Ошия 14
14
1 # 14:1 14:1-аят кейбір шетелдік аудармаларда 13:16 деп есептелгендіктен, 14-тараудың бұдан кейінгі аяттары бір санға артық. Құдайына мойынсұнбай қарсы шыққандары үшін Самарияның халқы#14:1 Яки: Солтүстік Исраилдің халқы (7:1; 8:5; 10:5,7). кінәларының кесірінен жазаланатын болады. Олар семсерден өледі. Жас балаларын жау жерге соғып өлтіріп, жүкті әйелдерінің іштерін жарады.
Құдайға қайтып келген халықтың молынан жарылқануы
2Уа, Исраил халқы, өз Құдайың Жаратқан Иеге қайта орал! Осылай күйрегеніңе өз күнәларың себепші болды. 3Кінәларыңды мойындайтын сөздер айтып, Жаратқан Иеге қайтып келіңдер! Оған былай деңдер:
— Барлық күнәларымызды кешіріп, бізді рақыммен қабылдай гөр! Саған аузымызбен мадақтау айтып, соны сый-тарту ретінде ұсынбақпыз.#14:3 Пат2 12:13; 24:10; Жыр 50:3-6,11-12; 68:30-32; Мих 7:19. 4Ассур бізді құтқара алмайды, біз атқа мініп, өз күшімізге де сенім артпаймыз. Бұдан былай өз қолымызбен жасаған бұйымға: «Біздің тәңіріміз!» деп табынбаймыз. Сенен ғана, уа, Жаратқан Ие, жетімдер рақым табады.
5— Мен оларды опасыз мінездерінен сауықтырып, өз мейіріміме сәйкес жақсы көремін. Себебі оларға деген қаһарым қайтты. 6Мен Исраилді жерге түскен шықтай сергітетін боламын. Сонда Исраил лалагүлдей жайнайды, әрі Ливан тауындағы самырсын ағаштарындай тамырларын тереңге жібереді. 7Исраилдің жас өркендері кең жайылып өседі. Ол зәйтүн ағашындай көрікті, ал хош иісі Ливан самырсынының жұпарындай болады. 8Халқым қайтып келіп, саямда#14:8 (Жыр 90:1-2; Ән 2:3) Немесе: оның саясында (Иш 32:1-2). тыныстап, дәнді дақылдай бітік өсіп,#14:8 Немесе: дәнді дақылдарды бітік өсіріп. жүзім бұтасындай гүлдейді. Сонда атағы жайылып, Ливан шарабындай кең танымал болады.
9Ефрем#14:9 Яғни Солтүстік Исраилдің халқы (4:17). сонда:
— Қойшы сол жалған тәңірлерді! — деп айтпақ. (Ал Мен мынадай жауап беремін:)
— Мен сені естіп, назарымда ұстаймын.
— Мен жайқалған арша ағашы сияқтымын.
— Сенің жеміс беруің Менің жарылқауыммен.
Қорытынды
10Кім бұларды ұғынатындай дана болады? Кімнің түсінігі бар болса, соларға көз жеткізеді. Жаратқан Иенің көрсеткен жолдары түзу, әділдер олармен жүретін болады, ал Иемізге қарсы бас көтергендер соларда сүрініп құлайды.
Currently Selected:
Ошия 14: КК 2010
Highlight
Share
Copy
Want to have your highlights saved across all your devices? Sign up or sign in
© Киелі Кітап, Қазақша аудармасы және көркемделуі «Орта Азия баспасы ЖШС», 1993, 1996, 2000, 2010, 2015, 2021.
