Ra Vei Hira Yarisula 12
12
NA SOPENA 12.
1Me na rani natuha Moli Herot movaere veioso me ra valura uluo hi Iesu.
2Molosimete Jemes, tuahai Jon, hina jimi taha-paravu.
3Suria mopinisi ra Ju teejieji suria, molavi Piter mono (naa me na rani hina Pret mosasihe)
4Tau molavi Piter, Herot moputuhea me na pea hina haji-hajirira, mo-sulae me ra tajua hina jumu tesuhasuha vate sura mata nie: tau na Hanihani hina Lotu, momeje lavituhea me ra tanoho.
5Suria Piter tomotoho me na pea hina hajihajirira: maa ra uluo hi Atua tematapisi suria tuitui.
6Me na rani Herot momeje lavituhea, na pohi naa Piter monavu me na vuati tajua hina jumu morua, tehajiria hi na asi morua: ra tajua tahamata tetitoho taroroi me na riohouli.
7Vilehei na enjel hina Moli moturi taroroi mea, na rani motila me na pea. Na enjel movojae na pararana, moaurahai, moaso “Oimaraha vileahi.” Ra asi terajovi me ra havena.
8Na enjel moaso mea “oitalihe na sahisahimu, oijuri na pilam vonae hina em.” Movea. Moaso mea “oiriri na visivisimu, oilaho tahuu.”
9Moruhusivo, molaho tahuna; mosapinisi na sanu na enjel movea motaharahu; maa moninima monavuriorio.
10Tau terajivi ra majihana me ra vaharua tajua hina jumu, teramalua me na riohouli “airon” motaroroi me na vanua: na riohouli motapuna mapelaha: teraruhusivo, tera laho me na rio motea: vileahi na enjel molaho turea.
11Hisa Piter motapuna pinisia, moaso, “Varihi apinisi susuhi, na Moli mosula nilana enjel, molavituheau me Herot, me ra sanu ra Ju temejeira mono.”
12Tau moninima na sanu, momalua me na peai Mere, tinai Jon, na valuna hisena Mark; veae ra tajua ra tari tehuhurahi, tematapisi.
13Hisa Piter mojijirihi na riohoulh na paule-hajae, na hisena Rota, momalua sura rohoe.
14Hisa mopinisi na roroi Piter, moejieji, mosalahai na tilihoro morovo sura yaraira Piter moturi taroroi me na riohouli.
15Teaso mea, “Iniho na muha!” Maa tuitui moaso motaharahu. Natuha teaso “Inie na pilana enjel.”
16Maa Piter tomojijirihi, hisa telajiai na tilihoro terenia, temahamahai.
17Inie mohorohorora hina havena, movaraira paleve na Moli molavituhea me na pea hina hajihajirira. Moaso, “Otopise ra sanu naa me Jemes me ra tuahau.” Molaho, movano me na vanua nonoho.
18Na maso momaraha, ra tahajumu teuloulo veae Piter movano.
19Hisa Herot motiroe, mosapasuae, motuhara tahamata, moaso telosi meteira. Mosumai me Jutia, momalua me Seseria, tomotohoae.
20Herot mopuripuri tahajia ra tajua Tair me Saiton: hire vahatea tenumai mea, mine telavi Plastus na varese hira tahavarao hina, motuara, tetuha Herot toho na jumu; suria pilara ureure molavi na hara me na ureure hina moli.
21Me na rani itea Herot moriri na visivisina moli, mosihe me na sihesihena, molalaa ta mera.
22Ra tanoho teaso pati, “Mo-roroi sari, mosapilana tajua.”
23Vileahi na enjel hina Moli molosia suria mosaaso tahonai me Atua: ra olasi tehania, momate.
24Maa na Leo hi Atua movae motavere.
25Parnapas me Saul teraliliu ture Jerusalem, hisa terasori me na varao, teralavi Jon, na valuna hisena Mark, valuira.
Currently Selected:
Ra Vei Hira Yarisula 12: TLM9109
Highlight
Share
Copy
Want to have your highlights saved across all your devices? Sign up or sign in
This is a historic text maintained by the British and Foreign Bible Society.
