1Mak 1
1
Alekisanda ûrîa mûnene
1Alekisanda wa Makedonia mûvîcî wa Filipu, nîwaumire Makedonia na akîthiî kûrûa na Dario mûthamaki wa Perisia na Media na nîwamûvootire. Arîkia kûmûvoota, nîwatuîkire mûthamaki vuva wake na îvindarî wa rîu, nîwatuîkire mûthamaki wa Ngiriki. 2Nîwarûire mbaara na akînyita matûûra marîa maarî mairigîre na nthingo cia vinya na akîûraga athamaki a mo. 3Nîwathiîre nginya mîthiia yonthe ya nthî, na akînyita mavûrûri meengî. Arîkia kûvoota nthî yonthe nîwetîire na agîîtûgîria mûno. 4Nîwacokire akîrûtha gîkundi Kîamrî na vinya mûno Kîam athigari a mbaara na akîatha icunjî nyîngî, mavûrûri, na athamaki a kuo na agîtua atî nwanginya onthe mamûrutagîre gooti. 5Vîndî wa îo mûthamaki Alekisanda nîwarwarire na akîmenya waro atî nîagûkua. 6Kwoguo, nîwetire atongoria onthe ake arîa anene arîa maakûrîte nake kuuma arî mûnini. Nîwacokire akîmagaanîria ûthamaki wake, wa arî mwoyo. 7Alekisanda akuire athanîte mîaka îkûmi na îîrî. 8Vuva wa gûkua, anene ake nîmaambîrîrie kwathana, 9wa mûndû gîcunjî gîake. Nao onthe nîmaatuîkire athamaki, na njiarwa ciao cionthe igîtuîka athamaki na ikîathana mîaka mîngî. Nîmaatûmire maûndû meengî macûku mekîke nthî yonthe.
Antioku Epifane na Mûyahudi Renegade
(2Mak 4.7-17)
10 #
2Mak 4.7
Kwarî na mûndû wa rûciaro rûu rwa athamaki acio warî mûcûku mûno. Mûndû ûcio eetagwa Anitioku Epifane mûvîcî wa mûthamaki Antioku. Mbere ya atuîka mûthamaki mwaka wa 137#1.10 mwaka wa 137: mwaka ûyû ûringanîte na mwaka wa 175 mbere ya gûciarwa kwa Jesû Kristû. wa ûthamaki wa Ûngiriki, Anitioku Epifane nîwanyitîtwe na akîvirwa Roma. 11Mîthenyarî îo, nîkwaumîrire gîkundi Kîam Ayahudi kûu Isiraeli gîtaarûmagîrîra watho na nîkîavîtithirie andû eengî mûno gîkiugaga atîrî, “Nîtûthiîni tûkanyitanîre na andû a mavûrûri marîa matûthiûrûrûkîrîtie, nîûndû kuuma rîrîa twatiganire nao gûtirî ûndû mwaro twîkîte.” 12Matua mau nîmeetîkanirue namo nî andû onthe, 13amwe ao nîmaathiîre kûthaitha mûthamaki, nake mûthamaki nîwametîkîririe marûmagîrîre mîtugo îo ya andû a ndûrîrî. 14Nîmaacokire magîaka nyomba nene mûno ya mîthako kûu Jerusalemu îkariî ta irîa ciatumîtwe nî andû a ndûrîrî. 15#1Akor 7.18 Nîmaarutire marûûri marîa maarî namo ma kwonania atî nî aruu na magîtiganîria kîrîkanîro kîrîa kîtheru. Nîmaagîre na ngwatanîro na andû a ndûrîrî na magîtonya mûno maûndûrî marîa macûku.
Anitioku nîwatharîkîre Misiri
16Rîrîa Anitioku oonire ûthamaki wake nîwevanda, nîwatuire atharîkîre Misiri nîguo atuîke mûthamaki wa mavûrûri mau maîrî. 17Kwoguo nîwatharîkîre Misiri na gîkundi kînene Kîam meri, athigari arîa mathiîcaga mekarîrîte ikaari cia mbarathi, njogu na athigari arîa mathiîcaga matwîte mbarathi. 18Rîrîa maarûire mûno na Putolemî mûthamaki wa Misiri, Putolemî nîwavootirwe na akîûra, nao athigari ake eengî mûno magîtivangua na makîûragwa. 19Namo matûûra marîa maairigîrîtwe na nthingo cia vinya nîmaanyitirwe na vûrûri wonthe wa Misiri ûgîtavwa.
Antioku nîwanyaririre Ayahudi
20Vuva wa Anitioku gûtava vûrûri wa Misiri mwaka wa 143#1.20 mwaka wa 143: wwaka ûyû ûringanîte na mwaka wa 169 mbere ya gûciarwa kwa Jesû Kristû. ke, vamwe na athigari ake onthe arîa marî vinya, nîmaagarûrûkîre Isiraeli, na îtûûra rîa Jerusalemu na makîmatharîkîra na vinya. 21Anitioku nîwatonyire hekarûrî arî na mwîtîîo mûno na agîoca metha ya kîgongoona ya thaavu, na vandû va kwigîrîra taa na indo cionthe ciavo. 22Nîwacokire agîoca metha îrîa yaigîrîrîtwe mîgate îrîa yamûrîrîtwe Ngai, ikombe, mbakûri, tûnyûngû twa thaabu twa kûvîvîria ûbani, mbathia, iraûni na indo cia thaavu irîa ciarî vau mbere ya hekarû, na akîmîtiga itarî na kîndû. 23Nîwocire indo cia sîlûva na cia thaavu, na indo cionthe irîa ciarî na vata wana ûtonga wonthe ûrîa warî mûthithûrî wa hekarû. 24Nîwocire indo icio cionthe na akîivira vûrûrirî wake. Nîwatigire aûraga andû eengî mûno na ûndû ûcio ûgîtûma etîe mûno.
25Ûndû ûcio nîwatûmire vûrûri wonthe wa Isiraeli ûgîe na kîrîro kînene.
26Athani na atongoria nîmaarîrire na makînyitwa nî kîeva kîngî mûno,
erîtu na anake nîmaavinyîrîrîkire mûno,
ûthaka wa erîtu nîwathirire.
27Avikania onthe nîmaainire nyîmbo cia macakaya;
na aviki onthe magîkara wa mûndû ûrîrîrî wake akîrîraga.
28Andû onthe a nyomba ya Jakovu nîmecûrirwe nî gîconoko;
na nthî yonthe nîyainainire îgîcakaîra atûûri a yo.
29Mîaka îîrî yathira, mûthamaki Anitioku nîwatûmire athigari eengî kuuma Mîsia makatharîkîre matûûra ma Juda. Rîrîa athigari acio maakinyire Jerusalemu, 30mûtongoria wao nîwaranîrie na andû akuo na njîra ya thayû, nwatî nîkwa aamavenagîrîria. Vuva wa ûguo nîwatharîkîre îtûûra rîu na vinya wonthe, na akîûraga andû eengî mûno a Isiraeli. 31Nîwanyitire na akîvîvia îtûûra rîa Jerusalemu, akîomoranga nyomba cia rîo vamwe na nthingo irîa ciarîrigicîrîtie. 32Nîwacokire agîtava aka, ciana magîtuîka mîgwate na akîthiî na ndîthia.
33Anitioku na athigari ake nîmaacokire magîtuma rîngî nthingo cia vinya na nyomba ndaca na îgûrû irigicîrîtie îtûûra rîu na makîrîtua kûndû kwao gwa kwîthitha. 34Kûu nîmaaigire Ayahudi arîa evia na mataarûmagîrîra watho marîgitîre, nao nîmarîgitîre na vinya. 35Nîmaacokire makîûngania indo cia mbaara na irio, na indo cionthe irîa ciarî Jerusalemu, magîciga îtûûrarî rîu ririgîre. Andû acio nîmaatuîkire ûgwati mûnene îtûûrarî rîa Jerusalemu.
36Îtûûra rîu nîrîatuîkire rîa kûthithûkagîra hekarû,
na rîgîtuîka nthû nene ya andû a Isiraeli. 37Andû mataarî na mavîtia nîmaaûragîrwe mîenarî yonthe ya hekarû,
navo vandû varîa vatheru nî vaagwatirue mûgiro nî aûragani.
38Andû onthe a Jerusalemu nîmaaûrire nîûndû wa gwîtigîra,
Jerusalemu yatuîkire îtûûra rîa gwîkaragwa nî ageni,
rîatuîkire îtûûra îgeni kûrî andû a rîo,
nao nîmaarîtiganîrie.
39Hekarû yarîo yatigirwe îrî ntheri ta werû,
maruga ma rîo maagarûrûkire magîtuîka macakaya.
Gîkeno Kîam thavatû gîatuîkire gîconoko,
gîtîîo Kîam rîo gîatuîkire kînyûrûri.
40Gîconoko gîa kûgwa kwa rîo Kîamrî kînene wata riiri ûrîa rîarî naguo mbere
mwîtîîo warîo wagarûrûkire ûgîtuîka macakaya.
41Mûthamaki Anitioku nîwandîkire maarûa mavûrûrirî monthe kûrîa aathanaga na akîathana atî andû onthe matuîke kîndû kîmwe, 42na andû matiganîrie mîtugo na maûndû mao ma kîndûîre. 43Nao andû a ndûrîrî cionthe nîmetîkanirie na îtua rîa mûthamaki. Andû eengî, wana nginya Aisiraeli nîmaarûmîrîre ndini ya mûthamaki. Nîmaarutîre ngai cia mîvuanano magongoona na makîgwatia mûthenya wa thavatû mûgiro. 44Mûthamaki nîwatûmire anjaama ake mavire maarûa Jerusalemu na matûûra monthe ma Judea, na akîathana andû onthe marûmagîrîre mîtugo îo mîgeni vûrûrirî wao. 45Nîwacokire akîmakaania matikarute matega ma kûvîvua, ma ndivei na ma irio hekarûrî. Nîwacokire akîathana atî mîthenya ya thavatû na mîthenya ya irugo îtuîke ta mîthenya îrîa îngî ya wîra. 46Andû nîmaathirwe magwatie hekarû na athînjîri-Ngai mûgiro, 47na matumîre ngai cia mîvuanano metha cia magongoona, hekarû, na vandû varîa vatheru na marutage magongoona ma ngûrwe na nyamû irîa irî na mûgiro. 48Wana nîmaakaanirue matikaruithie twana twao twa tûvîcî. Mendagwa megwatie mûgiro na njîra cionthe, 49nîguo mariganîrwe nî watho na irîra ciaguo. 50“Na mûndû wa wonthe ûkaarega kwathîkîra mûthamaki nîakaaûragwa.” 51Wa vamwe na kûruta watho ûcio ûthamakirî wake wonthe, mûthamaki nîwathuurire andû a kûroragia andû onthe na akîathana matûûrarî monthe ma Judea kûrutagîrwe ngai cia mîvuanano magongoona. 52Nao Ayahudi eengî nîmaatiganîrie watho nîguo mathîkîre atongoria acio. Kwoguo nîmaagwatirie vûrûri wonthe mûgiro nîûndû wa waganu wao. 53Ûndû ûcio nîwatûmire andû a Isiraeli arîa mataatiganîria wîtîkio wao mathiî kwîthitha wa kûrîa wa mûndû angîavotire kûthiî. 54#Dan 9.27; 11.31; 12.11; 1Mak 6.7; Mat 24.15; Mar 13.14 Mûthenya wa îkûmi na îtano wa mweri wa Kisilevu mwaka wa 145#1.54 mwaka wa 145: mwaka ûyû ûringanîte na mîaka 167 mbere ya gûciarwa kwa Jesû Kristû., mûthamaki Anitioku nîwathondekire “Kîndû kîrî na mûgiro na magigi” wa vau kîgongoonarî Kîam hekarû na nîwatumithîrie ngai cia mîvuano metha cia magongoona matûûrarî monthe marîa maathiûrûkîrîtie Juda. 55Nîmaavîvîrie ûbani mîrangorî ya nyomba wana varavararî. 56Nîmaatembûrangire mavuku monthe ma watho na makîmavîvia na mwaki. 57Na mûndû angîethîrîrue na îvuku rîa kîrîkanîro, kana arûmîrîre watho nî waûragagwa kûringana na ûrîa mûthamaki aathanîte. 58Mweri wa mweri, andû acio aganu nîmaavûthagîra vinya kûrûa na andû a Isiraeli arîa maarî matûûrarî.
59Mûthenya wa mîrongo îîrî na îtano mweri wa ûcio, andû acio nîmaarutîre îgongoona metharî ya kîgongoona ya ngai cia mîvuanano îrîa yarî îgûrû rîa metha ya kîgongoona ya kûrutîrwa magongoona ma kûvîvua hekarûrî. 60#2Mak 6.10 Kûringana na watho wa mûthamaki, nîmaûragire aka onthe arîa metîkîrire ciana ciao iruithue, 61andû a nyomba ciao, ciana irîa ciaruithîtue na andû arîa mairuithîtie nîmaaûragirwe. Mamaûragire na njîra ya kûmacuria mathaîkîwe ngingo. 62Nwatî andû eengî kûu Isiraeli nîmeevotorire na magîtua na ngoro îmwe kûrega kûrîa irio irî na mûgiro. 63Maatuire nîkava gûkua gûkîra kuna kîrîkanîro kîrîa kîtheru na kûrîa irio irî mûgiro. Andû eengî mûno nîmaakuire. 64Andû a Isiraeli nîmaakinyîrwe nî marakara manene.
Currently Selected:
1Mak 1: KKB
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019