KA ʻEUANELIO I KĀKAU ʻIA AI E MATAIO 1
1
MOKUNA I.
1 Ke kūʻauhau no Iesū, 25 a me kona hānau ʻana.
1¶ ʻO ke kūʻauhau na ka hanauna o Iesū Kristo, ka mamo a Dāvida, ka mamo a ʻAberahama:
2¶ Na ʻAberahama ʻo ʻIsaʻaka; na ʻIsaʻaka ʻo Iakoba; na Iakoba ʻo Iuda a me kona poʻe hoahānau.
3Na Iuda lāua me Tamara ʻo Paresa a me Zara; na Paresa ʻo Hezerona; na Hezerona ʻo ʻArama.
4Na ʻArama ʻo ʻAminadaba; na ʻAminadaba ʻo Naʻasona; na Naʻasona ʻo Salemona.
5Na Salemona lāua me Rahaba ʻo Boaza; na Boaza lāua me Ruta ʻo ʻObeda; na ʻObeda ʻo Iese.
6Na Iese ʻo Dāvida ke aliʻi; na Dāvida na ke aliʻi lāua me ka wahine a ʻUria ʻo Solomona.
7Na Solomona ʻo Rehoboama; na Rehoboama ʻo ʻAbia; na ʻAbia ʻo ʻAsa.
8Na ʻAsa ʻo Iosapata; na Iosapata ʻo Iorama; na Iorama ʻo ʻOzia.
9Na ʻOzia ʻo Iotama, na Iotama ʻo ʻAhaza; na ʻAhaza ʻo Hezekia.
10Na Hezekia ʻo Manase; na Manase ʻo ʻAmona; na ʻAmona ʻo Iosia.
11Na Iosia ʻo Iekonia a me kona poʻe hoahānau, i ka manawa o ka lawe ʻana i Babulona.
12¶ A ma hope mai o ka lawe ʻana i Babulona, na Iekonia ʻo Saletiʻela; na Saletiʻela ʻo Zerubabela.
13Na Zerubabela ʻo ʻAbiuda; na ʻAbiuda ʻo ʻEliakima; na ʻEliakima ʻo ʻAzora.
14Na ʻAzora ʻo Sadoka; na Sadoka ʻo ʻAkima; na ʻAkima ʻo ʻEliuda.
15Na ʻEliuda ʻo ʻEleazara; na ʻEleazara ʻo Mahetana; na Mahetana ʻo Iakoba.
16Na Iakoba ʻo Iosepa ke kāne a Maria nāna i hānau ʻo Iesū, i kapa ʻia ʻo Kristo.
17¶ ʻO nā hanauna a pau maiā ʻAberahama mai a hiki iā Dāvida, he ʻumi ia hanauna a me kumamāhā; a maiā Dāvida mai a hiki i ka lawe ʻana i Babulona, he ʻumi ia hanauna a me kumamāhā; a mai ka lawe ʻana aku i Babulona mai, a hiki iā Kristo he ʻumi ia hanauna a me kumamāhā.
18¶ Penei hoʻi ka hānau ʻana o Iesū Kristo: i hoʻopalau ʻē ʻia kona makuahine ʻo Maria na Iosepa, ʻaʻole naʻe lāua i pili, a ʻikea ʻo ia, ua hāpai na ka ʻUhane Hemolele.
19Akā, he kanaka pono kāna kāne ʻo Iosepa, ʻaʻole ia i makemake e hōʻino iā ia ma ke ākea; manaʻo ihola ia e kipaku malū iā ia.
20A i kona noʻonoʻo ʻana ma ia mau mea, aia hoʻi, ʻike ʻia aku ka ʻānela a ka Haku e ia ma ka moe, ʻī maila, “E Iosepa, e ka mamo a Dāvida, mai makaʻu ʻoe ke lawe iā Maria i wahine nāu; no ka mea, ua hāpai ʻo ia na ka ʻUhane Hemolele.
21“A e hānau mai ʻo ia i Keiki Kāne, a e kapa aku ʻoe i kona inoa ʻo Iesū; no ka mea, e hoʻōla ia i kona poʻe kānaka mai ko lākou hewa.”
22Ma ia mau mea i kō ai ka mea a ka Haku i ʻōlelo mai ai ma ke kāula, i ka ʻī ʻana mai:
23“«Aia hoʻi, e hāpai ana kekahi wahine puʻupaʻa, a e hānau mai ia i Keiki Kāne, a e kapa ʻia kona inoa ʻo ʻEmanuʻela»;” ʻo ke ʻano kēia, “«ʻo ke Akua me kākou».”
24A ala aʻela ʻo Iosepa mai ka hiamoe ʻana, hana akula ia e like me kā ka ʻānela a ka Haku i kauoha mai ai iā ia, a lawe maila ia i kāna wahine;
25ʻaʻole naʻe i moe aku iā ia, a hiki i ka wā i hānau ai ʻo ia i kāna Makahiapo Kāne, a kapa akula ia i kona inoa ʻo Iesū.
Currently Selected:
KA ʻEUANELIO I KĀKAU ʻIA AI E MATAIO 1: KBH
Highlight
Share
Copy
Want to have your highlights saved across all your devices? Sign up or sign in
Ka Baibala Hemolele © Partners Development Foundation, 2018.
