YOANO 15

1Ame nduyuva wocili, Tate eye ongunja yaco. 2Ocanja cosi cange ka cimi epako, o ci sonjako, kuenje cosi cime epako, o ci sonjela oco cime epako lia lua. 3Puãi ene wa sonjelui ale londaka nda popia lene. 4Kali vokuange, kuenje ame ñalavo vokuene. Ndeci ocanja ka ci tẽla oku ima lika liaco, te ci tokeka kuyuva, haico ene nda ko kala vokuange. 5Ame nduyuva, ene vuvianja viaco. U o kala vokuange, kuenje ame ñala vokuaye, eye ima epako lia lua. Puai nda wa tundi vokuange ka vu tẽla oku linga cimue. 6Umue nda ka kala vokuange, inasiwa ndolumbange, kuenje o kukuta. Ovianja viaco va vi ongolola, va vi imba vondalu, kuenje vi pia. 7Nda vu kala vokuange kuenje olondaka viange vi kala vokuene, pingi cosi vu yongola kuenje cu lingilua. 8Kokuima kuene epako lia lua oko Tate a muisilua ulamba, kuenje vu lekisa okuti vulondonge viange. 9Ndeci Isia a sole ame, haico ame ndo soli ene. Kali vocisola cange. 10Nda vu pokola kovihandeleko viange, vu kala vocisola cange, ndeci ame nda pokola kovihandeleko via Tate, kuenje ñasi vocisola caye. 11Ovina evi ndo vi popeli okuti esanju liange li kala vokuene, kuenje esanju liene li suapo.

12Ocihandeleko cange ceci, siti, Lisoli pokati ndeci ndo soli. 13Ocisola ca velapo eci ka kuli, cokuti omunu o pesila akamba vaye omuenyo waye. 14Ene wakamba vange nda vu linga ovina ndu handeleki. 15Siu tukuli vali akuenje, momo ukuenje ka kũlĩhile eci ñala yaye a lingainga, puãi ndo tukuli akamba, momo ndo sapuili ovina viosi nda yeva ku Tate. 16Heneko wa mbali, ame muẽle ndo vali, kuenje ndo tukuili okuti wendi ha wimi epako, lepako liaco li kala. Oco cosi vu pinga ku Isia vonduko yange u ciha. 17Ndu handeleki siti, Lisoli pokati.

18Nda oluali lu u suvuki ivaluki okuti ame lua lianga oku suvuka. 19Nda wa kaili vakualuali nda oluali lua sola valuo, puãi, omo kavuvakualualiko, omo ame ndo noli voluali, oco oluali lu-u suvukili. 20Ivaluki ondaka nda popia lene, siti, Ukuenje ka velipo okuti ñala yaye o sule. Nda va fũkĩlisa ame, ene vo fũkĩlisivo, nda va pokola kondaka yange va pokolavo kondaka yene. 21Puãi onduko yange oyo vo lingili ovina evi viosi, momo ka va kũlĩhile u wa numa. 22Nda sieyile, kuenda nda sia popele lavo, nda ka va kaile lekandu, puãi cilo ka va kuete etatelelo liekandu liavo. 23U o suvuka ame o suvukavo Tate. 24Nda sia lingilile pokati kavo ovina okuti lomue ukuavo wa la vi linga, nda ka va kaile lekandu, puãi cilo, kavali ketu, lame la Tate, va tu mola kuenje va tu suvuka. 25Puãi ca lingilua ondaka yocihandeleko cavo citi, Va suvuka ño olivova. 26Puãi eci Ñuatisi eya, u o tunda ku Isia kuenje ndu tuma kokuene, haeye Espiritu liocili o tunda ku Isia, eye o njimbila uvangi. 27Ene vu njimbilavo uvangi, momo wa kaili lame tunde kefetikilo.

Currently Selected:

YOANO 15: EMB63

Highlight

Copy