Pinali a Njou‐Mboro‐Pinali 9

1Da Saul mi pane kèra sènafèn ba aféké baï ina njou‐séna bongli a Nanjou, kè sé guè mona zaworo sacrificateur, 2ka oui nè baï takarata domboro baï séna guè bil synagogueli an pou Damas, da tokoré kème jing njoukounali an Mboro aïn, wonron njoukouli maléba waïnli, an kème gna kli da ya kli gui pou Jérusalem.

3Da ko̱ kème pane guina an domboro kè hèdi bèl pou Damas, koukoulion takanafèn mi taka gui ka nonkala ka cha gui ki nè bon, 4da kème lé bou koukoula, da kème la mbo̱ko̱ on ko̱ mi sa hi nè: Saul, Saul, baïfèn da mome sène mi lé? 5Da Saul mi sa: Mo ba guè lé, Nanjou? Da kè sa: Mè ba Jésus on ko̱ mome sène mi. Lata baï ndara bo̱ko̱ sé guèl tène. 6Monè to̱ nè, da laou‐è mi sé siya, da kè sa: Nanjou, mo ji an mème nding ba fèn lé? Nanjou mi féré sa hi nè: Mo ourou siya, ka sé guè bil pou, da yé njoukouna ma to̱ko̱ fèn on hi mo, ko̱ ma an mome nding. 7Da njoukouli on ko̱ mi guè jing nè mi o yime ka njaka kli, kli lala mbo̱ko̱ baï aïn, da klime tane ga ko̱ njoukouna mbéo ya. 8Da Saul mi ourou siya an koukoula, da ko̱ kème bourou nonè, kè tane ga ko̱ njoukouna ya; da klime ko̱ko̱ ba ndo̱kè, da ya nè gui pou Damas. 9Ma name saï kè tane ga ko̱ guèl ya, da tane ga son laka ya, ka njo mbi ya.

10Njou‐séna bong hana mbéo makaou soko an pou Damas, ling‐è ba Ananias. Nanjou mi sa baï hi nè mahana ka lo̱la: Ananias. Da kème sa: Mono mè makaï, Nanjou! 11Da Nanjou mi sa hi nè: Mo ourou siya, ka sé guè domboro pou on ko̱ klime di lingkè ba Tane‐ta, ka oui an voula Judas baï an njoukou on ko̱ ling‐è ba Saul njou‐pou Tarse. 12Baï ko̱ mono kème hiou Ouone, da kème ko̱ njoukou mahana ka lo̱la on ko̱ ling‐è ba Ananias mi ri gui bil voulou, ka goukou ndo̱kè toulè, an kème ko̱ guèl. 13Da Ananias mi féré sa: Nanjou mè lala baï a njoukou aïn an njaka njoukouli nyèta, ko̱ kème nding fèn bèlya jing njou‐lana bilaou noli an pou Jérusalem. 14Da kème jing bina njaka loukou sacrificateurli an guèl aïn tou baï gnana njoukouli on bon ko̱ mi di ling‐o̱. 15Da Nanjou mi sa hi nè: Mo sé fèno, baï njoukou aïn ba mè mi ko̱ sane nè ba ami fèni, baï yana ling ni sé guè nona mèran pime pouli da nanjoukaouli, tèn goundi a Israël; 16baï yé mè to̱ko̱ fènli on bon hi nè, ko̱ ma baï an kème to̱ko̱ssé jing rou baï toul ling ni.

17Da Ananias mi sé, da ri guè bil voulou, ka goukou ndo̱kè toula Saul, ka sa: Yine ni Saul, Nanjou Jésus, kè on ko̱ mi tèn nono an domboro on ko̱ mo nding baï guina, kème ko̱ pi mi baï an mome ko̱ guèl, ka mba ka Saint‐Esprit. 18Da koukoulion fèna mi ta lé an nonè mahana ka fénafèn, da kème ko̱ guèl, da ourou siya ka ya baptême; 19da kème son laka ka monè mi pou nè.

Da Saul mi na ma name hanali jing njou‐séna bonglï on ko̱ kaou an pou Damas. 20Da koukoulion, kème sa mboura bèlabaï an bil synagogueli mane mbéo mbéo, ko̱ Jésus ba Goune a Ouone. 21Da kli bon on ko̱ la baï nè laou kli mi sé siya, da kli sa: Tane ti ba kè on mini ko̱ sène kli on ko̱ mi di ling aïn an pou Jérusalem mini ya lé? Da kème gui guèl aïn baï gnana kli, da ya kli sé guè mona loukou sacrificateurli ya lé? 22Da Saul mi gui njèrèn ta guèbambèl. Da laou a Juifli on ko̱ bi an pou Damas mi dou maïya, baï ko̱ kème sa saonkè hi kli ko̱ Jésus ba Christ.

23Da ko̱ namli nyèta mi ta tou. Juifli mi bakèdakè jing hana baï ina nè, 24da Saul mi la baï aïn ko̱ klime bakèdakè ka foli. Da klime pèng njaka ngalang ka séssé tèn hangnachoung baï ina nè. 25Da njou‐séna bong nèli mi bi nè bou bil karo ka hangnachoung da diri nè gui tiya bou koukoula ka toul hila.

26Da ko̱ kème kan pou Jérusalem tou, kè lé baï ndoïna jing njou‐séna bongli da kli bon mi ngou waou nè ta, baï ko̱ klime tane ga tou saon‐è ko̱ kè ba njou‐séna bong ya. 27Da Barnabas mi ya nè gui mona njou‐mboro‐pinali, ka to̱ko̱ bongkè hi kli mahana ko̱ Nanjou mi tèn nonè an domboro da sa baï jing nè, da kème sa mboura bèlabaï ka bil ling a Jésus ndo̱t an pou Damas. 28Da kème kaou jing kli ka hanran siya sé da ndé féré jing kli gui pou Jérusalem, 29da kème sa mboura bèlabaï ka bil ling a Nanjou ndo̱t. Kème sa baï ka njaka jing Hellénisteli; da klime nza mborokè baï ina nè. 30Da ko̱ yindi mi la baï on, kli ya nè ka sé jing nè guè pou Césarée da pi nè do̱li sé guè pou Tarse.

31Mono go̱ra église bon an guèl Judée da guèl Galilée tèn guèl Samarie mi iki tou, da mone kli mi pou kli tou, da klime sé ka waou nona Nanjou ka mboro vona go̱ro̱ kli ka Saint‐Esprit, da taïnkon nyèta.

32Da baï mi gui mahana ka on, ko̱ Pierre mi sèrè kan pouli bon, kème ndé diri sé guè mona njou‐lana‐bilaouli on ko̱ mi bi an pou Lydde kéng. 33Da kéme jing njoukou mbéo ling‐è ba Enée, kè on ko̱ mi na bou bil to̱ko̱ mane saka difala‐saï jing jangma yawè. 34Da Pierre mi sa hi nè: Énée, Jésus‐Christ mi haï jangma no tou; mo ourou siya ka ka toko no. Da koukoulion kème ourou siya. 35Da njoukouli on ko̱ bi an pou Lydde da an pou Saron mi ko̱ nè da klime ki go̱ro̱ kli guè mona Nanjou.

36Da njou‐séna bong waïn hana mbéo makaou an pou Joppé ling‐é ba Tabitha, ling aïn mi sa ba Dorcas. Waïn aïn mi nding bèla pinali ta da nding ko̱ko̱ ta. 37Da baï mi gui mahana ka on, ka mbé name o̱kèo̱ jangma mi ba nè da kème hou. Da ko̱ klime so nè tou, kli bou nè an laou gangna bil voulou. 38Da baï ko̱ pou Lydde mi tane di guè pou Joppé ya, ko̱ njou‐séna bongli mi lala ba Pierre makaou ndourou, kli pi njoukouli séré sé guè monè, ka sa jo̱jo̱ nè an kème gui mone kli gada. 39Pierre mi ourou da guè mone kli. Da ko̱ kème kan tou, kli ya nè, da hé sé guè bil gangna laou voulou. Waïn soréli bon mi ndoï guè bèl monè ka lé léou, da klime to̱ko̱ la siya tèn gara lali hi nè ko̱ Dorcas mi san ko̱ kème pane jing kli. 40Da Pierre mi téne kli bon tèn sé kala, da kème houkou ka hiou Ouone; kè ki monè guè mona houl aïn, ka sa: Tabitha, mo ourou siya! Da kème bourou nonè, da ko̱ kème ko̱ Pierre, kè ourou siya ka kaou. 41Da Pierre mi ndara ndo̱kè, ka ko̱ko̱ nè bi siya, da mono kème di njou‐lana‐bilaouli da waïn soréli ka hi nè hi kli ka none. 42Da njoukouli bon an pou Joppé mi la saon baï aïn, da njoukouli nyèta mi la bilaou a Nanjou. 43Da Pierre mi kaou name hanali nyèta an pou Joppé, jing Simon on ko̱ ba njou‐koura ga.

Currently Selected:

Pinali a Njou‐Mboro‐Pinali 9: KBN1947

Highlight

Copy