Halloo 5
5
Addaami Shiijjereenaꞌo
(1 Kiinoo 1:1-4)
1Addaami shiijjeree haddee yaaroo ebine: Yeeri ashoon bi halliyooba, bi shaahoona tuniihe. 2Anaamonaa maacheenon tuniiꞌi halliye. Boonoshinoo diiriye; “asho” iinoo boonoshin shigiihe.#Hal. 1:27-28
3Addaami balli shaasha nattiichii, bi shaahoo, malletoonoo biinoommo tuneti bushoon shiyihe; bi shigoonoo, Seeti ii shigiihe. 4Seetin bi shiyitoyee gubb, shimitte balle naton beehe; bare anaami bushiishoonaa maache bushiishoonon shiyihe. 5Addaami yiixiye ballaa shaasha nattiichii qitiye.
6Seeti balli uucha nattiichii, Henooshin shiyihe. 7Henooshin bi shiyitoyee gubb, shimitte ballaa shabaatte naton beehe; bare anaami bushiishoonaa maache bushiishoonon shiyihe. 8Seeti yiixiye ballaa aaraa gutta nattiichii qitiye.
9Henooshi yixena nattiichii, Qenaanin shiyihe. 10Qenaanin bi shiyitoyee gubb, shimitte ballaa aaraa uuche naton beehe; bare anaami bushiishoonaa maache bushiishoonon shiyihe. 11Henooshi yiixiye ballaa uucha nattiichii qitiye.
12Qenaani shaba nattiichii, Mahaleelin shiyihe. 13Mahaleelin bi shiyitoyee gubb, shimitte ballaa aabbe naton beehe; bare anaami bushiishoonaa maache bushiishoonon shiyihe. 14Qenaani yiixiye ballaa aashira nattiichii qitiye.
15Mahaleeli shichaa uucha nattiichii, Yaareedin shiyihe. 16Yaareedin bi shiyitoyee gubb, shimitte ballaa shaashe naton beehe; bare anaami bushiishoonaa maache bushiishoonon shiyihe. 17Mahaleeli shimitte ballaa yixenaa uucha nattiichii qitiye.
18Yaareedi balli shichaa gutta nattiichii, Henookin shiyihe. 19Henookin bi shiyitoyee gubb, shimitte balle naton beehe; bare anaami bushiishoonaa maache bushiishoonon shiyihe. 20Yaareedi yiixiye ballaa shichaa gutta nattiichii qitiye.
21Henooki shichaa uucha nattiichii, Matusaalin shiyihe. 22Matusaalin bi shiyitoyee gubb, keejje balle naton Yeerina tookkii ikkotteꞌi beehe; bare anaami bushiishoonaa maache bushiishoonon shiyihe. 23Henooki keejje ballaa shichaa uuche naton tunehe. 24Henooki Yeerina tookkii ikkotteꞌi beehe. Ikke areddoon Yeeri biin daammiye; ebich asheenaꞌo biin guttinnoon beegaaneenaꞌone.
25Matusaali balli shinnaa shabaatta nattiichii, Lameekin shiyihe. 26Lameekin bi shiyitoyee gubb, shabaatte ballaa shinnaa gutte naton beehe; bare anaami bushiishoonaa maache bushiishoonon shiyihe. 27Matusaali yiixiye ballaa shichaa yiixiya nattiichii qitiye.
28Lameeki balli shinnaa gutta nattiichii, bushoon shiyihe. 29“Doono Yeeri uppiti showee toommooch no kishoona aajjaa no shuunaabeeti magge shuunoo bulliichee noon kashiyemmone” ii bi bushoo shigoon, Noohi iye. 30Noohin bi shiyitoyee gubb, uuche ballaa yixenaa uuche naton beehe; bare anaami bushiishoonaa maache bushiishoonon shiyihe. 31Lameeki shabaatte ballaa shabaa shabaatta nattiichii qitiye.
32Noohi uuche ball nattiichii, Sheemi, Kaaminaa Yafeetinon shiyihe.
Currently Selected:
Halloo 5: KBRC
Highlight
Share
Copy
Want to have your highlights saved across all your devices? Sign up or sign in
SIM International, 2020.