso achia korora ng’ina na omworokigwa oria anchete bateneine ang’e agatebia ng’ina, “Omong’ina, rora omwana oo!”

27Nyuma y’ayio agatebia omworokigwa oria, “Rora nyoko!” Erio korwa ensa eria omworokigwa oria akamoira bwoye.

28Nyuma ase aya Yeso, kamanyete ng’a onsi aikire gokorwa, erinde ririko riikeranigwe, akabora, “Ninde nerang’o.”

29Nkiarenge aroro egetaabo giaichire chinkama, erio bakabeka esifunchi eichire chinkama igoro ase egetonto, bakamobekera monwa. 30Erio Yeso agachia konyora chinkama, agateba, “Yaikeranire!” Agatureka omotwe, agatweka mo.

Yeso okobetwa ritimo na koirwa gotindekwa

(Mat 27:57–61; Mar 15:42–47; Luk 23:50–56)

31Igo riarenge rituko ri’Okwearigania, na Abayahudi tibarigetie emebere ebe ase emesalaba igoro ase rituko ri’Esabato, ekiagera Esabato eria nigo yarenge enene. Ase ayio bagasaba Pilato ng’a amagoro ’abanto abwo babambetwe abunwe, na emebere yabo erusigweo. 32Erio abarwani bakagenda, bakabuna amagoro abo, oyo bwe ritang’ani, na oyo o kabere, abwo babambetwe amo na Yeso. 33Bagachia gochiera Yeso, bakarora ng’a oikire gokwa, tibamobuna amagoro aye. 34Korende oyomo bw’abarwani akamobeta ritimo rikere riaye, akaruao bwango amanyinga na amache. 35Nere oyoyaroche akaba kirori, na oborori bwaye nobw’ekeene, nere omanyire ng’a igo agokwana ekeene, erinde inwe monyare kwegena. 36Naki aya nigo akoregete erinde ririko riikerane, eriatebete, “Riuga riaye tirikobunwa.” 37Naende rituko rinde ribora, “Nabamorigererie oyobabetete.”

38Nyuma ase aya Yusufu bw’Arimathaya agasaba Pilato ribaga arusie omobere o Yeso. Ere nigo arenge omworokigwa o Yeso, korende bobisi, ekiagera airogete Abayahudi. Pilato akamoa ribaga. Igo agacha, akarusia omobere oye. 39Na Nikodemo oria omochierete botuko agwo ritang’ani, nere akagenda boigo, akarenta ebinto bisang’ananirie manemane na uudi, oborito bwaye chiratili rigana erimo. 40Erio bakabogoria omobere o Yeso, bakayoboyia egetambaa ki’egatani, bakayoaka amaguta aria amanukato, buna yarenge engencho y’Abayahudi ase ogotindeka. 41Naende aase aria abamberetwe norengeo omogondo, na ime ase omogondo oboina oboyia, aase monto onde konya atarabekwa. 42Na ase engencho y’Okwearigania kw’Abayahudi bakabeka Yeso aroro, ekiagera oboina boria bwarenge ang’e.

Currently Selected:

YOHANA 19: EKEGUSIIBBLE

Highlight

Copy