Senesi 36

Sakoga o Esau (Etome)

1Ko leinei le sakoga o Esau, leia ko Etome.

2Na avaga loa Esau mo ni taineliki o Kanaane : Ko Ata, taine o le tagata Eti ko Eloni ; mo Olipama, taine o Ana, taine o le tagata Evi ko Sipeoni ; 3ti mo Pasemati, taine o Isemaele, tuagaane o Nepasote. 4Na fanaui loa e Ata kia Esau a Elifasi ; ti na fanaui loa e Pasemati a Leuele ; 5Na fanaui loa e Olipama a Seuse, mo Saelame, mo Kole. Ko vosa ana o Esau ala na tupu kiate ia i le fenua o Kanaane. 6Na ave loa e Esau ana avaga, mo ona vosa, mo ona taineliki, mo lona kau kaiga katoa, mo ana kau pipi, mo ana kau ovi, mo ana kau koti, ti mo ona koloa fuli ala na maua e ia i le fenua o Kanaane, ti na ano loa a ia ki se tasi ake fenua kese, ke mamao mei lona taina ko Sakopo. 7Talie na lasi ai ola koloa, ti na leaise koi mafai ke la nofo fakatasi, ti na leaise koi feauga loa le fenua leia na la nofo ai ki ala kau manu.

8Na nofo loa Esau i le mauga o Seili. Ko Esau, ko Etome a ia.

9Ko leinei le sakoga o Esau, tamana o Etome, leia na nofo i le mauga o Seili. 10Ko nei a igoa o vosa o Esau : Ko Elifasi, tama o lana avaga ko Ata ; mo Leuele, tama o lana avaga ko Pasemati. 11Ko vosa o Elifasi : ko Temane, mo Omale, mo Tesefo, mo Katami, mo Kenasi. 12Ti ko Timina ko le tinifu o le vosa o Esau ko Elifasi ; na fanaui loa e ia kia Elifasi a Amaleke. Ko vosa ana o Esau kia Ata. 13Ko nei a vosa o Leuele : Ko Naate, mo Selake, mo Sama, mo Misa. Ko vosa ana o Esau ki lana avaga ko Pasemati. 14Ko nei a vosa o Olipama, taine o Ana, taine o Sipeoni. Na fanaui loa e ia kia Esau a Seuse, mo Salami, mo Kole.

15Ko nei a aliki ala na sosolo mei vosa o Esau. Ko aliki ala na sosolo mei le vosa uluaki o Esau ko Elifasi : ko le aliki ko Temane, mo le aliki ko Omale, mo le aliki ko Tesefo, mo le aliki ko Kenasi, 16mo le aliki ko Kole, mo le aliki ko Katami, mo le aliki ko Amaleke. Ko aliki ana na sosolo meia Elifasi, i le fenua o Etome. Ko vosa ana o Esau ki lana avaga ko Ata. 17Ko nei a vosa o Leuele, vosa o Esau : Ko le pule ko Naate, mo le pule ko Selake, mo le pule ko Sama, mo le pule ko Misa. Ko pule ana na sosolo meia Leuele, i le fenua o Etome. Ko vosa ana o Esau ki lana avaga ko Pasemati. 18Ko nei a aliki ala na sosolo mei vosa o le avaga o Esau ko Olipama : Ko le pule ko Seuse, mo le pule ko Saelame, mo le pule ko Kole. Ko pule ana na sosolo mei le avaga o Esau ko Olipama, taine o Ana.

19Ko vosa ana o Esau, ala na liliu ko aliki o Etome. Ko Esau ko Etome.

20Ko nei a vosa o Seili, ko le tagata Oli, ala na uluaki nonofo i le fenua : ko Lotane, mo Sopale, mo Sipeoni, mo Ana, 21mo Tisoni, mo Etesele, mo Tisani. Ko aliki ana o le kau Oli, ko vosa o Seili, i le fenua o Etome. 22Ko vosa o Lotane ko Oli mo Emami. Ko le tuagaane o Lotane ko Timina. 23Ko nei a vosa o Sopale : Ko Alevane, mo Manaate, mo Epale, mo Sefo, mo Onama. 24Ko nei a vosa o Sipeoni : ko Asa mo Ana. Ko le Ana lena leia na maua ia a matapuna vai vevela i le toafa, i lana tausi a asino o lona tamana ko Sipeoni. 25Ko nei a fanau a Ana : Ko Tisoni mo le taine ko Olipama. 26Ko nei a vosa o Tisoni : Ko Emitani, mo Esipani, mo Sitilane, mo Kelane. 27Ko nei a vosa o Etesele : Ko Pilane, mo Saavane, mo Akane. 28Ko nei a vosa o Tisani : Ko Usi mo Alane.

29Ko nei a aliki o le kau Oli : Ko le aliki ko Lotane, mo le aliki ko Sopale, mo le aliki ko Sipeoni, mo le aliki ko Ana,

30mo le aliki ko Tisoni, mo le aliki ko Etesele, mo le aliki ko Tisani. Ko aliki ana o le kau Oli, ala na lotou maua i le fenua o Seili.

31Ko nei a sau ala na pule i le fenua o Etome, i mua o le fakanofo o se sau ki fanau o Iselaele. 32Ko Pela, ko le vosa o Peoli, na sau loa i Etome, ti ko le igoa o lona kolo ko Tinapa. 33Na mate loa a Pela, ti na sau loa a Sopape, ko le vosa o Selake mei Potisela, o fetogi a ia. 34Na mate loa Sopape, ti na sau loa a Usami, mei le fenua o le kau Temane, o fetogi a ia. 35Na mate loa Usani, ti na sau loa Atati, ko le vosa Petate, o fetogi a ia. Ko ia lena na tamate ia loa a Matiane i faisaga o Moape. Ko le igoa o lona kolo ko Aviti. 36Na mate loa Atati, ti na sau loa Samela mei Masileka, o fetogi a ia. 37Na mate loa Samela, ti na sau loa Saulo mei Leopoti i le vaitafe, o fetogi a ia. 38Na mate loa Saulo, ti na sau loa Paale-Anani, vosa o Akepole, o fetogi a ia. 39Na mate loa Paale-Anani, vosa o Akepole, ti na sau loa Atale, o fetogi a ia. Ko le igoa o lona kolo ko Pau ; ti ko le igoa o lana avaga ko Mesetapeele, ko le taine o Mateleti, ti ko le makopuna o Mesapi.

40Ko nei a igoa o aliki ala na sosolo meia Esau, o mulimuli ki olatou famili, mo olatou kele, ti mo olatou igoa : Ko le aliki ko Timina, mo le aliki ko Aliva, mo le aliki ko Seteti, 41mo le aliki ko Olipama, mo le aliki ko Ela, mo le aliki ko Pinone, 42mo le aliki ko Kenasi, mo le aliki ko Temane, mo le aliki ko Mipisali, 43mo le aliki ko Maketiele, mo le aliki ko Ilame. Ko aliki ana o Etome, o mulimuli ki olatou nofoaga i le fenua leia na lotou maua. Ko lena Esau, ko le tamana o Etome.

Currently Selected:

Senesi 36: FB2000

Highlight

Copy