Secunnu Matteu 7
7
1Nun judicati, pri nun essiri judicati.
2Giacchì di lu stessu modu, comu judichirriti, sarriti judicati: e cu la stissa misura, cu la quali avirriti misuratu, sarriti misurati vuautri stissi.
3E pirchì vidi lu sgroppu ntra l’ occhiu di lu frati to: e nun vidi lu travu ntra lu to occhiu?
4O cu quali ragiuni dici a to frati: Lassami livari lu sgroppu di lu to occhiu: ed intantu lu travu è ntra lu to occhiu?
5Ippocrita, levati prima lu travu di lu to occhiu, ed allura vidrai di livari lu sgroppu di l’ occhiu di lu frati to.
6Nun dati li cosi santi a li cani: nè jittati li vostri perni a li porci, acciocchì nun li pistassiru cu li soi pedi, e vutannusi contra vi strazzassiru.
7Dumannati, e vi sarrĂ datu: circati, e truvirriti: battiti, e vi sarrĂ apertu.
8Giacchì qualunqui dumanna, ricivi: cu’ cerca, trova: e sarrà apertu a cui tuppulia.
9O cu’ è l’ omu di vuautri, a cui si lu so figghiu cci dumannassi pani, cci darria na petra?
10O si cci avissi dumannatu un pisci, forsi cci presentirria un sirpenti?
11Si dunca vuautri, ca siti mali, sapiti dari li cosi boni, chi vi sù stati dati, a li vostri figghi: quantu cchiù vostru Patri, chi è ntra li celi, darrà li beni a chiddi, chi li dumannanu?
12Tuttu ciò adunca, chi vuliti, chi l’ omini vi facissiru, faciticci anchi vuautri ad iddi. Giacchì chista è la liggi, e li profeti.
13Trasiti pri la porta stritta: giacchì larga è la porta e spaziusa è la via, chi cunnuci a la perdizioni, e assai sù chiddi, chi trasinu pri la stissa.
14Quantu è stritta la porta, e angustiata è la via, chi cunnuci a la vita: e quantu sù pochi chiddi, chi la trovanu!
15Guardativi da li fausi profeti, chi vennu a vui sutta peddi d’ agneddu; ma dintra sù lupi rapaci.
16Da li soi frutti li canuscirriti. Forsi si cogghi la racina da li ruvetti, o li ficu da li spini?
17Accussì ogni arvulu bonu fa boni frutti: l’ arvulu tintu però fa frutti tinti.
18Nun pò l’ arvulu bonu fari frutti mali: nè l’ arvulu malu fari frutti boni.
19Ogni arvulu, chi nun fa bon fruttu, sarrĂ tagghiatu, e jittatu ntra lu focu.
20Perciò da li soi frutti li canuscirriti.
21Non qualunqui, chi mi dici, Signuri, Signuri, trasirrà ntra lu regnu di li celi: ma cui fa la volontà di me Patri, chi è ntra li celi, trasirrà ntra lu regnu di li celi.
22Multi mi dirrannu ntra ddu jornu: Signuri, Signuri, nun avemu nui profetizzatu in to nomu, ed in to nomu avemu scacciatu li dimonj, ed in nomu to ficimu multi purtenti?
23Ed allura cci dichiarirrò: Ca nun v’ aju canusciutu mai: alluntanativi da mia, vui tutti operaturi d’ iniquità .
24Ognunu addunca, chi senti chisti palori mei, e li metti in prattica, si assimigghirrà a l’ omu saviu, chi fabbricau la so casa supra petra,
25E vinni la pioggia, e calaru li ciumi, e ciusciaru li venti, e si scarricaru supra dda casa, e nun cadiu: giacchì avia li funnamenti supra petra.
26E ognunu, chi senti sti mei palori, e nun li metti in prattica, si assimigghirrà a l’ omu stultu, chi fabbricau la so casa supra rina:
27E vinni la pioggia, e calaru li ciumi, e ciusciaru li venti, e si scarricaru supra dda casa, e cadiu, e fu la sua ruina granni.
28E successi, ca avennu terminatu GesĂą sti palori, li turbi si maravigghiavanu di la so duttrina.
29Giacchì iddu li nsignava, comu unu, chi avia putiri, e non comu li soi Scribi, e li Farisei.
Currently Selected:
Secunnu Matteu 7: SCN
Highlight
Share
Copy
Want to have your highlights saved across all your devices? Sign up or sign in
First published in 1860 and 1861.
