Etumbelu 19

Isariyele Wambudjase Lasuki lʼUkungu a Sinai

1Asi Isariyele wakakumi lu ngondo ka satu, lʼokongo wʼetumbelu kawo uma lʼEdjibitu, lʼusui wa shenga wa Sinai. 2Lamʼakawunela uma la Refidime, vo wakakumi lʼusui wa shenga wa Sinai, ku wakahangi lʼusui ako. Isariyele wakahangi leko, la ntundu kʼUkungu a Sinai. 3Mose akambela utsha le Unyashungu. Ku Latuyalaka akaweti uma ladiku diʼukungu; akawutela ati: Uteli ana wa Isariyele, khumbu ka Jakoba, wati: 4Nyu nyakenyi okone akamatshela asi Edjibitu, ndu uku akamanyembe ladiku diʼahafu wa pungu dia nyela uya le mi. 5Kakiane, naka nyayulunga diui diami, ndu nyayulama daka diami, nyu nyayuyala wudja ami lʼatei a wedja tshe,#19:5 Euh. 4:20; 7:6; 14:2; 26:18; Tit. 2:14. ne dia kete tshe yeli yami. 6Nyu nyayuyala diulelu diʼelombedi#19:6 Eny. 1:6; 5:10. ndu wudja wʼekila le mi.#19:6 1 Pet. 2:9. Aui aso mbayuyutela asi Isariyele.

7Ku Mose akayi, aketi dihangamendi dia wudja. Ndi akati aui aso tshe la ntundu kawo, uku akawudjangela Latuyalaka. 8Wudja tshe wakûkaluya diui vati: Shu tayutsha akambu aso tshe wakati Latuyalaka. Ku Mose akatole aui a wudja le Latuyalaka. 9Ku Latuyalaka akatela Mose ati: Ulungi, dimi lu ndjayi le ye lʼatei a dingi dia hito, dia antu mbuka lamʼayumoteketa la ye, dia vo nketawo ndu we pundju.

Ku Mose akatela Latuyalaka aui wa wudja. 10Latuyalaka akatela Mose ati: Utshu le wudja utakidia elo la lui. Kawusuli ahondo awo, 11kawuyalongosole dia lushi la satu; ne dia lushi la satu mbayumuhulo ladiku diʼUkungu a Sinai, lu ashu wʼantu tshe. 12Kundjeli wudja ulelu lʼutshimba awo. Kuwateli wati: Nyewo, tanyumbelaki lʼukungu kuyanga mbunanda lʼokenge. Untu tshe layunanda ukungu, ayudiakema. 13Antu tawunandaki untu ako, keli wawuki ave kana pitu. Kana untu kuyanga nyama, ndi tatshikalaki la lumu.#19:13 Heb. 12:18-20. Lamʼayuda dimama edja, antu tshe kawumbeli lʼukungu. 14Okone Mose akahulo uma lʼukungu utsha le antu, akatakidia, ku vo wakasuli ahondo awo. 15Ku ndi akatela antu ati: Nyuyalongosole ne dia lushi la satu, pami tshe teyanaki la umuntu.

16Okone la pindju ka lushi la satu, dingi dia tshududu diakahema ladiku diʼukungu. Akhungula la angadimu wa ndjadi#19:16 Eny. 4:5. wakayala, ndu lundju la dimama lakatamanya ndjala wulu. Wudja tshe waki lu pangu, wakandama la woma. 17Mose akatundja antu uma lu pangu dia ntuhumana la Unyashungu. Ku vo wakatemala la tshina diʼukungu. 18Ukungu a Sinai tshe wakayala dinga tu, ne dia Latuyalaka akahulo loko lʼatei wa dja.#19:18 Euh. 4:11-12. Dinga so diakambela, uku dinga diʼuma lu khuka ka dja. Ku ukungu tshe wakadidima wulu. 19Lamʼakatatekoyaka lundju la dimama ndjala wulu, Mose akateketaka. Ku Unyashungu akûkaluyaka diui lu dikhungula. 20Latuyalaka akahulo ladiku diʼUkungu a Sinai lʼote wʼukungu. Latuyalaka aketi Mose dia ndi mumbela lʼukungu, ku ndi akambela. 21Latuyalaka akatela Mose ati: Uhulo, utewuli antu, tawulekanaki ulelu uya le mi dia nshishima, ne dia ului a wuki lʼatei awo watukuvo. 22Ndu elombedi watusukanaka le Latuyalaka, kawutayakidisha, ne dia Latuyalaka atukuyakungutwela. 23Mose akatela Latuyalaka ati: Wudja hawudela lʼUkungu a Sinai; ne dia we akatokokomiya wati: Nyudji ulelu lʼutshimba wʼukungu, nyukidia. 24Latuyalaka akûkaluya diui ati: Uhulo, kumbeli we la Arona. Keli elombedi la utundu a wudja, tawulekanaki ulelu dia mumbela uya le mi, ne dia dimi ntukuyakamwela. 25Ku Mose akahulo utsha le antu, akatuwatela.

Currently Selected:

Etumbelu 19: TLL

Highlight

Copy