Bo̱foi le sãdši 4
4
1Ši beni ame̱wieo̱ ame̱tšõo̱ maṅ le̱, oso̱foi le̱ ke̱ so̱lemo̱we le̱ *asafoĩatše̱ le̱ ke̱ Sadukifoi le̱ baſĩe ame̱no̱, *Luk. 22,4. 52.
2edšake̱ efeame̱ mlifũ ake̱ ame̱mītšõ maṅ le̱ nii, ni ame̱mīdšadše ame̱mītšõ ake̱ Iesu ete ši ke̱-dše̱ gbohĩĩ ateṅ; 23,8.
3ni ame̱mõmo̱ame̱, ni ame̱yawoame̱ tšũṅ ke̱-yaši dšetše̱remo̱, edšake̱ no mli le̱ gbe̱ke̱nāši ni.
4Ši mei ní nu wiemo̱ le̱ ateṅ mei pī hé ye, ni hĩĩ le̱ ayibo̱ aafe akpei-enumo̱. 2,47.
5Ši eba mli ake̱ dšetše̱reno̱ le̱ ame̱lumei le̱ ke̱ maṅ onukpai le̱ ke̱ woloṅmãlo̱i le̱ babua ame̱he nā ye̱ Ierusalem,
6ke̱ oso̱fonukpa Hana, ke̱ Kaiafa ke̱ Iohane ke̱ Aleksandro ke̱ mei abo̱ ni dše̱ oso̱fonukpa le̱ weku le̱ mli le̱;
7ni ame̱yaṅõame̱ ameba damo̱ teṅ, ni ame̱biame̱ ake̱: Mē hewale̱ nā alo mẽ gbe̱i amli nyefe ene̱ ye̱? Mat. 21,23.
8Ke̱ke̱ ni Petro ní Mumo̱ kroṅkroṅ eyile̱ obõ le̱, kē̱ame̱ ake̱: Nye maṅ le̱ mli lume̱i ke̱ Israel onukpai! Mat. 10,19. 20.
9Ke̱dši ake̱wo̱ miye sane ṅme̱ne̱-gbĩ ne̱ ye̱ edšŭrõ ní afe ne̱ke̱ helatše̱ ne̱ hewo̱ ake̱ namo no̱ atšṍ atšále̱ le̱,
10no le̱ nyefẽ ke̱ Israel maṅ mū le̱ fẽ aná ale ake̱, Iesu Kristo, Nazarenyo le̱, ní nyese̱ṅ, ní Nyoṅmo̱ tēle̱ ši ke̱-dše̱ gbohĩĩ ateṅ le̱, le̱ noṅṅ egbe̱i amli mone̱ damo̱ nyehĩe ni ehe étã ne̱. 3,6. 13-16.
11Le̱ noṅṅ dši te̱ le̱ ní nye ní nyedši tšũtſalo̱i le̱ gbe ehe guo̱, ni ebatšṍ koṅte̱ ne̱. Mat. 21,42. Lal. 118,22.
12Edšake̱ yiwalaheremo̱ be̱ mokomoko mli; ni asaṅ gbe̱i kroko hũ be̱ ṅwei šiši ní aṅõ-hã gbomei ní sa ake̱ atšṍ no̱ ahere wo̱yiwala. Mat. 1,21.
13Agbe̱ne̱ beni ame̱na Petro ke̱ Iohane ekã le̱ ni ame̱yo ake̱ dšee woloṅlelo̱i ke̱ nilelo̱i komei dšiame̱ le̱, efe ame̱hĩe yā, ni ame̱ko̱ se̱ ake̱ ame̱ke̱ Iesu hĩ ši.
14Ni asaṅ ake̱-ní ame̱na gbomo ní *atšále̱ le̱ ke̱ame̱ damo̱ ši hewo̱ le̱, ame̱náá noko ame̱kē̱. *3,8. 9.
15Ši ame̱fã́ame̱ ake̱ ame̱dše gwabō̱ le̱ṅ ame̱dše kpo fiō, ni ame̱te adšina ye̱ ame̱teṅ
16ame̱kē̱: Té wo̱o̱fe gbomei ne̱ tēṅ? edšake̱ okadi wulu ní amefe le̱ ye̱ faṅṅ ye̱ mei fẽ ní yo̱ Ierusalem le̱ ahĩe, ni wo̱nyẽṅ wo̱tšo. Ioh. 11,47.
17Ši kẽle̱, beni afe ní ekahehe tūtu ko doṅṅ ye̱ maṅ le̱ mli hewo̱ le̱, *nyehāa wo̱woa ame̱he gbeyei, koni ame̱kawie ye̱ ne̱ke̱ gbe̱i ne̱ amli ame̱mītšõ mokomoko doṅṅ. *5,28.
18Ni ame̱tšé̱ame̱ ke̱-ba, ni ame̱woame̱ kitã ake̱ ame̱katšĩ tã ni ame̱katšõ nii ye̱ Iesu gbe̱i amli kwrā doṅṅ.
19Ši Petro ke̱ Iohane here no̱ ni ame̱kē̱ame̱ ake̱: Ké̱ edša gbe ye̱ Nyoṅmo̱ hĩe ake̱ *abo nye moṅ toi fè Nyoṅmo̱ le̱, nyekodšoa.
20Edšake̱ wo̱ le̱ wo̱nyẽṅ ake̱ dša wo̱wie nii ní wo̱na ke̱ nii ní wonu le̱.
21Ši ame̱ le̱, beni ame̱sā ame̱wo ame̱he gbeyei le̱, ame̱ṅmē̃ ame̱he, edšake̱ ame̱naa bo̱ni ame̱afe ní ame̱apĩame̱ ye̱ maṅ le̱ hewo̱, edšake̱ mei fẽ mīwo Nyoṅmo̱ hĩe nyam ye̱ noni afe le̱ hewo̱;
22edšake̱ gbomo ní atšále̱ nākpe̱ tšámo̱ ne̱ eye fè afii nyoṅmai-edſe̱.
23Ši beni aṅmē̃ ame̱he le̱, ame̱ba ame̱nyemimei le̱ aṅõ, ni ame̱bagba nibii fẽ ni oso̱fonukpai le̱ ke̱ maṅ onukpai le̱ kē̱ame̱ le̱.
24Ši beni amenu le̱, ame̱ke̱ dſẽṅmo̱ kome hole ame̱gbēi ano̱ ame̱hã Nyoṅmo̱ ni ame̱kē̱: Nuṅtšo̱, bo ní odši Nyoṅmo̱ ní fe ṅwei ke̱ šikpoṅ ke̱ ṅšo̱ ke̱ nii fiā ní yo̱ ame̱mli;
25bo moni otšṍ wo̱tše̱ David, otšũlo̱ le̱, nā *okē̱: “Mẽba dšeṅmădši le̱ feo̱ hō, ni mãdši le hū dſẽṅo yakanii? *Lal. 2,1. 2.
26Šikpoṅ no̱ maṅtše̱mei le̱ ete ši edamo̱ ši, ni lume̱i le̱ hũ anā ebakpe ši ewo Nuṅtšo̱ le̱ ke̱ moni efo̱le̱ mũ le̱”:
27Le̱le̱ṅ, *Herode ke̱ Pontio Pilato ke̱ dšeṅmădši le̱ ke̱ Israel mãdši le̱ hũ ebabua ame̱he nā ye̱ mă ne̱ṅ ame̱wo otšũlo̱ kroṅkroṅ Iesu, moni ofo̱le̱ mũ le̱, *Luk. 23,12.
28koni amefe nii fẽ ni onine ke̱ oyintō le̱ eto efõ ši ake̱ afe le̱. 2,23.
29Ni agbene hũ, Nuṅtšo̱, kwe̱mo̱ ame̱he gbeyei ní ame̱woo̱ le̱, ni ohã otšũdši le̱ ke̱ ekã pī adšadše owiemo̱ le̱, Ef. 6,19.
30ní okpã onine mli ni ohă atšátšā mei, ní atšṍ otšũlo̱ kroṅkroṅ Iesu le̱ gbe̱i ano̱ afe okadii ke̱ nākpe̱nii.
31Ni beni ame̱so̱le le̱, heni ame̱nā ebakpe ši ye̱ le hoso, ni Mumo̱ kroṅkroṅ yimo̱ ame̱fẽ ame̱mli obõbõ, ni ame̱ke̱ ekã dšadše Nyoṅmo̱ wiemo le.
32Ši mei babaō le̱ ní heo̱ yeo̱ le̱ fẽ hĩe tšui kome ke̱ susuma kome, ní ame̱teṅ mokomoko tšé̱é̱ enii ni eyo̱ le̱ amli eko ake̱ le̱dientše̱ enõ, ši moṅ ame̱ṅõ fẽ amefe ekome. 2.44.
33Ni hewale̱ kpeteṅkple bo̱foi le̱ ke̱-ye Nnntšo̱ Iesu sitē le̱ he odase, ni *dromo̱ kpeteṅkple ye̱ ame̱fẽ ame̱no̱. *2.47.
34Ni mokomoko be̱ ame̱teṅ ni efĩo̱le̱; edšake̱ mei abo̱ ní yo̱ šikpõdši alo šĩai le̱ hõhõi, ni ame̱ke̱ nii ní ahõ le̱ ayinii le̱ ba, 2,15.
35ame̱ke̱-baſie bo̱foi le̱ anădši ana, ni adšäă ahãa mofẽmo bo̱ni he hīaäle̱ le̱.
36Ni Iose, moni bo̱foi le̱ wole̱ *Barnaba (ešiši dši: Miše̱dšemo̱bi) le̱, ní dši Levinyo ni ese̱ dše̱ Kipro le̱, *11,22. 24.
37ye̱ šikpoṅ ko, ni ehõ, ni eke̱ šika le̱ ba ni eke̱-baſie bo̱foi le̱ anădši anā.
Currently Selected:
Bo̱foi le sãdši 4: GBV96
Highlight
Share
Copy
Want to have your highlights saved across all your devices? Sign up or sign in
The Bible in Ga © Bible Society of Ghana, 1896, 1992.
