YouVersion Logo
Search Icon

Ra Vei Hira Yarisula 10

10
NA SOPENA 10.
1Natuha me Seseria na tajua na hisena Kornelius, mo-kaptain hira taha-jumu hi Itali.
2Motahonai, molotu Atua, ra tajua hina pea mono, morahu ra sanu tari me ra tajua-tipa, momatapisi me Atua tuitui.
3Me na rani itea, taroroi na klok motolu, monavuriorio, moreni na enjel hi Atua momalua me na peana, moorea.
4Movusoia, me na ine tahajia, moaso, Na sava, Moli? Na enjel moaso mea, Pilam matapisi me pilam rahuvuso tetahonae me Atua.
5Oisulara tajua me Jawa, telavi na tajua na hisena Saimon, na valuna hisena Piter.
6Tomotoho valui Saimon na tahavarao-hiria-pinina; na peana motaroroi me na tasi.
7Hisa na enjel, isei moaso me Kornelius, molaho moore ra tahavarao morua, me na tahajumu mono, hire tevarao mea tuitui.
8Tau movaraira ra sanu vunuvunu naa, mosulara ne Jawa.
9Na novi maa, hisa ra tajua telaho me na rio, tetaroroi me na vanua tahajia, Piter mosahe me na vusuhana pea sura matapisi taroroi mo-masomaso.
10Tau momarahati, momeje na hana: hisa tevei vavanao na hanihani, monavu jumu turahi,
11Morena tailahi momaala, ra sanu mosumai mea mopala hapani tahajia, moauri me na jihorna movate, mosumai me na ulu.
12Me na lolona motea hire tahamauri vunuvunu, ra taha-lalave, ra manu.
13Na rorona moaso mea, “Oimaraha, Piter; oilosi meteia, pihani.”
14Maa Piter moaso, “Aue, Moli, mine asahani na sanu mosatahavoe, mosatahonai.”
15Natuha na rorona momalua tatea, vaharua, moaso, “Ra sanu Atua movea movoe, oitena aso mosavoe.”
16Vahatolu movea, natuha vileahi ra sanu vunuvunu tetasahe me na masau.
17Hisa Piter moninima sura sava na navuriorio morenia, ra tajua isei Kornelius mosulara, tetuhae na rio me na peai Saimon, temalua me na riohouli,
18Teaso pati vai Saimon, na valuna hisena Piter, tomotohoae.
19Piter moninima suri na navuriorio reji, hisa na Talume moaso mea:
20“Ra tajua rua teratiroho naano: suria oimaraha oisumai. Oilaho valuira, oitena ine: suria aisu-lara.”
21Natuha Piter mosumai me ra tajua isei Kornelius mosulara; moaso “Inau na tajua oratiro: sura sava oramalua?”
22Teraaso, “Kornelius na kaptain, na tajua tahonai, moine Atua, ra tajua ra Ju teninima motahonai, na enjel movaraia mosulae ta meho me na peana sura roho ra sanu oiaso.”
23Natuha movaraira teruhusahamai, morahu hara. Na novi maa Piter morovo ture valuira, na valura tajua hi Jawa tflaho valuira mono.
24Na novi maa teruhusumai me Seseria. Kornelius molohotira, moore ra tavu-hina me ra tuana.
25Hisa Piter moruhusahamai, Kornelius mopasu Piter, motiepau me ra ena Piter, molotu.
26Maa Piter moaurahai, moaso, “oimaraha, inau na tajua mono.”
27Molalaa mea, teraruhusahamai, teraoasu ra tajua ra tari.
28Moaso mera, “Otopinisi na Ju mosatuana, mosa malua me na tajua mosa-tajua hia: maa Atua mo-piseau aitena aso te tajua itea mosavoe.
29Suria amalua me amiu, asaaso Aue ihisa otosulae ta meau. Varihi atuhami-u sura sava otosulae ta meau?”
30“Na rani motolu mine, na klok mopaleano,” Kornilius moaso, atoho me na peau, amatapisi na klok motolu, vileahi na tajua na visivisina monunuera, momaraha me na pahou.
31Moaso, “Kornilius, Atua moroho na pilam matapisi, moninima ra sanu oirahutuhera.
32Oisulae me Jawa, oiore naano Saimon, na valuna hisena Piter; tomotoho me na peai Saimon na tahavarao hira pinina, taroroi me na tasi: inie, hisa momalua, moaso pa meho.”
33Vileahi asulae ta meho; motahonai oisumai. Varihi hije vunuvunu me na pahoi Atua, sura roho ra sanu vunuvunu Atua movaraiho oilalaa.
34Natuha Piter movaere: — “Motaharahu apinisi, Atua mosameje jivi te tajua itea me tuana.
35Maa me na osona ureure nonoho hire telotu mea, tevera sanu moaso, momejeira.
36Atua mosula na loena me ra tajua Israel, movaraira, me Iesu Kristo na leo tahonai hina tohotamautu. Iesu mo-varese hire tajua vunuvunu.
37Na leo natuha, aaso, otopinisi Jutia vunuvunu mopinisia, movaere me Kalili, tau na paptais Jon molalaa suria:
38Paleve Atua mosula na Talume Tapu me Iesu hi Nasaret me na sena hauhaua: isei molaholaho sura vei tahonai, movei hauhaua hire na tamate moveioso mera; suria Atua movaluia.
39Topinisi ra sanu vunuvunu naa movera me na ureure hire Ju, me Jerusalem mono; isei telosia, tejivilea me na hau palatusi.
40Atua movea motamaraha na pohi tolu, mopisea vahatari:
41Mosapisea mera tajua vunuvunu, maa me ra tajua Atua molavira, ta meja, tohani, to-oomia valuia tau motamaraha hi na mate.
42Movaraija tolalaa mera tanoho, tovaraira mono Atua molavia mo-Moli hira tajua taha-mauri me na tajua tahamate.
43Ra Provet vunuvunu teaso, me na hisena te tajua itea morohoroho mea, mo rahutuhe na pilana sanuoso.”
44Hisa Piter moaso ra leo naa, Na Talume Tapu mosumai me ra tajua vunuvunu teroho na leo.
45Ra Ju ra taha-tavetali isei terohoroho me hire vunu-vunu temalua valui Piterteuloulo suria na Talume Tapu mosumai mera lolopohitupu mono.
46Suria terohora teaso leo nonoho, teaso tahonai suri Atua. Natuha Piter moaso.
47Te tajua itea mohorohoroja tolavi na oei sura topaptaisira, suria telavi na Talume Tapu oala hije?
48Suria moaso tepaptaisira me na hisei Moli; tau tetuhae tomotoho valuna rani.

Highlight

Share

Copy

None

Want to have your highlights saved across all your devices? Sign up or sign in