Yilipai 1
1
SOPENA 1.
1Paul me Timote, ra tahavarao hi Iesu Kristo, me ra uluo hi Iesu vunuvunu me Vilipai, me ra varese hina lotu, me ra varese tahamata na sule.
2Motahonai Atua Tamaja me na Moli Iesu Kristo teaso tahonai suri amiu, terahu me amiu na lolotamautu.
3Aaso tahonai me Atua me na rani vunuvunu anini-ma amiu.
4Me na rani vunuvunu aninima amiu amatapisi suri amiu me na ejieji.
5Suria oto-tuiturituau me na Leo Tahonai me na majihana rani, me na havui.
6Apinisi susuhi na sanu naa, inie isei movaere na varao tahonai me amiu tomovea me na rani hi Iesu Kristo imalua:
7Motahonai aninima amiu suria ameje amiu me na lolou: suria me na rani tehajiriau, me na varao hina Leo Tahonai oto-tuiturituau.
8Suria Atua mopinisi na lolou movano me amiu me na varao hi Iesu Kristo.
9Amatapisi sura semiu meje mojiha tahajia me tahajia me na pinisi me na lolorani.
10Sura otomeje ra sanu tahonai tohova, sura ototaharahu, saite sanu oso me amiu me na rani Iesu Kristo imalua.
11Motahonai na vana hau hina mauri tataholo mota-vere me amiu me Iesu Kristo, sura teaso tahonai me Atua, tehalea.
12Ameje amiu, tuahau, otopinisi ra sanu temalua meau tetuiturituana Leo Tahonai sura ilaho paravu.
13Ra tahajumu isei temata na moli tahajia me ra valura tajua tepinisi aauri suri Kristo.
14Ra tari hi ra uluo hi Kristo tereni ra asi hiu, tejiha tahajia, teaso hauhaua na Leo, tesaine.
15Valura telalaa suri Kristo suria te-manomano-oso jojo nie, temeje na jumu; valura telalaa suria temejeia:
16Valura telalaa suri Kristo sura asoaso, tejihajiha, suria teninima tehajiau me na asi hiu.
17Maa ra valura telalaa suria tepinisi mopilau varao sura turehoro suri na Leo Tapu.
18Motoma? Me na vue ra tari, vai tejihajiha e tetaharahu, telalaa suri Kristo; suria aejieji, aejieji pa.
19Suria otomatapisi suriau, suria alavi pilau na meje tahajia sei Iesu, ra sanu vunuvunu tevarao suri na seu jolo.
20Paleeno amanomanoe, ameje a-sa-tamatamalihi suria, maa suria alalaa tuitui me na havui, taupa mono, tehale Iesu me na epeu, hina seu mauri e hina seu mate.
21Na mauri meau inie Kristo; maa na mate motahonai jivia.
22Maa vai aitoho me na epeu, ra sanu naa na vana pilau varao: maa asapinisi alavi sava.
23Suria atoho me na vuati hira rio morua, ameje na mule sura toho valui Kristo; motahonai tohova:
24Maa motahonai me amiu atoho me na epeu.
25Suria aninima palea, apinisi atoho pa valui amiu sura tuiturituamiu otolaho paravu me na ejieji me na rohoroho.
26Sura otoejieji tohova me Iesu Kristo suriau suria atanumai me amiu.
27Maa otosiaso pala na Leo Tahonai hi Kristo: suria vai anumai areni amiu e mojoa, aroho pa suri amiu ototuri hauhaua me na lolotea, otovarao vahatea me na lolotea suri na rohoroho me na Leo Tahonai.
28Ototena ine taiti ra satuamiu: ta mera inie na mata-mata hina puelimiu, maa me amiu na matamata hina jolo, na matamata me Atua.
29Mopilamiu suri Kristo sura rohoroho mea, sura lavi mono ra sanuoso suria.
30Naano na varao hauhaua otoreniau avea, otoroho avea tohoreji.
Currently Selected:
Yilipai 1: TLM9109
Highlight
Share
Copy
Want to have your highlights saved across all your devices? Sign up or sign in
This is a historic text maintained by the British and Foreign Bible Society.
