MALAKI 4
4
MOKUNA IV.
1 No ka hoʻopaʻi ʻana i ka poʻe hewa, a me ka pakele ʻana o ka poʻe pono. 6 No ʻElia.
1¶ “No ka mea, aia hoʻi! Ke hele maila ka lā e ʻenaʻena ana me he umu ahi lā, i laila ʻo ka poʻe hoʻokiʻekiʻe a pau, a me ka poʻe hana ʻino, he mauʻu lākou; a e hoʻopau ua lā lā e hiki mai ana iā lākou,” wahi a Iēhova o nā kaua, “a e waiho ʻole ia i aʻa no lākou, ʻaʻole hoʻi lālā.
2“Akā, no ʻoukou ka poʻe weliweli i koʻu inoa, e puka mai ana ka Lā o ka Pono, me ka mea hoʻōla i loko o kona mau ʻēheu; a e hele aku ʻoukou, a e lele ʻoliʻoli, e like me nā bipi keiki i kūpalu ʻia.
3“A e hehi iho ʻoukou i ka poʻe ʻaiā; a e lilo lākou i lehu ma lalo iho o ko ʻoukou mau wāwae, i ka lā aʻu e hana ai i kēia,” wahi a Iēhova o nā kaua.
4¶ “E hoʻomanaʻo ʻoukou i ke kānāwai o Mose, ʻo kuʻu kauā, aʻu i hāʻawi aku ai iā ia ma Horeba, a i kā ʻIseraʻela a pau, me nā kauoha, a me nā ʻōlelo hoʻopono.
5“Aia hoʻi, e hoʻouna aku au iā ʻElia ke kāula i o ʻoukou lā, ma mua mai o ka hiki ʻana o ua lā nui weliweli lā o Iēhova.
6“A e hoʻohuli aʻe ʻo ia i ka naʻau o nā mākua i nā keiki, a me ka naʻau o nā keiki i nā mākua, o hele aku paha auaneʻi au, a hahau i ka honua i ka hōʻino ʻana.”
Currently Selected:
MALAKI 4: KBH
Highlight
Share
Copy
Want to have your highlights saved across all your devices? Sign up or sign in
Ka Baibala Hemolele © Partners Development Foundation, 2018.
