Bo̱foi le sãdši 5
5
1Ši nū ko ni atšé̱o̱le̱ Anania ke̱ eṅã Safira le̱ yahõ šikpoṅ ko,
2ni eke̱ yinii le̱ fã ko to se̱, ni eṅã hũ le mli, ni eke̱ fã ko ba ni *eke̱-baſie bo̱foi le̱ anãdši anā. *4,37.
3Ši Petro kē̱: Anania, mẽba *satan yi otšuiṅ obõ, ni omale otšõ Mumo̱ kroṅkroṅ le̱, ni oke̱ šikpoṅ le̱ yinii le̱ fã ko to se̱? *Ioh. 13,2.
4Ani beni eyo̱ le̱, dšee onõ ni? ni beni ohõ hũ le̱, dšee ohewale̱ mli eyo̱! Mẽba odſëṅ ne̱ke̱ noko ye̱ otšui mli? Dšee gbomei omale otšõ ne̱, ši Nyoṅmo̱ moṅ ni.
5Ni beni Anania nu ne̱ke̱ wiemo̱i ne̱, egbē ši, ni egbo. Ni gbeyei kple mõmo̱ mei fẽ ní nu le̱.
6Ni oblahĩĩ le̱ te ši, ni ame̱basāle̱, ni ame̱wóle̱ ke̱-dše kpo ni ame̱yafũle̱.
7Ni aafe ṅmle̱tſāi etẽ se̱ le̱, eba mli ake̱, eṅã hũ ní lee nõ sane ní eba le̱ ba dše̱i.
8Ni Petro bile̱ ake̱: Kē̱mo̱mi, ani bo̱ni nyehõ šikpoṅ le̱ nyehé ne̱? Ni ekē̱: Hẽ, ne̱ke̱ṅ.
9Ke̱ke̱ ni Petro kē̱le̱ ake̱: Té tēṅ ní nyefe ekome ni nyeka Nuṅtšo̱ le̱ Mumo̱ le̱ ne̱? Na, mei ní te yāfũ owù le̱ anãdši yo̱ šĩnā le̱ nā le̱, ní ame̱awó bo hũ ke̱-ate.
10Ke̱ke̱ ni amrõ le̱ noṅṅ egbē ši ye̱ enãdši anā, ni egbo. Ni beni oblahĩĩ le̱ ba ni ame̱bana ake̱ egbo le̱, ame̱wóle̱ ke̱-te, ni ame̱yafũle̱ ye̱ ewù le̱ mase̱i.
11Ni gbeyei kpeteṅkple mõ asafo mū le̱ fẽ ke̱ mei fè ni nu nii ne̱.
12Ši atšṍ bo̱foi le̱ ānidši ano̱ afe okadii ke̱ nākpenii pī ye̱ maṅ le̱ mli; ni ame̱fẽ ame̱ke̱ dſẽṅmo̱ kome hĩ *Salomo ablanā le̱ no̱. *3,11.
13Ši mei ní eſe̱ le̱ ateṅ mokomoko ekaa ake̱ eke̱ yiṅ fle̱fle̱ aayakpe̱te̱ ame̱he, ši maṅ le̱ buo̱ame̱ naakpa.
14Ni asaṅ ake̱ mei ní heo̱ Nuṅtšo̱ le̱ no̱ yeo̱, hĩĩ ke̱ yei babaō, bafata ame̱he, 2,47; 6,7.
15āhũ po ní aholeo̱ helatše̱mei ke̱-baã blohũi amli abaſieo̱ sāi ke̱ sātšei ano̱, koni, ké̱ Petro mīho le̱, ehe hõṅ ke̱ke̱ atšṍ ame̱teṅ meikomei ano̱. 19,11. 12.
16Ni mei pī dše̱ mãdši ní dſere Ierusalem hewo̱ le̱ amli babua ame̱he nā, ni ame̱hĩe helatše̱mei ke̱ mei ní mumo̱i fõdši haoo̱ame̱ ke̱-ba, ni atšáame̱ fẽ.
17Ke̱ke̱ ni *oso̱fonukpa le̱ te ši ke̱ mei fẽ ní ke̱le̱ yo̱ ní dši Sadukifoi le̱ akū le̱, ni ame̱hĩe edo̱ dientše̱, *4,1. 6.
18ni ame̱bamõmo̱ bo̱foi le̱, ni ame̱yawo-ame̱ maṅ kpabuṅ.
19Ši nyōṅ le̱ Nuṅtšo̱ le̱ *bo̱fo bagble tšũ le̱ šĩnāi le̱, ni edšieame̱ ekē̱: *12,7.
20Nyeyaä so̱lemo̱we le̱ nyeyadamo̱a ši nyedšadšea ne̱ke̱ wala ne̱ wiemo̱i le̱ fẽ nyetšõa maṅ le̱!
21Ni beni amenu le̱, ame̱yiṅ lebi mā̃ṅkpa ame̱te so̱lemo̱we le̱ ame̱yatšõ nii. Agbe̱ne̱ oso̱fonukpa le̱ ke̱ mei ni ke̱le̱ yo̱ le̱ ba ni ame̱batšé̱ akuašoṅ le̱ ke̱ Israelbii le̱ anukpai le̱ fẽ ke̱-kpe, ni ame̱tšū ke̱-te tšũ le̱ṅ koni ayadšieame̱ ke̱-ba.
22Ši beni oblafoi le̱ ba dše̱i le̱, ame̱naa-ame̱ ye̱ tšũ le̱ṅ ni ame̱kũ ame̱se̱ ame̱bagba
23ake̱: Tšũ le̱ wo̱na ake̱ aṅã́ nā kpẽṅṅ, ni bulo̱i le̱ hũ damo̱ šĩnāi le̱ anā; ši beni wo̱gble le̱, wo̱naa moko ye̱ mli.
24Ši beni oso̱fo le̱ ke̱ so̱lemo̱we le̱ asafoiatše̱ le̱ ke̱ oso̱fonukpai le̱ nu ne̱ke̱ wiemo̱i ne̱, ame̱hĩe feame̱ yā ye̱ ame̱hewo̱, ake̱ té ene̱ nā yakpa tẽṅ?
25Ni moko ba bagbaame̱ ake̱: Na, hĩĩ le̱ ní nyeṅõ-wo tšũṅ le̱ damo̱ ši ye̱ so̱lemo̱we le̱ mītšõ maṅ le̱ nii.
26Ke̱ke̱ ni asafoiatše̱ le̱ ke̱ oblafoi le̱ yiṅ ni ame̱yakplaame̱ ke̱-ba, dšee ekã nā, edšake̱ ame̱mĩše maṅ le̱ gbeyei, ní akabatſiaame̱ te̱i.
27Ni beni ame̱ke̱ame̱ ba le̱ ame̱ke̱ame̱ badamo̱ akuašoṅ le̱ hĩe; ni oso̱fonukpa le̱ biame̱
28ake̱: *Ani dšee kitã wo̱wonye dikadika ake̱ nyekatšõ nii ye̱ ne̱ke̱ gbei ne̱ ano̱ le̱? ni na, nyehã Ierusalem eyi obõ ke̱ nyetšõmo̱ le̱, ni nyemītao ake̱ nyeke̱ ne̱ke̱ nū ne̱ †lá le baä wo̱no̱. *4,18. †Mat. 27,25.
29Ši Petro ke̱ bo̱foi le̱ here no̱ ni ame̱kē̱: Esa ake̱ aboo̱ Nyoṅmo̱ moṅ toi fē gbomei. 5,12. Dan. 3.18.
30Iesu ní nyese̱ṅle̱ ye̱ tšo no̱ ní nyegbele̱ le̱, wo̱tše̱mei a-Nyoṅmo̱ le̱ tēle̱ ši; 3,15.
31le̱ eno̱ Nyoṅmo̱ *wó ke̱-te eninedšŭrõ no̱, ni ewole̱ lumo̱ ke̱ walaherelo̱, koni eṅõ tšuitšakemo̱ ke̱ ešaifā ehã Israel. *2,38.
32Ni *wo̱dši ne̱ke̱ sãdši ne̱ ahe odasefoi, nakai noṅṅ dši Mumo̱ kroṅkroṅ le̱ hũ ni Nyoṅmo̱ ṅõ-hã mei ní boo̱le̱ toi le̱. *Luk. 24,48. Ioh. 15,26. 27.
33Ši beni amenu le̱, eflo̱ ame̱tšuiaṅ, ni ame̱to ame̱yiṅ ake̱ ame̱agbeame̱. 7,54.
34Ši Farisifonyo ko ní atšé̱o̱le̱ *Gamaliel, mlatšõlo̱ ni maṅ le̱ fẽ buo̱le̱ le̱, te ši damo̱ ši ye̱ akuašoṅ le̱ teṅ, ni efã́ ake̱ ake̱ bo̱foi le̱ adše kpo fiō, *22,3.
35ni eke̱ame̱ ake̱: Atāmei Israelbii, nyehũmia ši ye̱ ne̱ke̱ gbomei ne̱ ahewo̱, bo̱ni nyeke̱ame̱ aaye ahã.
36Edšake̱ nyese̱ ne̱ Teuda te ši ni ekē̱ ake̱ moko dšile̱, ni hĩĩ aafe ohai-edſe̱ ke̱ ame̱he yakpe̱te̱ ehe; ši agbele̱, ni mei abo̱ ní bole̱ toi le̱ fẽ gbe̱ ſã ni ame̱yi he̱ ši.
37Mone̱ se̱ le̱ Iuda, Galileanyo le̱, te ši ye̱ mei-akanemo̱ gbĩĩ le̱ amli, ní egbla asafo babaō eſie ese̱; le̱ hũ ehĩe kpãtã, ni mei ní bole̱ toi le̱ fẽ hũ gbe̱ ſã.
38Nohewo le̱ mīkē̱nye ake̱: Nyeṅmē̃a ne̱ke̱ gbomei ne̱ ahe ni nyekadia ame̱se̱; edšake̱ *ké̱ gbomei adeṅ ne̱ke̱ yiṅtō ne̱ lo ne̱ke̱ nitšumo̱ ne̱ dše̱ le̱, ebafite; *Mat. 15,18.
39ši ké̱ Nyoṅmo̱ deṅ edše̱ le̱, nyenyẽṅ nyefite; koni nyekabafe nyehe tamo̱ mei ni ke̱ *Nyoṅmo̱ wuo̱. *9,5.
40Ni ame̱bole̱ toi; ni ame̱tsé̱ bo̱foi le̱ ke̱-ba, ni *ame̱yiame̱, ni ame̱woame̱ kitã ake̱ ame̱kawie ye̱ Iesu gbe̱i le̱ ano̱, ni ame̱ṅmē̃ ame̱he. 22,19.
41Ke̱ke̱ ni ame̱dše akuašoṅ le̱ hĩe ame̱te *ke̱ mīše̱, ake̱ egbe̱i le̱ ahewo le̱ abuame mei ní sa ake abo̱ame̱ ahora. *Mat. 5,10-12. 1 Pet. 4,13.
42Ni ame̱fõõ nitšõmo̱ ke̱ Iesu Kristo šie̱mo̱ ye̱ so̱lemo̱we le̱ ke̱ šĩai befẽbe.
Currently Selected:
Bo̱foi le sãdši 5: GBV96
Highlight
Share
Copy
Want to have your highlights saved across all your devices? Sign up or sign in
The Bible in Ga © Bible Society of Ghana, 1896, 1992.
