JOANES, NOPUKA AFASAO SORE, 1.
NOPUKA AFASAO SORE, 1.
1IA ta nontafito neinofo ta Fasao, ma ta Fasao neinofo ia Atua, ma ta Fasao aia ko Atua.
2Aia neinofo ia nontafito ia Atua.
3Ane iotshi aia neimna, ma jimra tase foci neimna ane tase.
4Ia aia aniamouri neinofo, ma aniamouri ra ko ta merama o tagata.
5Ma ta merama kotshi ta noneate i apouri, ma ta pouri sekeiromana iai.
6¶ Tasi tatane Atua nikowna, tshana neigo Joanes.
7Aia nimai tatane fakairo, keifakairo o ta Merama, pe tagatotshi neirogona aia ma fakarogorogo.
8Aia kojimra ta merama ra, kaia nikowna keifakairo o ta merama ra.
9Ta merama ra tamari, imna merama iotshi tagata koromai ia fanua wararonei.
10Aia neinofo ia fanua wararonei, ma aia neimna fanua wararonei ma ta fanua waronei sekeiromana aia.
11Aia nimai ia niana tagata, ma niana tagata sefakarogona aia.
12Kaia ia faru o acre nifakarogrogo aia, iacre neitufwa tomatua keimna acre untariki o Atua, iacre, fakarogrogo ia tshana neigo;
13Iacre sefarere o toto, mo o fenagaro o konouri, mo o fenagaro o tagata, kaia o Atua.
14Ta Fasao neimna ia tatane, ma neinofo iacime ma acime neicitia tshana noniate, ta noniate hepe o aia ana Tamana niamo, aia nifonu o karofa erefisa ma o ta mari.
15¶ Joanes nifakairo o aia, ma nikova, nokoutucua, Tenei aia avou nifasao o aia, Aia komai wamuri avou, aia sore kage avou; ma aia neinofo mokagi avou.
16Ma o tsahana kofonu neitufwa acitiotshi, ma karofa o tshana karofa.
17Ma ta fasao tapu neitufwa ia Moses, kaia karofa ma tamari niromai ia Iesu Kristo.
18Jimra tasi tatane neicitia Atua ituai mo milow wararonei, ta Nontariki tasi ana, aia neinofo ia ta fatfata o Tamana, aia nifakairo tagata o aia.
19¶ Tenei fasao Joanes neitucua iateia, nopogera tagata Juteia nikowna fakow tapu ma fakow o Livai ia Jerusaiem keifakowia aia, Akoi akai?
20Aia neitucua, ma sekoveteia; kaia neitucua, Avou jimra ta Kristo.
21Acre nifakowia aia, Tiaha? Akoi Elija mo? Aia neitucua, avou jimra aia. Akoi ta profeta ra mo jimra? Aia neitucua, Jimra.
22Iai acre neitucua iateia, Akoi akai? pe acime fakairo acre nikowna acime. Taha akoi koutucua akai akoi?
23Aia neitucua, Avou ta norio o tasi nokotapa ia tugogou, Penpena totonu ta teretu o Ihova, hepe ta profeta Aiseia neitucua.
24Ma acre nikowna iateia faru o tagata Afarasi.
25Acre nifakowia aia, neitucua iateia, Tiaha akoi baptiso tagata, pe akoi jimra ta Kristo ra, mo Elaija, ma jimra tera profeta.
26Joanes nifasao iacre, nokoutucua, Avou baptiso acowa ia tavai; kaia tasi kotu iacowa, ma acowa puspusi aia.
27Aia nikomai wamuri avou, ma sore kage avou, ta vava fousia tshana shu avou sorefia eiveteia.
28Ane iotshi ra neitucua ia Bethabara nokofagi Jortan, iai Joanes nokobaptiso.
29¶ Nopoge wamuri ra Joanes neicitia Iesu nokomai iateia, ma neitucua, Kowcitia ta Lam o Atua, aia amke ane isa o iafanua wararonei.
30Tenei aia avou neitucua o aia, Wamuri avou tasi nokomai, aia sore kage avou, ma aia neinofo, mokagi avou.
31Ma avou sekeiromana aia, kaia kefakairo tagata Isreil kowcitia aia, avou nimai nokobaptiso ia tavai.
32Joanes nifakairo, nokoutucua, Avou neicitia ta Nokano TAPU nokofanifo ia taragi hepe tasi tafoitu, ma aia neinofo iluga aia.
33Ma avou seiromana aia; kaia aia nihowna avou keibaptiso ia tavai, aia neitucua iatavou. Ia aia akoi kacitia ta Nokano TAPU nokofanifo, ma nokonofo iluga aia, aia baptiso ia Nokano TAPU.
34Ma avou neicitia, ma nifasao nokoutucua pe tenei ta Nontariki o Atua.
35¶ Foci ia nopoge wamuri ra Joanes kotu ma erua niana tagata aia nifakairo;
36Ma nokoucitia Iesu hepe aia nitakaro, aia neitucua, kowcitia ta Lam o Atua!
37Tagata erua aia nifakairo, neirogona aia nifasao, ma acrawa niroro wamuri Iesu.
38Iesu nitafuri, neicitia acrawa nokororo wamuri aia, ma neitucua iacrawa, Taha akorua nokosara? Acrawa neitucua iateia, Rabai nokano tafaso ra, Teriki fakairo, akoi konofo none wehe?
39Aia neitucua iacrawa. Koromai ma kowcitia. Acrawa niromai ma neicitia none aia neinofo iai, ma acrawa neinofo iateia nopage ra; ma aia itata fiafi mai.
40Tasi o acrawa neirogona Joanes nifasao, ma nifano wamuri, aia Antreus, ta noso o Saimona Pitrus.
41Aia mokagi neicitia tshana noso Saimona, ma neitucua iateia, Acime neicitia ta Mesaia, nokano tira, ta Kristo.
42Aia niarafia aia ia Iesu. Ma nopagera Iesu neicitia aia, aia neitucua, Akoi Saimona ta nontariki o Jona; katapa neigo tshow Sifas, nokano neigo tira, Ta fatu.
43¶ Nopoge wamurira Iesu nifeke nifano ia Calili, ma neicitia Filipos, ma neitucua iateia, Komai wamuri avou.
44Filipos neinofo in Bethseta, ta tumrai o Antreus ma Pitrus.
45Filipos neicitia Nathaneil, ma neitucua iateia, Acime neicitia aia, o aia Moses ia ta fasao tapu, ma aprofeta neiserea tatapuria, Iesu o Nasareth, ta nontariki o Josef.
46Nathaneil neitucua iateia, Tasi ane erefisa komai ia Nasareth mo? Filipos neitucua iateia, Komai ma kowcitia.
47Iesu neicitia Nathaneil nokomai iateia, ma neitucua o aia, Kowcitia tasi tane o Isreil tamari Korefu semune ia tshana roto!
48Nathaneil neitucua iateia, Tiaha akoi keiro avou? Iesu nifasao neitucua iateia, Mokagi Filipos nitapa akoi, iai akoi neinofo iraro ta tsharupe, Avou neicitia akoi.
49Nathaneil nifasao neitucua iateia, Teriki fakairo, akoi ta Nontariki o Atua; akoi ta Teriki o tagata Isreil.
50Iesu nifaso neitucua iateia, Anera avou neitucua iatakoi, Avou neicitia akoi iraro ta tsharupe, akoi fakarogrogo mo? akoi kacitia ane sore kage ra wamuri nei.
51Ma aia neitucua iateia, Tamari, tamari, avou koutucua iatakoi, Wamuri nei acowa kacitia taragi katshice, ma agelo o Atua nokonace ma nokofanifo ia ta Nontariki o tagata.
Currently Selected:
JOANES, NOPUKA AFASAO SORE, 1.: ANT
Highlight
Share
Copy
Want to have your highlights saved across all your devices? Sign up or sign in