YouVersion Logo
Search Icon

Ra Vei Hira Yarisula 6

6
NA SOPENA 6.
1Taroroi na rani naa, ra uluo hi Iesu temauri tavere tuitui, ra Ju na loera Kris, tevetiveti suri ra Hipru, tesaraurau ra patinau.
2Suria ra Varisula havulatea vana moruo teore ra, valura uluo, teaso mera: “Moso tojomuture na leo hi Atua, sura ninima na haja.
3Suria, Tuahaja, ototiro ra tajua tahonai limaraverua pilaja, lolorani, tetavere me na Talume Tapu, sura temata na varao naa.
4Maa hije tomatapisi pa tuitui, me tolalaa na Leo.”
5Na Aso movei na vau teejieji; telavi Stiven, na tajua motavere hina rohoroho, hina Talume Tapu, me Vilip, Prokorus, Nikanor, Timon, Parmenas, Nikolas hi Antiok, mine na tajua hina Lotu hira Ju;
6Telavi ra tajua naa me ra Varisula, tematapisi me telavi na havera ta na rera.
7Palea na Leo hi Atua molaho tali, ra uluo temauri tavere tuitui me Jerusalem, ra prist ra tari telavi na Rohoroho.
8Stiven, motavere hina Talume Tapu me hauhaua, movera sanu uloulo me ra matamata me ra tanoho.
9Valura tajua hina pea hina lotu hira Ju, mine tetaha-varao tipa, na havui tepelahi, hire tajua Sairine, hire tajua Aleksantria, ra tajua me Silisia me Esia hi Romu, tejijijinia me Stiven.
10Tesapinisi husahusahi na sena pinisi tahajia me na talume hina rio molalaa.
11Natuha telavi ra tajua isei teaso, “Toroho inie moetieti suri Moses, suri Atua mono,”
12Tevera tanoho tepuripuri hire, ra varie, ra tahauliuli tesahamai mea, telavia malua me ra tahamata hira sanu tataholo.
13Telavi ra tajua tahalope numai “Tajua naa” teaso “tomoaso oso suri na pea hina Lotu, me ra Leo hauhaua,
14Torohoe moaso Iesu naa hi Nasaret movei na Vonae naa mojepo, moali ra sanu Moses moaso tovera.”
15Ra tahamata hira sanu tataholo vunuvunu teriopeturi Stiven, tereni na pahona pala pahoi enjel.

Highlight

Share

Copy

None

Want to have your highlights saved across all your devices? Sign up or sign in