Etatelu 10
10
Tukanula ta Ana Apami wa Noa
(1 Ek. 1:5-23)
1Tukanula ta ana apami wa Noa tone: Sheme, Hama la lafeta. Vo wakuti ana apami lʼokongo wʼelula.
2Ana apami wa lafeta ane: Ngomera, Mangonga, Madai, lavana, Tubala, Mesheke, la Tirasi. 3Ana apami wa Ngomera ane: Ashekenaze, Rifate, la Tongarama. 4Ana apami wa lavana ane: Elisha, Tarashisha, Kitime, la Dodanima. 5Uma le wo mbakafulanela wedja wʼantu uku beke dia kete yawo, uku oteketa a wudja la wudja, ndu uku khumbu yawo.
6Ana apami wa Hama ane: Kusha, Mizirayima, Puta, la Kanana. 7Ana apami wa Kusha ane: Seba, Havila, Sabita, Rama, la Sabiteka. Ana apami wa Rama ane: Sheba la Dedana. 8Kusha akuti ndu Nimirode lakatatela ndjala untu la wulu la kete. 9Ndi aki minginga ka dihunga la ntundu ka Latuyalaka. Diako mbatuwutaka vati: Minginga ka dihunga la ntundu ka Latuyalaka uku Nimirode. 10Ntundu ndi akulela Babele, Ereke, Akada, la Kalane lu kete ya Shinare. 11Uma lu kete yako ndi akoto lu kete yʼAsuriya, akatuhika Niniva, Rehobota-Ire, la Kala, 12ndu Resene, usumba a wuki, lʼasa Niniva la Kala. 13Mizirayima akuti Ludima, Anamima, Lehabima, Nafetuhima, 14Paterusinu. Kasluhima (lotshetshe lʼasi Filistiya), ndu Kafitorima.
15Kanana akuti Sidona, onʼandi lʼenundu, la Hete, 16Jebuse, Amona, Ngiringashe, 17Hiwi, Araka, Sine, 18Aravada, Zemare, la Hamata. Lʼokongo diku tukanula ta Kanana wakadiangana. 19Elelu wʼasi Kanana wakayala okone. Lu leke la Ngerare, uma la Sidona pulu ndu la Ngaza; ku lu leke la Sodoma, uma la Ngomora, Adema la Zeboyima pulu ndu la Lasha. 20Oso eli ana apami wa Hama uku aki khumbu yawo, eteketa awo, kete yawo, ndu wedja awo.
21Sheme, enundu wa lafeta, aki lotshetshe lʼana apami tshe wa Ebere. Ndi akuti ana apami akina. 22Ana apami wa Sheme ane: Elama, Ashura, Arapakeshade, Luda, la Arama. 23Ana apami wa Arama ane: Uze, Hulu, Ngetere, la Mashe. 24Arapakeshade akuti Shela, la Shela akuti Ebere. 25Ebere akuti ana ahendi. Lukumbu la omotshi Pelenge (kitshimudi ati Nkahanya), ne dia lu nshi yandi kete yakakahanyema; lukumbu la ukina Jokitana. 26Jokitana akuti Alamodada, Shelefa, Hazaramaveta, Jera, 27Hadorama, Uzala, Dikila, 28Obala, Abimaele, Sheba, 29Oflra, Havila, la Jobaba. Aso tshe weli ana apami wa Jokitana. 30Vo wakadjaseka lu leke la Sefare uma la Mesha pulu ndu lʼukungu wa leke lʼehutwelu ka unya. 31Ana apami wa Sheme aso uku okone aki khumbu yawo, eteketa awo, kete yawo, ndu wedja awo.
32Osoku mbaki khumbu yʼana apami wa Noa, uku nonga yawo, la wedja awo. Uma le wo mbakatumbi wedja wakakukanela la kete lʼokongo wʼelula.
Currently Selected:
Etatelu 10: TLL
Highlight
Share
Copy
Want to have your highlights saved across all your devices? Sign up or sign in
La Bible en Otetela © Allianee Biblique de la Republique Democratique du Congo, 1991
