1 Mose 19
19
1Ni *bo̱foi enyo̱ le̱ še̱ Sodom gbe̱ke̱ mli; ni Lot tá Sodom agbó le̱ mli. Ni beni Lot naame̱ le̱, ete ši ni eke̱ame̱ yakpe, ni ekoto ši eke̱ ehĩe bu ši, *18,22.
2ni ekē̱: Na, minuṅtšo̱mei, mīkpanye fai, nyebagbalea nyetšũlo̱ we le̱, ni nyebatoa ši nyõ ne̱ṅ, ni nyefo̱ nyenãdši ahe, ni nyete ši mãṅkẽ mrã kē̱-yanyie nyegbe̱ le̱. Si ome̱kē̱: Dabida, wo̱o̱wo̱ blohũ le̱ṅ.
3Ni ehĩeame̱ āhũ; ni ame̱bagbale eṅõ, ni ame̱bote ewe le̱; ni efe niyenii ehãame̱, ni ešã akpĩtĩ, ni ame̱ye.
4Ši dãni ame̱ayakãmo̱ ši le̱, mã le̱ṅ hĩĩ ni dši Sodom hĩĩ le̱, oblahĩĩ ke̱ hĩmedši fẽ, maṅ mūt le̱ fẽ dše̱ hefẽhe baho̱le šĩa le̱ ke̱-kpe;
5ni ame̱batšé̱ Lot ni ame̱kē̱le̱ ake̱: Nẽgbe̱ hĩĩ ni ba oṅõ nyõ ne̱ṅ le̱ yo̱? Dšiemo̱ame̱ ohãwo̱, koni wo̱leame̱!
6Ni Lot dše kpo eba ame̱ṅõ ye̱ šĩnā le̱ ši, ni eṅmẽ šĩnā le̱ mli;
7ni ekē̱: Mīkpanye fai, anyemimei, nyekafea efõṅ ne̱ke̱!
8Na, miye̱ biyei enyo̱ ni náko ale nū; nyehãa mike̱ame̱ adšea kpo abahãanye, ni nyefeaame̱, bo̱ni sa nyehĩe; ši ne̱ke̱ hĩĩ ne̱ ke̱ke̱ ni nyekafeaame̱ noko, edšake̱ nohewo̱ ni ame̱ba mikpata ši hō̃ṅ le̱ mli ne̱.
9Ni ame̱kē̱: Dše dše̱i! Ni ame̱kē̱: Gbomo kome ne̱ ebatowo̱ gbo̱, ni ētao efe ehe kodšolo̱! Agbe̱ne̱ wo̱ke̱ bo moṅ baye sane fõṅ fèame̱! Ni *ame̱hĩe nū le̱ ni dši Lot le̱ sõisōi āhũ, ni ame̱tši ame̱ba šĩnā le̱ dſãramo̱. *2 Pet. 2,7. 8.
10Ši hlĩ le̱ kpã ame̱nine mli ni ame̱ša Lot ke̱-ba ame̱ṅõ ye̱ šĩa le̱, ni ame̱ṅmẽ šĩṅā le̱ mli.
11Ni hĩĩ le̱ ní damo̱ šĩa le̱ šĩnā le̱ nā le̱, *ame̱ſila ame̱hĩṅme̱ii, mei bibii ke̱ mei wudši fẽ, ni šĩnā le̱ nā gbe̱ taomo̱ to̱ame̱. *2 Maṅ. 6,18.
12Ni hĩĩ le̱ kē̱ Lot ake̱: Ani oye̱ moko ye̱ se̱ ye̱ bie̱ tamo̱ šānā ko ke̱ bihĩĩ ke̱ biyei ke̱ mofẽmo ni dši omo ye̱ mã le̱ṅ lo? oke̱ame̱ adše bie̱;
13ši wo̱bakpãtã bie̱ hĩe, edšake̱ *ame̱blo̱mo̱ le̱ nā ewa ye̱ Iehowa hĩe; ni Iehowa tšũwo̱, koni wo̱bakpātã ame̱hĩe. *18,20.
14Ni Lot dše kpo ni eke̱ ešãhĩmei le̱ ní baw̌e̱ ebiyei le̱ wie ekē̱: Nyetea ši *nyedšea bie̱ ne̱, ši Iehowa bakpãtã maṅ ne̱ hĩe! Ši etamo̱ moni yeo̱ fe̱o ye̱ ešāhĩmei le̱ ahĩe. *4 Mose 16,21.
15Ni beni dše tše̱re le̱, bo̱foi le̱ tšire̱ Lot yi se̱, ni ame̱kē̱: Te ši, ṅõ oṅã ke̱ obiyei enyo̱ ni yo̱ bie̱ le̱, koni akalōo aſie ye̱ maṅ le̱ nõša le̱ mli.
16Ni beni elilaä ši le̱, hĩĩ le̱ mõmo̱le̱ ke̱ eṅã ke̱ ebiyei enyo̱ le̱ anidši aši, edšake̱ Iehowa mībā eyi, ni ame̱ke̱le̱ dše kpo, ni ame̱bašĩle̱ ye̱ mã le̱ agbó le̱ nā.
17Ni eba mli ake̱, beni ame̱ke̱ame̱ edše kpo le̱, ekē̱: Dšo foi ni ohere osusuma yiwala, kākwe̱ ose̱ ni kāwa ye̱ bie̱ niiaṅ hekoheko; dšo foi ke̱-ya goṅ le̱ ne̱, koni akalōo aſie! Mat. 24,16.
18Ši Lot kē̱ame̱ ake̱: Ō, akabale̱ nakai, mi-Nuṅtšo̱!
19Na, otšũlo̱ hĩe eba nyam ye̱ ohĩe, ni ohã omo̱bo̱ ni onami le̱ efá ye̱ mino̱, ake̱-ni ohere misusuma yiwala le̱; ni mi le̱ minyẽṅ foi madše ke̱-ya goṅ le̱ no̱; aleenõ noko ſṍṅ ko aabafemi, ni magbo.
20Na, ne̱ke̱ maṅ ne̱ be̱ṅke̱, bo̱ni aadšo foi ke̱-ate dše̱i, ni no edaa; hã madšo foi ke̱-ya dše̱i; ani dšee bibiō ni? ni misusuma yi aná wala.
21Ni ekē̱le̱ ake̱: Na, miwo ohĩe nyam ye̱ ne̱ke̱ sane ne̱ hū mli, ni mibutuṅ maṅ ni owie he ne̱.
22Ohe afe oyá ni odšo foi ke̱-ya dše̱i; edšake̱ minyẽṅ noko mafe, ake̱ dša obote dše̱i dã. Nohewo̱ le̱ atšé̱o̱ maṅ le̱ gbe̱i ake̱ Zoar.
23Ni hũlũdšē mli pe̱ Lot bote Zoar.
24Ke̱ke̱ ni Iehowa hã swō̱ ke̱ la ne̱ ke̱-dše̱ Iehowa ṅõ ye̱ ṅwei eſie Sodom ke̱ Gomora no̱, 5 Mose 29,22. Lal. 11,6. Amos 4,11. Luk. 17,29. 2 Pet. 2,6. Ies. 1,9. 10; 13,19.
25ni ebutu ne̱ke̱ mãdši ne̱ ke̱ dše̱i niiaṅ fẽ ke̱ mãdši le̱ amli bii fẽ ke̱ šikpoṅ le̱ no̱ nibii ni ekwẽkwẽi le̱.
26Ši eṅã le̱ kwe̱ ese̱, ni etšṍ ṅōkpo̱ ni mã ši. Luk. 17,32.
27Ni Abraham te ši lebi mā̃ṅkpa ete heni edamo̱ Iehowa hĩe ye̱ le̱;
28ni etšṍ ehĩe ehã Sodom ke̱ Gomora ke̱ dše̱i niiaṅ šikpoṅ kutũ le̱ fẽ, ni ekwe̱, ni na, šikpoṅ le̱ no̱ lasũ mīte ši take̱ flõnõṅ lasũ,
29Ni eba mli ake̱, beni Nyoṅmo̱ kpãtã mãdši ni yo̱ dše̱i niiaṅ kutũ le̱ ahĩe le̱, Nyoṅmo̱ kai Abraham ni edšie Lot ke̱-dše butumo̱ le̱ mli, beni ebutu mãdši le̱ ni Lot hī mli le̱.
30Ni Lot dše Zoar, ni eke̱ ebiyei enyo̱ le̱ yahĩ goṅ le̱ no̱, edšake̱ ẽše Zoar hĩle̱ gbeyei; ni eyahĩ te̱kplo ko mli, le̱ ke̱ ebiyei enyo̱ le̱.
31Ke̱ke̱ ni onukpa le̱ kē̱ gbekẽ le̱ ake̱: Wo̱tše̱ egbo̱, ni nū ko be̱ šikpoṅ le̱ no̱, ni aaba wo̱ṅõ, take̱ bo̱ni afeo̱ ye̱ šikpoṅ le̱ fẽ no̱ le̱;
32ba, hã ni wo̱hã wo̱tše̱ wein enu, ni *wo̱ke̱le̱ awo̱, koni wo̱ke̱ wo̱tše̱ afo̱ bii. *3 Mose 18,7.
33Ni ame̱hã ame̱tše̱ wein enu nakai nyō le̱ṅ; ni onukpa le̱ yiṅ te, ni eke̱ etše̱ yawo̱; ni elee ešikãmo̱ mli lo ešitē mli.
34Ni dšetše̱reno̱ lebi le̱ eba mli ake̱ onukpa le̱ kē̱ gbekẽ lē̱ akē̱; Na, nye nyōṅ le̱ mike̱ mitše̱ yawo̱; hã ni wo̱hãle̱ wein enu nyō ne̱ṅ hũ, ni bo hũ oya oke̱le̱ ayawo̱, koni wo̱ke̱ we̱tše̱ afo̱ bii.
35Ni ame̱hã ame̱tše̱ wein enu nakai nyō le̱ṅ hũ; ni gbekẽ le̱ hũ yiṅ te, ni eke̱le̱ yawo̱; ni elee ešikãmo̱ mli lo ešitē mli.
36Bo̱ni fe ni Lot biyei enyo̱ le̱ ke̱ ame̱tše̱ ná mũsũ ne̱.
37Ni kromo̱bi le̱ fo̱ binū, ni ewole̱ gbē̱i ake̱ Moab; le̱ dši Moabbii le̱ atše̱ ke̱-baši ṅme̱ne̱. 3 Mose 2,9.
38Ni gbekẽ le̱ hũ fo̱ binū, ni ewole̱ gbe̱i ake̱ Ben-Ami; le̱ dši Amonbii le̱ atše̱ ke̱ ṅme̱ne̱. 5 Mose 2,19.
Currently Selected:
1 Mose 19: GBV96
Highlight
Share
Copy
Want to have your highlights saved across all your devices? Sign up or sign in
The Bible in Ga © Bible Society of Ghana, 1896, 1992.
