YouVersion Logo
Search Icon

Ra Vei Hira Yarisula 11

11
NA SOPENA 11.
1Ra Varisula me ra uluo hi Iesu me Jutia teroho ra lolopohitupu telavi na loei Atua.
2Hisa Piter momalua me Jerusalem ra Ju teaso jijiji ta mea,
3Teaso, Oilaho valui ra tajua tesatavetali, oihani valuira.
4Maa Piter movaere, movaraira ra sanu taha mine vunuvunu.
5Moaso, Atoho me na vanua Jawa, amatapisi, Anavu, areni me na navuriorio na sanu mopala na hapani mosumai me tailahi me na jihorna movate; mo-malua ta meau.
6Avusoia, aninima suria, areni ra tahamauri hina ulu, ra taha lalave, me ra manu.
7Aroho na rorona moaso meau, “Oilosi meteia, oihani.”
8Maa aaso, “Aue Moli; mine saite sanu mosahe me na vavau mosavoe.”
9Maa na rorona moaso liliu me taliahi. “Na sanu Atua move movoe, oitena aso mosavoe.”
10Naano movea vahatolu: tau vunuvunu mosahe me tailahi.
11Naano ra tajua motolu temalua me na pea veae atoho, motea mosulara temaraha me Seseria tenumai meau.
12Na talume movaraiau alaho valuira, asaine. Ra tajua molimarave naa te-laho valuiau, toruhusahamai me na peana.
13Mopiseja paleve moreni na enjel me na peana, isei momaraha moaso mea, “Oisulara tajua me Jawa, oiore Saimon, na valuna hisena Piter:
14Inie movaraija pa ra leo suria iniho me ra tajua hina peam tejolo.”
15Hisa aivaere lalaa, na Talume Tapu mosumai mera, palahi ta meja me na majihana.
16Natuha aninima na leo hina Moli, paleve moaso, Jon mopaptais me na pei: maa otopaptais pa me na Talume Tapu.
17Suria Atua morahu ta mera na rahuvuso palea morahu ta meja hisa torohoroho me na Varese, Iesu Kristo, Inau isei ahorohoro Atua?
18Hisa teroho na sanu naa, tesahorohoroe, teavi me Atua. Teaso, Me ra lolopohitupu mono, Atua morahu na jomi hina mauri.
19Ra tajua tevijaja suria na veioso mera, momaraha suri Stiven, telaho paravu me Venisia, Siprus, me Antiok, telalaa na leo mera Ju hasa.
20Valura hire te tajua hi Saiprus ine Sairine, ihisa temalua me Antiok, teaso me ra tajua hi Kris, tevaraira suri na Moli Iesui
21Na hauhaua hina Moli movaluira: ra tari ra tari terohordho, tetaha-perehera me na Moli.
22Ra uluo hi Iesume Jerusalem teroho ra sanu naa: tesula Parnapas sura vano me Antiok.
23Inie hisa momalua, moreni na sanu tahonai hi Atua, moejieji, movaraira na lolora vunuvunu tehiji-toho na Moli.
24Suria mo-tajua tahonai, motavere hina Talume Tapu, me na rohoroho: ra tajua ra tari tetoni hina Moli.
25Natuha Parnapas molaho me Tarsus, sura tiro Saul:
26Hisa mopasuae, molavia me Antiok. Suria momalua, terahuhurahi na tauni motea valuira uluo hi Iesu, terapise ra tajua ra tari. Majiha tejuri ra uluo hi Iesu “ra Kristian” me Antiok.
27Me na rani naa valura orovet temajuri me Jerusalem, tenumai me Antiok.
28Motea hire, na hisena Akapus, momalua me na tuiturituana Talume Tapu, moaso tau na marua tahajia momalua me na ulu vunuvunu, na marua momalua me na rani hi Klautius.
29Suria ra uluo hi Iesu vunuvunu terahuitiiti, teninima tesulana sanu sura tuiturituara Tuahara me Jutia,
30Tevea, tesulae me ra varese hina pea hina Lotu me Parnapas me Saul.

Highlight

Share

Copy

None

Want to have your highlights saved across all your devices? Sign up or sign in