Yona 3
3
Urukunusa nrima wa atthu o'Ninive
1Imaara yonayeeli nuulumo na Mwanene Nluku nahowa wa Yona niiraka: 2Wunwe ni urwee isittatti yuulupale cinene yo'Ninive, waahimyacereke atthu o'Ninive moolumo yuuhimyacenryaka. 3Yona aheetthenkaca, ahonwa toko caakhanlyawe ooruminya ni Mwanene Nluku. Ahorwaa uNinive. Ninive yaari isittatti yuulupale cinene yeettiya mahuku mararu uttupulaniha iriyariru. 4Yona ahophiya uNinive, aheetta nihuku nimoca alalyaka wiira: Anhala mahuku arupayini wiira Ninive akwanyulaciye.
5Vano atthu othene o'Ninive yahonkupali Nluku ni yahorukunusa mirima, ciicammo yaholeehana untthuka ramatani ukhuma atthu oolupale, mpaka acikani, othene yahommwaraca nakotto athoonyiheraka wiira ahorukunusa mirima caya. 6Mwene o'Ninive weewilyawe ni uyo ahonwa wahiceni wawe phurulaka ikuwo cawe cothene n'ummwara nakotto phunkomaka wattuurani. 7Ciicammo Mwene na ahooleli awe yahokumiha nlamulo nowaahimyacera atthu othene nsittatti wiira: Hikhale nohala ulya hata uwurya ukhuma atthu, inama coohuwiya, toko imope ni ikhontwaa, cihivahiye coolya ni maasi wala cihihuleliye cirwaka ulawiha coolya. 8Atthu othene ni inama cothene amware nakotto anlapele Nluku ni ikuru, arukunuse mirima caya ni uhiya coopanka caya coonanara cothene. 9Atthuna commo Nluku naahala unoonela ikiriri, ni urusiya wawe unaahala uvira ni khaninhala ukhwa.
10Nluku ahoona mananna cakhanlyaya oorukunusa mirima caya akhalaka oohiya coonanara caya ni Nluku khaahuvihile tho atthu ayo.
Currently Selected:
Yona 3: NNI
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
