Yona 2
2
1Vano Yona nari mmirimani mo'hopa ahonvekela Mwanene Nluku 2eeraka:
Mmahuvihoni mwaka kihokhuwelelani Mwanene Nluku
ni nhokaakhula.
Kinari mmirimani mwaya mahiye kihokhuwa,
ni nyu nheewa ncu naka.
3Nhokirihela mpahari mapuro owiisa cinene
ni kihokhala oorukureriya ni maasi
ni mawimpi moolupale othene yaavira waculu waka.
4Mi keera toko kihoomoliya wamiithoni winyu.
Akaacuwela wiira kaanhala woona tho inupa enyu ittakattifu.
5Maasi othene yahokikhuneela mpaka ukittiya iphumu;
ni ipahari yahokimirya
ni makukhu o mpahari yahokivilikelela mmuru.
6Kihokhuruwela mpaka vathi waya myaako,
mpaka ilapo ya atthu ookhwa
ni mikhora caya cahokitthukela mommo.
Nanso nyu nhokikumiha mapuro owiisa,
n'ukivaha ukumi,
Mwanene Nluku, Nluku aka!
7Uphavelaka nnepa aka urimela
mi kihowuupuwelelani nyu, Mwanene Nluku,
ni iswali caka cihowela warinyu,
mpaani mwinyu moottakattifihiya.
8Atthu anaavekela anluku oohimaana
anaahiya ikiriri ca Nluku.
9Nanso mi kinaahala uwiipelani macipo owusukuruni
ni wuuvahani itthuvo.
Kinkopanka ile yookhuluvelihilyakani.
Woopwa unkhuma wa Mwanene Nluku.
10Vano Mwanene Nluku aholamulela ihopa wiira inraphye Yona, ni Yona ahoraphenya ucenkweni.
Currently Selected:
Yona 2: NNI
Highlight
Share
Copy
Want to have your highlights saved across all your devices? Sign up or sign in
© 2021, Wycliffe Bible Translators, Inc. All rights reserved.
