OKONG’ANYA 17
17
Amache akorwa egetare
(Omob 20:1–13)
1Omoganda bwonsi bw’Abaisraeli okaimoka korwa erooro ya Sini. Barabwo bakabwatia orogendo rwabo, bakana‐gotoora buna Omonene abachigete, Bagaika Refidimu, bagatoora aroro, korende mache tarengeo abanto baare konyara konywa. 2Erio abanto bakomania Musa, bagoteba, “Toe amache tonywe!”
Musa akabatebia, “Nase ki mokonyomania? Nase ki mogoteema Omonene?”
3Agwo bakaba nerang’o enene y’amache, bakemurunganeria Musa, bakabora, “Ninki gwatoruseria Misiri gocha aa, amo nabana baito ne chitugo chiaito, togokwa ase erang’o?”
4Musa akarera ase Omonene, akabora, “Ninki ngokorera abanto aba? Barabwo nigo bare ang’e kong’aka amagena.”
5Omonene akairaneria Musa, akamotebia, “Oire amo naye abagaaka bande b’Abaisraeli, amo nenyimbo yao, eria kwaagete orooche, motang’ane abanto mogende. 6Nondore inteneine agwo ase egetare kia Horebu, nkoganyete. Oake egetare, na amache arwe aroro, erinde abanto banyore banywe.” Musa agakora bo ase amasio ’abagaaka b’Abaisraeli.
7Akaroka aase aria Masa#17:7 Masa, engencho yaye: ogoteema na Meriba,#17:7 Meriba, engencho yaye: okwomana ase engencho y’eriomana ri’Abaisraeli, naende ekiagera abanto bateemete Omonene, bakobora, “Inee! Omonene nare aa ase egati yaito, gose taiyo?”
Esegi n’Abaameleki
8Abaameleki bakaoroka korwania Abaisraeli aaria Refidimu. 9Erio Musa agatebia Yoshua, “Tochorere abanto bagende korwana n’Abaameleki ankio; inche ninche ntenene ekegoro igoro, na enyimbo ya Nyasae inyebwate koboko kwane.” 10Yoshua agakora buna Musa amotebetie, akarwania Abaameleki, na Musa, na Haroni, na Huri bagatiira gochia ekegoro igoro. 11Ekaba Musa kaimokirie amaboko aye igoro, rirorio Abaisraeli babua, na kayairanirie inse, Abaameleki babua. 12Ekero amaboko a Musa arosire, Haroni na Huri bakaimokia rigena, bakaritereka inse, na Musa akariikaransera. Erio bakaba bagosiira amaboko a Musa, oyomo okoboko okomo, na oyonde okonde. Naboigo bakamosiira goika erioba rikagwa. 13Na igo Yoshua akabua Abaameleki kegima, akabaita nemioro.
14Omonene agatebia Musa, “Yarike amang’ana aya ase ebuku, abe amang’ana ’okoinyorwa, otebie Yoshua ng’a ninkore Abaameleki bebwe kegima, tibabaisa koinyorwa inse y’erioba.” 15Musa akaagacha egesasimero agwo, agakeroka “Yahwe Nisi”, engencho yaye, “Omonene nebendera yane y’esegi”, 16agateba, “Ninyimokie okoboko kwane igoro, kobe ekemanyererio ki’Omonene, na gotiana ng’a Omonene nigo aragenderere korwania Abaameleki ebiaare ase ebiaare.”
Currently Selected:
OKONG’ANYA 17: EKEGUSIIBBLE
Highlight
Share
Copy
Want to have your highlights saved across all your devices? Sign up or sign in
OLD EKEGUSII BIBLE PROTESTANT EDITION
©Bible Society of Kenya, 2020
